ისევ ვფიქრობ, მახსენდება...
არ ვიცი გული რას მეუბნება,
როცა თვალებში ჩავხედე წარსულს
მაშინვე ახლად დავიწყე ცქერა!..

მომავლის იმედით, ალბათ ტანჯვითაც...
დავიწყებ ახალი სახელის ძებნას
და როცა გული გამოცოცხლდება
უკვე წარსული დამავიწყდება.

ახალი სახე, ახალი ბგერა,
ახალი წლები, ახალი სევდა...
გული ტანჯული ვეღარ ცოცხლდება
ვერ გეუბნება! ვერ ბედავს, ვერა!

მაგრამ სიყვარულს ბოლო არ უჩანს
და მაინც ცოტა იმედი შერჩა...
პატარა გული დიდი გახდება
და სიყვარულიც მუდამ დარჩება!..