ამბობენ, ყველა ქალის უკან პრინცესა იმალებაო, ასე რომ, ამ სიახლით უპირატესობას მდედრობითი სქესის წარმომადგენლებს მივანიჭებ საიტზე, რომლებიც ისედაც ჭარბობენ. მგონია, რომ ბევრი საკმარისად გავიცანი იმისთვის, რომ მათ უკან პრინცესა დავინახო. ვინაიდან დისნეის იმდენი გმირი არ გამოუგონია, რამდენიც საიტზე ვართ, ვერ შევძელი ყველა მომხმარებლისთვის თავისი პროტოტიპის მოძებნა და იმედია გული არ დაგწყდებათ. სხვა დროს სხვებზე იქნება.
ახლა კი... დავიწყოთ!
(გაითვალისწინეთ, აქ გარეგნობა არაფერ შუაშია, პრიორიტეტი ხასიათია.)

1)ფიფქია-ევა ლორელაი

ევა ფიფქიასავით კეთილი და სათნოა. მასავით სათუთი და ქალური. აქვს თავის პატარა შიშები, რომლებსაც სხვებთან მშვენივრად ნიღბავს, მაგრამ უღრან ტყეში ეს ხერხი ნამდვილად არ გამოადგება. უყვარს, როცა გაჭირვებულს ეხმარება და მერე მათ მადლიერ, ბედნიერ თვალებს ხედავს. ვერ იტანს, როცა ირგვლივ არეულობაა.
2)ელზა-თაკო წულაია

ელზასავით გულჩათხრობილი, გარეგნულად მშვიდი, მაგრამ მის შინაგან სამყაროში სრული ქაოსია. შეუძლია სხვისი ბედნიერება თავისაზე წინ დააყენოს. თავი შეიზღუდოს, თუ იცის, რომ შეიძლება ვინმეს რამე დაუშავოს, ატკინოს. თუ თავისუფლებას და ზღუდეების არარსებობას გრძნობს, უბედნიერესია.
3)რაპუნცელი-ანი ბადალაშვილი

რაპუნცელივით ცვალებადი ხასიათის, ზოგჯერ მხიარული და წამებში დასევდიანებული პრინცესა. ოცნებობს თავგადასავლებზე. ვერ იტანს ჩაკეტილ სივრცეს. ადამიანებს ძალიან მარტივად აყვარებს თავს. მას ყველანაირი სამყარო შეუძლია მოირგოს. თავის სურვილებზე ხშირად უთქვამს უარი საყვარელი ადამიანების გამო.
4)არიელი-მარიალა

არიელივით ხალისიანი, ენერგიული და ცნობისმოყვარე. გიჟდება გამოწვევებზე. არის ჯიუტი და ოკეანის უზარმაზარ ტალღებსაც კი არ უშინდება. ყველასა და ყველაფრის წინაამღდეგ წავა საყვარელი ადამიანის გამო. უყვარს წვიმა და ცივი წვეთების მხრებზე შეხება.
5) კონკია-ბიბო (თამუნა)

კონკიასავით თბილი და მოსიყვარულე. შეუძლია თავს დააჯეროს ის, რაც სურს. ჰყავს საუკეთესო მეგობრები, რომელთა იმედიც სულ აქვს. არ არის პუნქტუალური. თუ რამე აიკვიატა, ვეღარავინ გადაარწმუნებს. არის ოპტიმისტი და მომავალსაც ოპტიმისტურად უყურებს.
6)ბელი-მარიამ ნატროშვილი

ბელივით საყვარელი, მზრუნველი და ყურადღებიანი. თუ ვინმესადმი უარყოფითად განეწყო, მერე ძალიან უჭირს შეხედულების შეცვლა. თავის პრინციპებს არასდროს უგულებელყოფს, თუმცა მომენტებში დამთმობიცაა. მაშინ, როცა ხვდება, რომ მართალი არაა. მისთვის მთავარი გარეგნული სილამაზე არ არის, სულიერებაა. მისი ერთ-ერთი გატაცებაა წიგნის კითხვა.
7) ანა-ნათია ლიჩელი

ანასავით პოზიტიური, მებრძოლი და შეუვალი. ყოველთვის უმკლავდება პრობლემებს. მაშინ, როცა თავს ბედნიერად გრძნობს, სიგიჟე ეპარება და სისულელეებს აკეთებს, რომლებიც მერე სასიამოვნო მოგონებებად ელექება გონებაში. ყველაზე მეტად უყვარს, როცა დროს მეგობრების გარემოცვაში ატარებს. ვერ იტანს მარტოობას.
8) ტიანა-მარიამ რაქვიაშვილი

ტიანასავით მიზანდასახული და ძლიერი ბუნების. უკან არაფერზე დაიხევს, თუ რამე ძალიან უნდა. შეუძლია საკუთარი თავის კონტროლი და თავის გადაწყვეტილებებს დიდ პატივს სცემს. შიშის დაძლევას და ცივი გონებით ფიქრს ყველა სიტუაციაში ახერხებს და ესაა მისი უპირატესობა.
9) მულანი-კირა

მულანივით გამჭრიახი და ნებისყოფიანი. საყვარელი ადამიანების გამო შეუძლია თავის მსხვერპლად გაღება. არ ესმის, რატომ უნდა ემორჩილებოდეს წესებს და არ ცხოვრობდეს ისე, როგორც სურს. მისი აზრით, კანონები იმიტომ არსებობს, რომ დაარღვიო, თუმცა მის სიღრმეში მაინც იმალება რაღაც ქალური.
10) ესმერალდა-ელენე გოგინაშვილი

ესმერალდას მსგავსად სამართლიანი და გულისხმიერი. ყველას ტკივილი გულთან მიაქვს და სხვისი პრობლემების მოგვარებას ყოველთვის ცდილობს. უყვარს, როცა ადამიანებს სიხარულს ანიჭებს. მომენტებში მორცხვია. მისი ერთი მოქმედებაც კი გაცნობს მის პიროვნებას.
11) ავრორა-თინა ნიკოლი

ავრორასავით სრულყოფილი თუ სრულქმნილი. უკლებლივ ყველაფერი გააჩნია, რაც ნამდვილ პრინცესას უნდა გააჩნდეს... სიკეთე, სიყვარული, იუმორი, სწორი მსოფლმხედველობა და კიდევ რა არ... არ უყვარს ლოდინი, მაგრამ ამასაც შეეგუება, თუ წინ დიდი ბედნიერება ელის.
12) ჟასმინი-ქეთი ფიროსმანიშვილი

ჟასმინივით სურნელოვანი და მიმზიდველი. მასში არის რაღაც იდუმალი და ადამიანებსაც სწორედ ეს იზიდავთ. არის გამბედავი და არ ერიდება იმას, რაც აუცილებლად მოხდება. არაფრის და არავის გამო არ დახრის თავს მაშინ, როცა მართალია. უსამართლობას არასდროს ეგუება და ყოველთვის ცდილობს მის აღმოფხვრას.
13) პოკაჰონტასი-ელენე ირემაძე

პოკაჰონტასივით პირდაპირი და მომენტებში უხეშიც. უყვარს განმარტოება და საკუთარ თავთან საუბარი. მუდამ რაღაც ახალს ეძებს და აღმოჩენილის მიმართ შიში არასდროს უჩნდება. თუ ვინმე გულწრფელად შეუყვარდა, ვეღარ გადაიყვარებს და მის გამო იმას გააკეთებს, რასაც ვერასდროს წარმოიდგენდა.
14) ჟიზელი-სოფიკო კობლიშვილი ანუ მე...

ჟიზელივით რომანტიკოსი და მეოცნებე. შეუძლია იოცნებოს იმაზეც კი, რაც არასდროს მოხდება და მაშინ იმღეროს სიყვარულზე სიმღერა, როცა საერთოდ არ იცის, როგორია ეს გრძნობა. არის სულელი და გულუბრყვილო. ბედნიერია, როცა მის გარშემო ბედნიერნი არიან.

და სამწუხაროდ ჩემი სიახლე დასასრულს მიუახლოვდა...
ისევ და ისევ შეგახსენებთ, რომ არავინ არ დამვიწყებიხართ და გუგლშიც თავიდან დავუწყე პრინცესებს ძებნა, კიდევ რომელიმე რომ ყოფილიყავით აქ, მაგრამ უშედეგოდ.
იმედია მიზანს მივაღწევ და სახეზე თუნდაც წამიერ ღიმილს მოგგვრით!
უყვარხართ სოფიკოს!