ვინ დამიჯერებს?!
ბედის ირონია არის ალბათ... ბედის ირონია, რომ ყველაფერი კარგი ახდა ჩემს ცხოვრებაში, დღეს უკვე სამი ლექსების კრებული მაქვს, მაქვს საკუთარი პროფესიაც, მალე სამსახურიც იქნება... ნუ თითქოს, ერთი შეხედვით ყველაფერი კარგად არის, არც ვემდური ღმერთს იქნებ და ვინმე ჩემს ამ მიღწევებსაც შენატრის, იქნებ... თუმცა... არის ერთი თუმცა... ის ერთადერთი ოცნება, რომელიც დღემდე ჩემს ერთადერთ ოცნებად რჩება, აუხდენელია, ისევე, როგორც ატმის ყვავილთა თოვა 30 დეკემბერს, ხო ზუსტად 30 დეკემბერს, ამ დღეს ხომ "მისი" დაბადების დღეა... მისი, რომელმაც ისიც კი არ იცის დეკემბრის თვის მერე აპრილის თვე რატომ მიყვარს ასე გაგიჟებით... მან ხომ ისიც არ იცის, რომ ჩემი ცხოვრების ერთადერთი სიყვარულია, სიყვარული, რომელიც მხოლოდ იმიტომ არის ნამდვილი, რომ ჩემი ერთადერთი ოცნების ახდენას მხოლოდ მასთან ერთად ვისურვებდი... ვინ დამიჯერებს რომ ყველაფერი, რეალურია, რომ ახლაც მიჭირს ამ ტექსტის აკრეფისას, თვალზე მომდგარი ცრემლების გამო კლავიატურაზე სასურველი ასო-ბგერების მოძებნა და აკრეფვა... ვინ დამიჯერებს მე ხომ ის გოგონა ვარ: რომელსაც სახეზე ნიღაბი უკეთია, ნიღაბი, რომელიც სულ მუდამ იღიმის, მერე რა თუ ზოგჯერ ცხოვრების ეშინია, ცხოვრების და არა რაიმე ტკივილის! მერე რა თუ ზოგჯერ, ოცნების ეშინია, ოცნების, რომელიც იცის არ ახდება, სასწაულს არ ელის, სასწაულს არც უცდის, რადგან სასწაული ყოველთვის არ ხდება! თ.ჯ |
 |
 |
ტესტები
სხვა გვერდები
აქტიური მწერლები
აქტიური მწერლები
.:დღის აქტიური მკითხველი:.
თქვენი აზრით, ქალებისთვის, რა ასაკშია მიზანშეწონილი დაოჯახება?
ყველა გამოკ
.:შემოგვიერთდით FACEBOOK-ზე:.
