ნოემბერი

ნოემბერიც მიიწურა, იცი?
მოგონებებს შენი ფერი აკრავს.
არ მოვყვები, არ დავიწყებ წუწუნს,
უშენობით თუ რა დარდი მტანჯავს.

ვერ გამიგებს, ვერ მიხვდება ვერვინ,
ისე, როგორც შენ გამიგებ სათქმელს.
არ ვცდილობდი, არ ვეძებდი არვის
მანამ, სანამ შემთხვევით არ გნახე.

ვიცი ერთ დღეს, რომ მოგიყვანს ჩემთან
ეს ქუჩები მოლოდინით სავსე,
იმედებით ვეგებები დღეებს,
და ღამესაც ამ იმედით ვათევ.

ნოემბერი მიიწურა, იცი?
მოგონებებს შენი სუნი დასდევს.
ვცდილობ, შენ ერთს გაგაგონო ეს ხმა
რადგან ჩემი სიყვარული განდე.