ატმის ყვავილი გაშლილა უკვე,
ბაღში დედოფლობს ყვავილი ტყემლის.
საოცარია კაცის ბუნება,
ვიღაც მისტუმრებს, ვიღაცა მელის.
გაზაფხულს უყვარს ვარდთა სურნელი,
და გვირილების ფურცვლაც უხდება.
ვიღაცას უყვარს დანახვა ჩემი,
მაგრამ ვიღაცა ამით წუხდება.
საოცარია, ნამიან მინდორს,
რომ სურნელება ახლავს სხვაგვარი.
ზოგს მოსწონს როცა სიმართლეს ამბობ,
ზოგს წყინს როდესაც შენ ხარ მართალი.
ატმის ყვავილი გაშლილა უკვე,
ბაღში დედოფლობს ყვავილი ტყემლის.
საოცარია კაცის ბუნება,
ვიღაც მისტუმრებს, ვიღაცა მელის.