მე და შენ შორის ვნებად
წითელი ფერი ჩნდება
ნელ-ნელა გიქცევ მკლავებში
თეთრი იცვლება ლურჯად

მესმის შენი გულისცემა
თვალები გიელავს მწვანედ
სუნთქვას აყოლებ ბგერებს
მონაცრისფერო გრძნობად

ნაზად გიკოცნი ლავიწს
თითებს გიცურებ თმაში
ოქროსფერია ფიქრი
შენ რომ გიელვებს თავში

იის სურნელი მათრობს
შენი სიტყვები მათბობს
მენდე, ყვითელი გიხდება
მზისფერი ხართქო გახსოვს?!

შენი სურვილით ვიწვი
პირადი მზე ხარ კარგო
ყოველ შენს ოხვრას ვითვლი
და ვგრძნობ არა ვარ მარტო

ვარდისფერ ტუჩებს ვეხები
გემოს მაგონებს მანგოს
წელს მიმშვენებენ შენი ფეხები
და დაუცხრომლად გე'ფერები