მე გაგაღმერთე ქვეყნად ცოდვილი.
შენ ჩემი ღმერთი გერქვა...
და რომ იცოდე, ეს დიდი ცოდვა,
არ მომიტევა ღმერთმა.
მერე შენც წადი ღმერთმაც დამტოვა
უღმერთოდ დავრჩი ქვეყნად.
ორი ღმერთიდან ორი დავკარგე,
ხელთ უღმერთობა შემჩა.
დილით ავდექი და მუხლმოყრილმა,
წამით ავხედე ზეცას.
და ვერ შევძელი, ვერ გავუბედე,
ღმერთო შემინდე მეთქვა.
მე გაგაღმერთე, ღმერთად გაქციე,
შენი ვიწამე ქვეყნად.
ეს სიყვარულით ჩავიდინე და
იქნებ შემინდოს ღმერთმა.