მე ის არა ვარ, ვინც შენ გგონივარ
სასთუმალს მშვენის ცივი სიზმრები
აღარ ვარგივარ ადამიანად
უსულ-გულოდ დავათრევ სხეულს

ჩამესმის სუნთქვა აწყვეტილ რისხვის
უგონო მთვრალი ვერ უძლებს ფიქრებს
დაეხეტება შავი სიკვდილი
სამსხვერპლოდ ეძებს სილამაზეს

თავისუფლების მორიგ აქციას
შიშმა თავს ლაფი დააქცია
ხმას ვერ იღებენ მოშურნენი
რადგან, დრომ ზურგი შეაქცია

მე ის არა ვარ, ვინც შენ გგონივარ
ჩემში ბობოქრობს მართალი სიტყვა
ნუ ელოდები ჩემგან დანდობას
ნურც სიბოროტის მომთხოვ შენდობას

ჩურჩულით ვკითხე მოწამლულ მთვარეს
და საიდუმლოს ავხადე ფარდა
თურმე, ღამესაც აწუხებს შიში
და მარტოობის წყეული განცდა

სულელად მთვლიდნენ დუმილის გამო
ვერ მაპატიეს "კვარცხლბეკზე" დგომა
მე ის არა ვარ, ვინც შენ გგონივარ
არ მსურს ცხოვრება ყალბ გმირებთან