გეთანხმები, რომ ასეთ პატარა ბავშვებს არ უნდა ნათლავდნენ. მეც მომნათლეს, პატარა რომ ვიყავი და ასე გავხდი ქრისტიანი. რა თქმა უნდა, 6-7 წლის ბავშვი ამას ვერ გაიაზრებს ისე, როგორც საჭიროა. ეგ კი არა, დიდ ასაკში ვერ ხვდება ხალხი, რა აროს რწმენა. მე თუ მკითხავ, მთავარია გწამდეს და არ აქვს მნიშვნელობა, ვინ არის შენი ღმერთი, რომელი სექტიდან ხარ და ა.შ. შენ შეადარე პროფესიის არჩევა და რელიგიის არჩევა ერთმანეთს, მაგრამ, სამწუხაროდ, ზოგი მშობელი პროფესიის არჩევის დროსაც ისევე ერევა შვილის არჩევანში, როგორც მონათვლის დროს. მე არ მინდა ისე ვიცხოვრო, როგორც ჩემმა მშობლებმა იცხოვრეს. მე არ ვამბობ, რომ ისინი უბედურები არიან ან ცემა-ტყეპაში ვარ გაზრდილი. უბრალოდ, არის რაღაცები, რაც მე არ მომწონს და შევცვლიდი. ძალიან ვწუხვარ, რომ დედაშენი შენს ახლობლებზე ასე "ღელავს". ჩემს შემთხვევაშიც ასეა, ასე რომ, გული არ გაიტეხო. შენი ძმა კი მგონი რელიგიური ფანატიკოსია. არ მომწონს ასეთი ხალხი, რომელიც რასაც მღვდელი ეტყვის, ყველაფერს აკეთებენ და იჯერებენ. უნდა გქონდეს ობიექტური შეფასებები რაღაც-რაღაცების მიმართ. მერე რა, რომ ეს რელიგია.. არ მინდა ძალიან გავაგრძელო, თორემ არის ბევრი რაღაცები, რაც მათთან დაკავშირებით არ მომწონს. აი, კიდევ, როცა ადამიანს უჭირს, ყოველთვის ეუბნებიან, რომ მამაოსთან წადიო. ესეც არ მომწონს. მესმის, რომ არიან ადამიანები, რომლებიც დიდ შვებას და იმედს გრძნობენ, როცა მამაოს ესაუბრებიან, მაგრამ ყველას ასე უთხრა, არა მგონია, კარგი იყოს. თუ მაინც წუხარ სხვის განსხვავებულს შეხედულებებზე, სხვა პროფესიის ადამიანთან შეიძლება მიიყვანო. თუმცა, ესეც არაფერს ცვლის ამ მხრივ. პატარა ღლაპ ბავშვს ვერ შეუცვლი აზროვნება და თუნდაც თონეიჯერს, რომელიც უკვე დიდია და თავისი აზრები გააჩნია, მითუმეტეს ვერ "გარდაქმნის მას".
არ ინერვიულო <3 მეც ვყოფილვარ შენ სიტუაციაში ბევრჯერ, იმიტომ რომ ძალინ "ტრადიციული" ოჯახი მყავს, მიუხედავად იმისა, რომ მამას გარდა ეკლესიურად არცერთი ვცხოვრობთ. ისინი ჩემზე წინ აყენებენ ხალხის აზრს და ამას შევეგუე უკვე, მაგრამ ეს იმას არ ნიშნავს, რომ მათ რაც უნდათ, იმას ვაკეთებ. ყოველთვის გქონდეს შენი საკუთარი აზრი და დაიცავი ის, ვინც არ უნდა გეწინააღმდეგებოდეს! თქვი, მოიქეცი შესაბამისად და მორჩა. შეიძლება ყველაფერს სწორად არ ამბობდე, მაგრამ დაე, მეც და შენც, თინეიჯერებმა ზოგჯერ ცხვირიც წავიმტვრიოთ. ვიღაცას არ მოეწონება ეს და მიგითითებს, ვიღაცას მოეწონება. სულაც არ არის აუცილებელი, შენი მშობლების ზუსტ კვალს მისდიო. პრინციპში, ეს ძალიანაც რომ გინდოდეს, ვერ მოახერხებ. უბრალოდ, შენ შენი ცხოვრების წესი უნდა აირჩიო, რაც შეიძლება სულ არ გავდეს შენი მშობლებისას და დიახ, ზოგჯერ მშობლები ცდებიან

მომეწონა,კარგი იყო.