შესვლა
რეგისტრაცია
რეკლამა

გალია


16-01-2016, 00:47
ავტორი Archive
ნანახია 1 341

ქარიშხალი იყო გარეთ...
თქვენ მოდიოდით, მოდიოდით და ხელებს მიქნევდით. არ ვიცი, მემშვიდობებოდით თუ მესალმებოდით. მაგრამ მოდიოდით.
ჩემთან ერთი მბჟუტავი ნათურა ენთო. მე გაუნძრევლად ვიჯექი ჩემს ერთადერთ სკამზე და ხალხის მუხტს ვგრძნობდი. სევდა, მოლოდინი, სიყვარული, ბრაზი, იმედი და იმედგაცრუება, შური, ტკივილი და სითბო. მუხტი იყო მძიმე და წამლეკავი.
მე ვიჯექი ჩემს სკამზე, დაბინდულ, მოკანკალე სიყვითლეში და მხოლოდ საკუთარი თავით ვიმუხტებოდი. თქვენ გიყურებდით.
„ახლა ავდგები, ავდგები.. ჯერ მარჯვენა ფეხი, მერე მარცხენა, მარჯვენა... არა, ფეხებით არ გამოვა, არა... ჯერ ერთი ხელი, მერე მეორეც, ორივე, ორივე, კიდეებს გავყვები... არა... გავფორთხდები მაინც, იქამდე, ბოლომდე, საკუთარ სხეულს მივათრევ და მერე ისინი წამიყვანენ... თავიანთი ხელებით... ამწევენ.. მომერევიან...“
გაუნძრევლად ვიჯექი და ტვინით ვყვებოდი მოკანკალე სინათლეს.
თქვენ მაინც მოდიოდით, სულ მოდიოდით.
ქარიშხალიც იყო, თოვლიც, მზეც და გაზაფხულებიც.
მაინც მოდიოდით და მე პირველყოფილ კმაყოფილებას განვიცდიდი რადგან იმედგაცრუება და ტკივილი მეტი იყო ვიდრე მოლოდინი.
„თითებიც გამიშეშდა... სულელებო, სულელებო, ეგოისტებო. აღარაფერი მესმის თქვენი ზუილის გარდა, მხოლოდ ყრუ სასოწარკვეთის ხმა და ვიბრაცია.
იდიოტებო, შემართულო იდიოტებო.
მოკეტეთ.“
მე ვიჯექი ჩემს ერთადერთ სკამზე და უკვე მერამდენედ ვითვლიდი წარმოსახვით ნაბიჯებს. ყოველ მეათასე დათვლაზე ერთი ნაბიჯი ემატებოდა.
ერთით მეტი ნაბიჯი, მეტი სივრცე, მეტი სიჩუმე, მეტი მე, სულ მე, მარტო მე...
შვიდი.
ოცდაოთხი.
ას ორმოცდათვრამეტი.
....
მე ჩემს საკუთარ გალიაში ვიჯექი და საკუთარი თავი მახრჩობდა.



№1  offline აქტიური მკითხველი terooo

როდესაც სიტყვები უძლურია

 


№2  offline წევრი ფორთოხალი

მე ჩემს საკუთარ გალიაში ვიჯექი და საკუთარი თავი მახრჩობდა.
!!!

 


№3  offline წევრი kakulia

მომწოოოოოოონს kissing_heart

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent