Facebook-ი რომ ქვეყანა ყოფილიყო,იქნებოდა ერთ-ერთი უდიდესი სახელმწიფო მოსახლეობის რაოდენობის მხრივ.აშენდებოდა ონლაინ ქალაქები და მათ შორის ყველაზე ლამაზსა და განვითარებულს მიიჩნევდნენ დედაქალაქად.შეიქმნებოდა პარლამენტი,სადაც,თანამდებობაზე პირების დანიშვნა მოხდებოდა ,,ლაიქების“ საფუძველზე.ეყოლებოდა ოპოზიციური პარტიები და ცუკერბერგს სიმდიდრის გამო სახელმწიფო ხაზინის მითვისებაში დასდებდნენ ბრალს.ოპოზიციის წყალობით მას გადააყენებდნენ.დაიწყებოდა საარჩევნო დაპირებები.მაგ. ,,ლაიქი“ ლაპარაკის ნაცვლად ან ,,დასალაიქებელი“ კიდევ ბევრია.ოპონენტები ერთმანეთის პროფილს ყოველდღე შეამოწმებდნენ.პორნოგრაფიული ფოტოს ან ვიდეოს გაზიარების ან მსგავსი გვერდის დალაიქების შემთხვევაში დაუყოვნებლივ აცნობებდნენ ზნეობრივ პოლიციას და ასეთი კანდიდატი მოიხსნებოდა საარჩევნო სიიდან.ზნეობის პოლიცია გამუდმებით დაწერდა აღმაშფოთებელ პოსტებს იმაზე,თუ როგორ გაფუჭდა ახლანდელი თაობა.
Facebook-ზე შეიქმნებოდა ხანუმების გაერთიანება,სადაც მეორე ნახევარს შეარჩევდნენ იმის მიხედვით თუ ვის უფრო საინტერესოდ ექნებოდა შევსებული პროფილი,რამდენი გოგო ან ბიჭი მეგობარი ეყოლებოდა.მსოფლიოში ყველაზე დიდი იუსტიციის სახლი ექნებოდა Facebook-ს და ხელის მოწერის ცერემონიალზე დასწრება იქნებოდა თავისუფალი,ამის გამო,ჟურნალისტებს არ მოუწევდათ იმაზე წვალება ვინ რამდენჯერ გათხოვდა ან დაშორდა,აქედან გამომდინარე არცერთი გადაცემა აღარ იქნებოდა რეიტინგული.
ცოლი ქმარს კედელზე დაუწერდა: ,,საყვარელო,დღეს შენ წაიყვანე ჩვენი შვილი ბაღში,ვერ ხედავ რამდენი რამ მაქვს გასაზიარებელი?“
ქმარი კი საპასუხოდ დაუტოვებდა პოსტს,რომ მასაც არ ეცალა,ვინაიდან top eleven football manager-ი ჰქონდა სათამაშო.
წელიწადში ერთხელ ჩატარდებოდა კონკურსი მის ფეისბუქისა და მისტერ ფეისბუქის გამოსავლენად,სადაც გამარჯვებული გახდებოდა ის ვინც უკეთ იყენებდა ფოტოშოპს.ჯოკონდა ფეისბუქზე არ დადებდა გაღიმებულ ფოტოს,ის უკმაყოფილოდ დაპრუწავდა ტუჩებს.არც ზნეობის პოლიცია იქნებოდა უსაქმურად,მასაც ექნებოდა კონკურსი:მის პატიოსნება და გამარჯვებული იქნებოდა ის,ვინც არ იყენებდა ფოტოშოპს,არ პრუწავდა ტუჩებს,მაგრამ ეჩათავებოდა რამდენიმე ბიჭს ერთდროულად.
ფეისბუქი არ აკრძალავდა ორცოლიანობას ან ორქმრიანობას,არც სექსუალურ უმცირესობებს გაუჩნდებოდათ პრობლემები,ისინი შეძლებდნენ ეშვილათ ბავშვები,რომლებიც მთელ დღეს ერთმანეთის კედლებზე სიარულს ანდომებდნენ.და ბოლოს ფეისბუქი იქნებოდა ყველაზე დემოკრატიული სახელმწიფო,მაგრამ ის არ იკადრებდა შესვლას ნატოში,რადგან თვითონ წარმართავდა ომებს ჩატების,ოდნოკლასნიკების და სხვა სოციალური ქსელების დასაპყრობად.ამრიგად, Facebooki რომ ქვეყანა ყოფილიყო,ცხოვრება უფრო მარტივი იქნებოდა.დღევანდელი უბრალო მომხმარებლები,მისი სრულუფლებიანი მოქალაქეები იქნებოდნენ და ხელს შეუწყობდნენ ყველანაირად ცხოვრების გაუმჯობესებას,ახლა კი ფეისბუქი თავისუფალი დროის მტერია და ადამიანებს ზოგჯერ გარე სამყაროსთან აწყვეტინებს კონტაქტს


ეს ჩანახატი სადღაც წავიკითხე, მაგრამ აღარ მახსოვს სად.... რაღაცეები შევცვალე იმედია ბევრს იხალისებთ...