არ ვიცი ოდესმე კიდევ თუ შევხვდებით,
არ ვიცი შეხვედრა ჩვენი ღირს თუ არა,
ვიცი არ დაგვინდობს დრო ისევ წყეული
სახეზე ნაოჭებს გაგვიჩენს უამრავს.
მოვალ და დაგითვლი წვრილ ხაზებს თვალებთან
სათვალეს გაგიწმენდ ცრემლი რომ დაფარავს.
დაითვლი რამდენი წელია გასული
მიხვდები რომ არ ვარ ის გოგო პატარა.
ვიცი თან გეხლება ცხოვრების მეგზური,
რომელმაც ლამაზი შვილები გაჩუქა
ეტყვი რომ უბრალოდ ვარ ძველი ნაცნობი,
რომელსაც გვირილებს უკრეფდი საჩუქრად.
არ ვიცი ოდესმე იმდენს თუ მივაღწევ
ჩემ ბედს რომ გავუგო საწუთროს შევუნდო,
ვიცი რომ შევხვდებით ოდესმე შემთხვევით,
შეცვლილი ვიქნებით ორივე, მე უფრო!