იცოდეთ, რომ დღეს მე მაინც გადავლახავ ტალღებს,
ის მღელვარე, ის მღელვარე სიკვდილის კარს აღებს.
მე ვიცი, რომ ვერ მერევა და პირიქით, მავსებს.
სიყვარული, ეს გრძნობა ხომ ყველა კანონს არღვევს.

იცოდეთ, რომ დღეს მე მაინც არ მოვკვდები, არა.
მე ამ მძიმე პერიოდზე "მან" გადამატარა.
ერთადერთი შეუცვლელი ცოტა ხნის წინ ვნახე
და ჩემს გულში საბოლოოდ მე ის გამოვსახე.

იცოდეთ, რომ მე დღეს მაინც ამ ნისლს მოვფენ ნათელს
და დავანთებ სიხარულო, შენთვის წმინდა სანთელს.
მიყვარხარ და მენატრები შენ ყველაზე ძალიან
და მე შენთვის, მხოლოდ შენთვის, სულ ყოველთვის მცალია.

მიყვარხარ და გელოდები მე შენ ჩემო ფერია,
შენზე ფიქრით მე ეს გული სულ მთლად გადამერია.
მიყვარხარ და მე მწყურია მხოლოდ შენი დანახვა,
მე ხომ მხოლოდ შენ მჭირდები, სიხარულო, განა სხვა!