არ მინახიხარ კარგა ხანია,
ვგონებ გამიშრა სევდით კალამი.
როცა შენ გხედავ ისე მახარებ,
ქვეყნად არ მინდა იმ წამს არავინ.
არ მინახიხარ თან რახანია,
სევდამ იპოვა გულში ადგილი,
ძალიან მიჭირს იმის გაძლება,
როგორ იზრდება ჩვენში მანძილი.
არ მინახიხარ, თუმცა მახსოვხარ,
თითქოსდა წამის წინათ მენახე,
არ მინახიხარ და შენს გარეშე,
ფერი გაუცვდა ირგვლივ ყველაფერს.
ალბათ, წლებია რადგან ჩვენს შორის,
გსურს მაგ მიზეზით გული მომიკლა,
თუმც დამიჯერე, ქარს გატანებულს
მეორედ ქარიც აღარ მოგიტანს!...