ხშირად მიფიქრია, რა არის ჩემთვის 4love.ge?
უბრალოდ გასართობი საშუალება თუ სიამოვნების მისაღები წყარო?
იქნებ გზა წინ სწრაფვისთვის და განვითარებისთვის?
ჩემი აზრით კი ის ყველაფერია ერთად!
წელიწადნახევარია ამ საიტის ერთ–ერთი წევრი ვარ და ვთვლი, რომ მას უამრავი ფუნქცია აკისრია! მე შემიძლია აქ გავერთო, გული გადავაყოლო, ვისიამოვნო, დავმწუხრდე და ვიფრინო არარსებულ სამყაროში!
თითოეულ ჩვენგანს შეგვიძლია, რომ ჩვენ ნიჭს ფრთების გაშლის საშუალება მივცეთ... გავიგოთ, თუ რას ფიქრობენ ადამიანები ჩვენს შემოქმედებაზე... რა გვეშლება და რას ვაკეთებთ კარგად... რა გამოგვდის და რა გვიჭირს...
ამასთან ერთად ჩვენი სურვილისამებრ მკითხველის სტატუსითაც ვიმკვიდრებთ თავს. საშუალება გვაქვს წავიკითხოთ როგორც სევდიანი, ისე სახალისო ისტორიები... გავეცნოთ სხვის შემოქმედებას, შევაფასოთ ახალბედა მწერლები, ავტორს გავუზიაროთ კრიტიკა თუ მოწონება...
და ამ ყველაფრის ცენტრში კი დგას საიტის მმართველი, რომელიც ყველაფერს აკეთებს, რომ საიტზე იყოს კომფორტული გარემო, სასიამოვნო ატმოსფეროში ჩვენც სასიამოვნოდ განვიმუხტოთ, დაიდოს რაც შეიძლება კარგი ნამუშევრები, ისტორიები იყოს მრავალფეროვანი, თავი გავირთოთ ანეგდოტებით, სტატიებით, გამოცანებით თუ ტესტებით... წავიკითხოთ იმ წიგნების ელ-ვერსიები, რომლის ყიდვის საშუალებაც სხვადასხვა მიზეზის გამო არ გვაქვს...
ეს საიტი ჩვენ გვილამაზებს დღეებს! შეიძლება ამას ვერ ვხვდებოდეთ, მაგრამ ქვეცნობიერი ყველაფერს აღიქვამს, რაც მოქმედებს ჩვენს განწყობაზე, ღიმილზე, წყენაზე და გახარებაზე...
ამ სტატიით დიდი მადლობა მინდა გადავუხადო ჩვენს ბოსს! დიდი კი არა, უღრმესი და დარწმუნებული ვარ თითოეული მომხმარებელიც ისე იქნება განწყობილი მის მიმართ, როგორც მე!
4LOVE.GE...
გავა წლები და ეს საიტი ბევრად უკეთესი გახდება...
ათჯერ... ასჯერ... ათასჯერ... მილიონჯერ...
და ბოლოს! კითხვა, რომლის დასმაც ყოველთვის მინდოდა...
რატომ არის დამშვენებული სიტყვა სიყვარული რიცხვით ოთხი?