გნატრობ...ბაგე მიშრება...მწყურიხარ....ისევ დამეწყო უშენოს "ლომკები" ჩემო, სულის ჰეროინო.

დავდივარ და დავეძებ "სხვა შემცვლელ საშუალებებს".
მთავაზობენ :

საშუალება 1 - "განმარტობა და სიმშვიდე"
საშუალება 2 - "გართობა"
საშუალება 3 - "დათრობა"
საშუალება 4 - "ღალატი"

საშულება 1-

სამკურნალო ფორმა : ბუნებაში გასვლა, ზღვაზე დასვენება, მოგზაურობა.



ჩვენებები: "გულის პრანჭვების" გაქარწ....ბა.
დოზირება და მიღების წესები : სასურველი შედეგის მიღებამდე.
უკუჩვენებები : მარტოობისგან ჭკუიდან შეშლა.
სხვა ფორმები : თანამგზავრის შეცვლა ან ჰეროინი ( თქვენი სულის ).

საშუალება 2 -

სამკურნალო ფორმა :ცეკვა, თამაში და ა.შ.



ჩვენებები :ზედმეტი ენერგიის გახარჯვა.
დოზირება და მიღების წესები : გონების გათიშვამდე ფიზიკური მოძრაობა.
უკუჩვენებები : შემთხვევითი "შემოფეთება"
სხვა ფორმები : მეწყვილის შეცვლა ან ჰეროინი ( თქვენი სულის ).

საშუალება 3 -

სამკურნალო ფორმა :დარდიმანდული ფიქრების ყურძნის წვენში დახრჩობა( უძველესი დროიდან ყველაზე ეფექტური და ხელმისაწვდომი და გავრცელებული საშუალება)



ჩვენებები :გადამეტებულად აღელვებული გრძნობების დაოკება ან პირიქით.
დოზირება და მიღების წესები : ამღერებამდე ანუ ბოლო სტადია,როცა აღარც "ბუმბული არ გინდა" და დაგაბიჯა თუ არა ბავშვობაში "სპილომ ყურზე",მაინც გაჰკივი ბოლო ხმაზე:
"ღამე დავეხეტები
(უკვე კარგადაა ნასვამი)
ღობე-ყორეს ვედები
(მარშრუტ-დაკარგული ტაქსივით)
მენატრება გედები და მტრედები
(ეერია რამსები)
სადღეგრძლოს შენსას ვსვავ
(აი , აი დეეწყო)
შენზე კარგი
(გადევიდა გინებაზე)
ვინა მყავს
(ტირილის სტადიაზეა)
სულ არ გევხარ მშვენიერო სხვას"
(დეეწვა ჯიგარი )
უკუჩვენებები : ნაბახუსევი, თავის ტკივილი, ყელის სიმშრალე,წინა დღის ამნეზია,ცარიელი ჯიბე და ვალები.
სხვა ფორმები : არაყი, კონიაკი,შამპანიური,და ა. შ. - ან ჰეროინი ( თქვენი სულის ).

საშუალება 4 -

სამკურნალო ფორმა : გადაუდებელი და უკიდურესი შემთხვევა



ჩვენებები :(თავს ვიკავებთ და ვსარგებლობთ დუმილის უფლებით)
დოზირება და მიღების წესები :ღალატი არის ერთჯერადი ან მრავალჯერადი აქტი, ერთ ან მრავალ ,შეთავსებულ თუ შეუთავსებელ "პრეპარატთან", რომლებიც რეალურად "ხმარებაშია"
უკუჩვენებები : ფიზიკური სიამოვნების ხარჯზე სამუდამოდ სულის დაბინძურება.
სხვა ფორმები :ჰეროინი ( თქვენი სულის ).

მეტად გნატრობ... მეტად მჭირდები... დამისკდა ტუჩები... უფრო ძლიერ დამეწყო უშენობის "ლომკები",,ჩემო შეუცვლელო სულის ჰეროინო...