მომიახლოვდი... შენი შეხება სისხლივით მიჩქებს ნატკენ სხეულში
ყველა ტკივილის გადასაფარად შენს მკლავებში ვარ გამომწყვდეული
მომიახლოვდი.... ეს მეათასედ ისევ გამანდე შენი გრძნობები
ვგრძნობ გაზაფხულზე დაბრუნებული შემოდგომემდე ჩამომშორდები
და ვისეირნებთ ჩვენ ცივ ღამეში სანამ გრძნობები ძველ ფერს დაკარგავს
სახლში წასული გზაში დაღლილი ჩემი ტუჩები შენსას განკარგავს
და შენი სახლის ფანჯრების მიღმა
მოსჩანს ქალაქის შავი კედლები
მომიახლოვდი თან ისე თბილად რომ შენს შეხებას ვეღარ ველევი
ოთახში სავსე მძიმე ბურუსით, მოსიარულეს გითვლი ნაბიჯებს
მომიახლოვდი... ხელი მომხვიე... სანამ ჩემს გრძნობებს გადააბიჯებ
და ღმერთმა იცის უკვე რამდენჯერ უშენობა რომ შემეპარება
მე მოგწერ ისევ რომ ხვალ შეგხვდები, შენ მიპასუხებ რომ არ გეცლება
და შენ დამტოვებ ფანჯრების მიღმა, სხეულში ზამთრის სუსხი დადგება
მომიახლოვდი, თავს ვიგრძნობ მშვიდად სანამ დაიწყებს გამოდარებას