უკვე მერამდენე ზამთარს ვეგებები,
ჩემთვის წელიწადში ოთხი ზამთარია.
ისევ შემიყვარდა მას არ შევუყვარდი,
ისევ განშორების ცივი ზღაპარია.
უკვე მერამდენედ გულისგული მტკივა,
ჩემთვის სიყვარულიც გახდა ბინდისფერი,
როგორ მენატრება ახლა ის კავშირი,
როცა მისი ხარ და მისი არის შენი.
უკვე მერამდენედ წერილს ვაგზავნი და
საპასუხოს აქეთ უკვე აღარც ველი.
ალბათ დროითაც კი რამე არ იცვლება,
როცა ძველებურად გტკივა ყველაფერი.
უკვე მერამდენე ცრემლი ჩამომგორდა,
რითმაც გამიხუნდა უკვე რახანია,
ზამთარს ვეგებები შუა გაზაფხულში,
ჩემთვის წელიწადში ოთხი ზამთარია.