ტესტის შეკითხვებს უნდა უპასუხოთ სწრაფად და დიდი ფიქრის გარეშე. ამიტომაც ტყუილად ნუ დაკარგავთ დროს და შეუდექით.
მთავარი კი ის არის, რომ არ იცუღლუტოთ და პასუხებში არ ჩაიჭყიტოთ წინასწარ!

1.წარმოიდგინეთ, რომ შეჯიბრებაში მონაწილეობთ და მეორე ადგილის მფლობელ მრბოლელს გაუსწარით.
რომელ პოზიციას იკავებთ ახლა თქვენ?
პასუხი: თუ თქვენ უპასუხეთ, რომ პირველს – მაშინ თქვენ არასწორი ხართ. თქვენ გაუსწარით მეორე ადგილის მფლობელს და მისი ადგილი დაიკავეთ, ამიტომაც მეორე ადგილზე იმყოფებით.

შეეცადეთ, უკეთესად უპასუხოთ მეორე შეკითხვას.

2. თქვენ გაუსწარით ბოლო ადგილზე მყოფ მრბოლელს. რომელ პოზიციაზე იმყოფებით ახლა?
პასუხი: თუ თქვენი პასუხია "ბოლო ადგილი" – არასწორი ხართ. დაფიქრდით, როგორ გაუსწრებდით ბოლო მრბოლელს? თუ თქვენ მის უკან მირბიხართ, ესე იგი, ის არ არის ბოლო.
პასუხია - შეუძლებელია.

როგორც უნდა იყოს, აი, შემდეგი შეკითხვა. ჰო, მართლა, პასუხები არ ჩაწეროთ და არ გამოიყენოთ კალკულატორი და დაიმახსოვრეთ – უნდა უპასუხოთ სწრაფად.

3. აიღეთ 1000. მიუმატეთ 40. მიუმატეთ კიდევ 1000. მიუმატეთ 30. კიდევ 1000. პლუს 20. პლუს 1000 და პლუს 10. რა მიიღეთ?
5000? არასწორია. სწორი პასუხია 4100. ნახეთ კალკულატორზე და თავად დარწმუნდებით. ვნახოთ, როგორ უპასუხებთ შემდეგ შეკითხვას.

4. მერის მამას 5 ქალიშვილი ჰყავს: 1. ჩაჩა, 2. ჩეჩე, 3. ჩიჩი, 4. ჩოჩო. შეკითხვა: რა ჰქვია მეხუთე ქალიშვილს? იფიქრეთ სწრაფად. პასუხი ოდნავ ქვევით არის.
პასუხი: ჩუჩუ? არა! რა თქმა უნდა, მას მერი ჰქვია. გადაიკითხეთ ხელახლა შეკითხვა.