მე არასოდეს არ მოვალ შენთან,
შენც არ მოხვიდე ვერ გამახარებ.
მკვდარს რომ აყრიან მიწას, ეს ვიცი,
შენ კი მე ცოცხალს გადამაყარე.
აღარასოდეს აღარ ახსენო
შენი ცხოვრების ერთი ნაწილი.
რადგან იმ ნაწილს ისევ შენს გამო,
მთელი ცხოვრება გაუტყდა ძილი.
ახლა უშენოდ ისევ მოვიდა
ჩემი აპრილი, შენი ფერებით.
აღარ მაქვს გულში გულის ადგილი,
შენ ამომგლიჯე ცისარტყელები.
აპრილს რას ვერჩი უშენოდ მოსულს,
ისევ გაშლილან ტყემლის კვირტები,
ბუნებით ტკბობა ტკივილს მიყუჩებს,
დამჟღურტულებენ ირგვლივ ჩიტები!...