გაივლის დრო და ვიცი ინენებ
ერთი სულელი გოგოს დაკარგვას,
გაგახსენდება ის სიყვარული,
რომელსაც გზაზე შემოაღამდა.
მაშინ ინანებ, მწარედ ინანებ,
თუმცა სინანულს რაღა აზრი აქვს,
ვიღაც სხვა შენთან შეხვდება დაისს,
მე კი უშენოდ ლამაზ განთიადს.
გაივლის დრო და მაინც გაიგებ,
რადგან სიმართლეს თავის ფასი აქვს.
მე არ ვიყავი სულელი გოგო,
არ ვთამაშობდი „ორმაგ პასიანს’’.
მე მხოლოდ შენი სული მიყვარდა
მასულელებდა თვალები შენი.
შენ კი სულელად ჩამთვალე მართლა,
არ დააფასე გრძნობები წრფელი.
გაივლის დრო და გაგახსენდები
სულელი გოგო წარსულის ლანდი.
მაშინ მიხვდები რომ ცხოვრებაში
მე ერთადერთი სიცოცხლე გყავდი.
ცრემლმორეული გახედავ წარსულს,
წარსულს რომელშიც მარტო დამტოვე,
და დაინახავ რომ ისევ იქ ვარ,
რომ მე არასდროს არ მიგატოვე!...