მე ვეკითხები თქვენს ღმერთს
თუ რად უნდა ამდენი სულის სადაზღვეო სააგენტო?
უცნაურად ჩაცმული სულის სადაზღვეო აგენტებით, მოოქროვილი ქუდებითა და ბრილიანტის კვართხებით, საერთო ღირებულება კი : ყველა გაჭირვებული ადამიანის სიცოცხლე.
რად უნდა ჩვენი მსხვერპლი ან პირში გუბად ნაკურთხი წყალი?! ნუთუ ის ამის გარეშე უძლურია?! ის ხომ ღმერთია.
მასიური ძალადობა, რომელიც ღვთის სახელით გამართლდა - დიახ, ვიცანი ეს ის ქვეყანაა სადაც მე დავიბადე, ვიზრდები და ვცდილობ გადავრჩე.
თქვენი ღმერთი კი ისევ დუმს, განსხვავებით იმ ფსიქოპატი მღვდლისგან, რომელიც ამტკიცებს ანგელოზის გამოცხადებასა და ფრიად მნიშვნელოვანი მისიის დაკისრებას- კერძოდ კი, საქართველოს თავისუფლებისგან ხსნას.
არა! მე თქვენი ღმერთისთვის არაფერი მიკითხავს, მე ამას იმ ხალხს ვეკითხები, ვინც სატანის მონის დაწერილი ეს თეთრი ლექსი წაიკითხა სრულიად შემთხვევით
და ისინიც ელოდებიან კიდევ ერთ გამოცხადებას, რათა აღავლინონ მორიგი ღვთის სახელით ჩადენილი მკვლელობა და დაბრუნდნენ გამოქვაბულში, სადაც მათი ცეცხლთაყვანისმცემელი წინაპრები დაიწვნენ იმ თავისუფლების შიშით, რომლისგანაც სულ ცოტა ხნის წინ გვიხსნა გალუციონერმა მღვდელმა.
მომიტევეთ...