ქირომანტიაში ხელისგულზე გავლებული ეს ხაზი ზებუნებრივი ძალების მფარველობას ნიშნავს, უფრო ზუსტად კი, თქვენი მფარველი ანგელოზის განსაკუთრებულ მფარველობას.
მფარველი ანგელოზის ხაზს სხვადასხვანაირი სახელი აქვს – დის ხაზი და მარსის ხაზი. სამწუხაროდ, ეს ხაზი ყველა ადამიანს არ აქვს.

ასევე, მფარველი ანგელოზის ხაზს სიცოცხლის ხაზსაც უწოდებენ და არა იმიტომ, რომ ის სიცოცხლის ხაზთან ახლოს იმყოფება, არამედ იმიტომ, რომ ეს ხაზი ნიშნავს გადარჩენას და ძლიერ მფარველობას.

თუკი მფარველი ანგელოზის ხაზი სიცოცხლის ხაზის პარალელურად არის გავლებული, თითქმის მის სიგრძეზე. ეს ნიშნავს, რომ ადამიანი მთელი თავისი სიცოცხლის მანძილზე იქნება დაცული.

ისეც ხდება, რომ მფარველი ანგელოზის ხაზს თან ერთვის სიცოცხლის ხაზის პატარა მონაკვეთი, რომელიც ძალიან სუსტად ჩანს ან საერთოდაც გაწყვეტილია. გაწყვეტილი სიცოცხლის ხაზი უბედურებას, ავადმყოფობას და ხიფათს მოასწავებს. მაგრამ თუკი მის გვერდით მფარველი ანგელოზის ხაზია, მაშინ ადამიანს ეს ხიფათი და უბედურება ასცდება.

თუკი მფარველი ანგელოზის ხაზი მარჯვენა ხელზე მდებარეობს, ეს ნიშნავს, რომ ადამიანმა ზებუნებრივი ძალების მფარველობა საკუთარი, ამქვეყნიური დამსახურებებით მიიღო. ზებუნებრივმა ძალებმა ის მფარველობით დაასაჩუქრა ან კეთილი საქმეებისთვის, ან წარსულში გადატანილი ტანჯვის გამო.

თუკი ეს ხაზი მარცხენა ხელზეა გავლებული, ეს ნიშნავს, რომ მფარველი ანგელოზი ადამიანს დაბადებიდან ხვდა წილად და სავარაუდოდ, ის შთამომავლობით ერგო.

საერთოდ, მფარველი ანგელოზის ხაზის მქონეთ ცხოვრებაში ძალიან უმართლებთ. ისინი უამრავ საფრთხეს იცილებენ თავიდან და პრაქტიკულად, არასოდეს აქვთ მატერიალური სიდუხჭირე, არიან ჯანმრთელნი და თავიდან იცილებენ ყოველგვარ უსიამოვნებას.