ოცნება სულელი
დაკარგულია წლები უშენოდ,
ახალგაზრდობაც სადღაც მიფრინავს.
მე კი, კვლავ მარტო, ისევ იქ დავრჩი.
სადაც პირველად თვალმა გიხილა.

გულმა რამდენი სევდა, დარდები,
წლების მანძილზე, ჩუმად ითმინა,
არცერთი ცრემლი სხვას არ უნახავს,
მხოლოდ ბალიშზე ღვარად იდინა.

მე ხომ, კვლავ მათბობენ შენზე ოცნებები,
ყველა ოცნებას რომ სათუთად ვეფერები
რადგან ოცნებებში ისე ახლოსა ხარ,
თითქოს აქვე, მთლად ჩემს გვერდით დგახარ.

გაგიწვდი ხელს და მხოლოდ მაშინ ვხვდები,
როცა რეალობას ისევ ვეფეთები
აქ, არც შენ ყოფილხარ, არც შენი სურნელი,
ეს იყო უბრალოდ, ოცნება სულელი.

ან და, ზღვარს გასული ჩემი ფანტაზია,
ჩვენი ერთად ყოფნა ისე ლამაზია.
ვუცქიროთ მომავალს იმედის თვალებით
ვარიგოთ ღიმილი, ბედნიერ წამებით.