25 საინტერესო ფრაზა წიგნიდან ,,აღიარება ხელისგულზე"
1. რაღა ადამიანი ხარ თუ სხვის შეცდომებზე სწავლობ? ამ შემთხვევაში კარგავ უდიდეს სიამოვნებას, როლის მონიჭებაც მხოლოდდაცემის შემდეგ წამოდგომას შეუძლია. 2. სამწუხაროდ ირგვლივ ყველაფერი ილუზიით იფუთება. ჩვენ კი ამ შეფუთვას ვიღებთ და თავს ვიტყუებთ. არასდროს მინდოდა ასეთ სამყაროში ცხოვრება. როგორი იქნებოდა სამყარო თუ ყოველი ჩვენგანი საზოგადოების ტყვე კი არა, წევრი გახდებოდა. 3. კაცი ქალის კოცნისას თვალებს თუ არ ხუჭავს, არ უყვარს. 4. სექსამდე გახდაში ყველა გეხმარება, აქტის მერე კი ფეხებზე ჰკიდიხარ. 5. საშინელებებს რომ აკეთებ, უფრო გიმართლებს თურმე, ვიდრე მაშინ როცა კეთილშობილურ საქმეს ემსახურები. 6. ქალს, რომელიც ქმრის საღალატოდ მიდის, კომფორტული ფეხსაცმელი უნდა ეცვას, ვაი და გაქცევა დასჭირდეს? 7. როცა საქმე გრძნობებს ეხება, საყოველთაო ჭეშმარიტებები არ არსებობს. 8. ცოლად მაინც და მაინც იმას კი არ უნდა გაჰყვე, ვინც გიყვარს... შეეცადე ცხოვრება იმას დაუკავშირო, ვისაც შენი ესმის... და თუ კაცს შენი ესმის, თუ უნდა რომ გაგაბედნიეროს... თავისთავად გიყვარდება. თუ არ გიყვარდება მისი ძალიან მადლიერი რჩები. ეს მადლიერება კი დროთა განმავლობაში აუზილებლად გადაიზრდება სიყვარულში. 9. სწორედ იმიტომ, რომ არ ვიცით რა არის სიყვარული, ხშირად ვნებაში გვერევა ან აღფრთოვანებასა და ინტერესში. ერთ დღეს შენს ყველა კითხვაზე იპოვი პასუხს და ძვირფასი ადამიანი ამოუცნობ გალაქტიკად სულაც აღარ მოგეჩვენება. არფრთოვანებაც მაშინვე ჩაქრება, როორც კი დაინახავ როგორ ყრის სასტუმრო ოთახში თავის აყროლებულ წინდებს, როგორც კი მთვრალი, მეტიც გალეშილი, დაბრუნდება სახლში, როგორც კი აღარ აუღებს შენს ზარებს, აღარ გაჩუქებს ყვავილებს... მოკლედ, როგორც კი შენი გულის მოსაგებად აღარაფერს გააკეთებს. 10. კაცები სულელები არიან! ცოლს რომ მოიყვანენ, ჰგონიათ, ყველაფერი დამთავრდა. სინამდვილეში კი მთავარი ნადირობა ქორწინების შემდეგ იწყება! ქალი ყოველდღიურად უნდა დაარწმუნო, რომ შენთან ყოფნა უღირს... რომ შენთან ყოფნა უნდა... 11. მაღალქუსლიანი ფეხსაცმლით სიარული კაცთან ურთიერთობასავითაა. გაუსაძლისად რომ აგატკივებს ტერფებს, ერთი სული გაქვს გაიხადო და ფიქრობ, რომ აღარასდროს ჩაიცვამ, მაგრამ მეორე დღეს იმავეს აკეთებ. 12. -თავში ავარდნილი ახალგაზრდა კაცები სინამდვილეში ძალიან ბანალურები არიან, თუმცა მათი გულის მოგება მაინც რთულია. -რა უნდა გავაკეთო მის მოსახიბლად? -დაანახე, რომ სხვანაირი ხარ, მაგრამ ძალიან ახლოსაც არ მოუშვა და ინტერესი გააგიჟებს. 13. -შეყვარებული მყავს. -კარგია. -რთულია. -ეჭვიც არ მეპარება. ალბათ საათობით აწყობ გეგმებს, როგორ უღალატო ისე, რომ შეგრჩეს. 14. -შენ ყველაზე ლამაზი ქალი ხარ, ვინც კი ოდესმე მინახავს“! -შენ კი ყველაზე ნიჭიერი მატყუარა. 15. ძაღლების ერთგულება შთამაგონებელია. გადომებს, საკუთარ თავს დაუმტკიცო, რომ ჯერ კიდევ ადამიანი ხარ. 16. შრამები სხეულზე არაფერია. მხოლოდ სულის იარებია საშიში. 17. სიკვდილი ზარმაცებისთვისაა. წევხარ და ისვენებ, სანამ სხვები სიცოცხლეს ებრძვიან. 18. რაღაცნაირია ცხოვრება... ვაჭარს ჰგავს, რომელიც სასწორს სინამდვილეში არასდროს ათანაბრებს; სანამ ერთი ტირის და სიცოცხლე აღარ უნდა, მეორეს ულხენს. მერე კი პირველს უბედურებას ართმევს, მეორეს - ბენიერ წუთებს. ძლიერია დროებითობისა და წამიერების კანონი, იმდენად ძლიერი, რომ მარადისობის გვეშინია, არ ვიცით, მას რა უნდა მოვუხერხოთ. ” 19. ოჯახი ხანდახან ქალურ სიამაყეზე მაღლა დგას, უდიდესი პასუხისმგებლობაა, რომელსაც პარტნიორის შეცდომის გამო, თავიდან ვერ მოიშორებ. 20. ვინ მიდის? ის, ვისაც აღარ უყვარს თუ ის, ვინც ჯერ კიდევ ძლიერადაა შეყვარებული, რომ მეორე გაანთავისუფლოს? ვინც უნდა მიდიოდეს, ორივეს სტკივა. ხო, გინდ დაიჯერეთ, გინდ არა, დაშორება იმისთვისაც მტკივნეულია, ვისაც აღარ უყვარს. 21. შენი ტრაგედია შენი ყველაზე დიდი ძალაა. 22. გიფიქრიათ, რომ თოვლი ქალს ჰგავს? თუ მასზე რამდრნიმე ნაკვალევი ჩანს, ჯერ კიდევ ლამაზია, მაგრამ თუ ბრბო გადაუვლის - ბინძურდება და უშნოვდება. 23. სინამდვილეში, ადამიანები კი არა, ურთიერთობები იცვლება. როცა ცხოვრებაში რაღაც ძალიან მტკივნეული გემართება, მაშინაც კი, თუ გაიცინებ, უწინდებურად კარგად ვეღარაფერი იქნება. ტრაგედიები ღრმა კვალს ტოვებს. 24. სიყვარულია, როცა პიროვნებაში გიყვარს ღმერთი, ეშმაკი და ადამიანი. 25. ცხოვრობდე უღმერთოდ იგივეა რაც, ცხოვრობდე საკუთარი თავისა და საყვარელი ადამიანების გარეშე, სამყაროსგან განცალკევებით, რადგან ყველაფერში და ყველგან ღმერთია. ცოტა რამ რომანის ,,აღიარება ხელისგულზე" შესახებ: რომანში ,,აღიარება ხელისგულზე“ რადა მოდებაძე, ჟურნალისტიკის ფაკულტეტის სტუდენტი თავისი ცხოვრების შესახებ ყვება. გოგონას, ბევრი თანატოლის მსგავსად, კომპლექსები და შიშები არ ასვენებს. რადა გამუდმებით საკუთარ თავთან და გარესამყაროსთან იბრძვის. მოდებაძეს ვერ ამჩნევენ ან დასცინიან, ამიტომ ბოროტდება და ყურადღებას ,,ბინძური გზებით" იქცევს, შურისძიებისას ის ინკოგნიტოდ რჩება და ეფარება ფსევდონიმს ,,გოგონა მაღალ ქუსლებზე.“ მთავარ პერსონაჟს გამუდმებით ამცირებს ანდრია მახარაძე, უნივერსიტეტში ყველაზე პოპულარული ბიჭი. რადას ეზიზღება კურსელი და თვლის, რომ ამ თავში ავარდნილ ,,ტიპს“ ვინმემ ჭკუა უნდა ასწავლოს, ანდროს საიდუმლოებების გამოსააშკარავებლად გოგონა მაღალ ქუსლებზე კურსელის წარსულში იწყებს ქექვას. სულ მალე ჩვეულებრივი Hate Story ნამდვილ ომში გადაიზრდება... ომში, რომელშიც ბრაზით, სიძულვილით, სიყვარულით, ვნებით, ტყუილით, მონატრებით, გაუგებრობებით, ღალატით და ინტრიგითაა სავსე. ეს ებრძოლა შესაძლოა ტრაგედიით დასრულდეს. რომანში კარგად ჩანს თანამედროვე თაობის ფსევდოფილოსოფია, ძირგამოცლილი ურთიერთობები; ფასეულობათა სისტემის დაშლა; ეგოიზმი, რომელიც ყველაფერს შთანთქავს; სიამაყე, რომელიც ადამიანებს ანგრევს; ერთი მხრივ, ყოფის ამაოება, მეორე მხრივ, ამ დეპრესიული ფიქრების დაძლევის გზა; უაზრო დიალოგები, რომელსაც არა შეგრძნებების, ფიქრებისა და გამოცდილების გასაცვლელად, არამედ დროის გასაყვანად ან იმიჯის შესაქმნელად იყენებენ; იმის მიუხედავად, რომ ტექნოლოგიები განვითარდა, ადამიანებს დაეკარგათ ერთმანეთის გულთან მისასვლელი გზები, დაავიწყდათ რეალური ემოციების გაზიარება და დარჩნენ საკუთარ თავთან მარტოობაში. ,,აღიარება ხელისგულზე“ არის რომანი ადამიანურ სისუსტეებზე, შეცდომებზე, სინანულზე, მომავლის იმედზე, ბედნიერებისთვის ბრძოლაზე, ცხოვრების არსის შეცნობაზე, საკუთარი თავის და ,,შენი ადამიანის“ ძიებაზე... სწორედ ამიტომ, ნებისმიერ ადამიანს შეუძლია საკუთარი თავის ან მის ირგვლივ მყოფი ადამიანების პოვნა ან წიგნში. წიგნის შეძენა შეგიძლიათ ,,ბიბლუსის" ნებისმიერ ფილიალში. ხუთშაბათს 16 ნოემბერს ექვს საათზე წიგნის პრეზენტაცია გაიმართება ქუთაისში. |
ტესტები
აქტიური მწერლები
აქტიური მწერლები
.:დღის აქტიური მკითხველი:.
![აქტიური მკითხველი](http://4love.ge/uploads/fotos/foto_529685.jpg)
ქალის და მამაკაცის ურთიერთობაში უპირველესი არის?
ყველა გამოკ
.:შემოგვიერთდით FACEBOOK-ზე:.