***
შველას ითხოვენ თათ!
ჩემი თითები,
შველას.
ნისლი შეჰყრია მთათ,
თოვლი დაედო მწვერვალს.
ახლა ღამეა თათ,
დილა თეთრ კაბას იცმევს,
შენ ჩამობნეულ თმათ
იბნევ
პერანგის ღილზე.
გამო(ვ)იღვიძე თათ !
თვალებზე თითებს მისმევ.
არ გაუგია მათ,
ჯერ არაფერი ისევ.
კოცნებს დაგითვლი თათ,
თორემ ფანჯრისკენ ვიწევ.
მერე გიხუტებ ან...
ან ვჩუმდები და გიწერ.
რომ დაიძინე მშვიდად,
რომ არ მოვიკლავ თავს.
ფიფქის დავარდნა ციდან
სიკვდილს არაფრით ჰგავს.
შველას ითხოვენ თათ,
ჩემი თითები,
შველას.
ნისლი შეჰყრია მთათ,
მე კი შევჰკივლებ მწვერვალს

რომ ჩემი !
რომ ჩემი !
ხარ.


-თემო არაბული-