თითქოს არც არაფერი, მაგრამ რამდენს იტევს უბრალოდ ხელის შეხება, შეხედვა და გაღიმება. ერთი ჩახუტება და ამით სხეულების შინაგანი გასხივოსნება… უბრალო გაღიმება და საათობით თბილისის ცივ, გაყინულ ქუჩებში ბოდიალი. ხალხზე დაკვირვება და ერთმანეთთან ახლოს ყოფნით “თბობა”.

მისი განსხვავებული სურნელის შეგრძნება.

მისი აღტაცებით ნათქვამი სიტყვები:”როგორი დალალები გქონია.”

ბოდიალი დაუღლელად, უაზრო თემებზე ლაპარაკი და ღიმილი. თმაზე ოდნავ ხელის შეხება….

მისი თითების შეხება ჩემსაზე, თვალების ბოდიალი:ჩემს სახეზე, თითებზე, ლავიწზე და უბრალოდ ღიმილი.

ჩემი თმით თამაში და აღფრთოვანებული მისი რეპლიკა: “რაკარგი სუნი აქვს შენს თმას”

კოცნა ქუთუთოებზე, იმიტომ , რომ ყველაზე მგრძნობიარე ადგილია მისი თქმით.

მასთან ჩახუტება და მის ქურთუკში გახვევა, მისი სურნელის კიდევ ერთხელ შეგრძნება.

ჩემი კოცნა ლოყაზე და მისი ღიმილი.

უეცარი შუბლზე კოცნა და უბრალოდ მონატრება…