დარდი და სევდა ხმაურობს ჩემში,
მარტის ცივ დღეებს მივდევ წვალებით,
დავმსგავსებივარ ქარებით შეშლილს,
ჟამი მიდგება გარდაცვალების.
მე მზის შვილი ვარ, არ მიყვარს სუსხი,
წვიმას და ავდარს ვერ გადავიტან,
გთხოვთ, გაზაფხულის კარი გამიღეთ,
განვმეორდები ისევ თავიდან.
გადამეღალა სული სიცივით,
მასაც აშინებს ქარი ავყია,
ყველა ოცნება წვიმით დასველდა
და მარტის მწუხრი სულზე მატყვია.
გულცივ ამინდებს გადარჩენილი,
გაზაფხულისკენ მოვდევ ბილიკებს.
თქვენ მზე მაჩუქეთ, მერე მის სხივებს,
ყველას კარდაკარ ჩამოგირიგებთ