ადამიანები ბედნიერები თვითონ ვხდებით, გააჩნია ბედნიერებას რას დავარქმევთ.. ამიტომაცაა ბედნიერება ასეთი მარტივი და თან რთულად მისაღები..
დიდი ნიჭია ყოველდღიური ხანმოკლე მომენტებით ტკბობა რომ შეუძლია ხალხს..
მომენტები, სასიამოვნო მომენტები მინდა ბევრი.
როგორიცაა:
წვიმის დროს ფანჯრიდან გაყოფილ ხელზე რომ წვეთები გეცემა.



სადმე გორაკზე რომ ზიხარ და თბილი ქარი გელამუნება სახეზე.



ვარსკვლავებით მოჭედილ ცას რომ უყურებ გულაღმა დაწოლილი.



კენჭებს რომ ისვრი წყალში.



ზღვის მივარდნილ ნაპირზე რომ ზიხარ გვიან ღამით და სიჩუმეს მარტო ტალღების ხმა არღვევს.



შხაპუნა წვიმაში რომ მოყვები და ქოლგას არ შლი, თან ნელა მიდიხარ რომ იგრძნო.



მეგობარი რომ ჩაგეხუტება უმიზეზოდ.



უცხოს ერთი თბილი გაღიმება რომ გაგყვება ნათელ წერტილად მთელი დღე.



სახლში მისულს და დაღლილს დედა რომ გახვედრებს საყვარელ კერძსა და ტკბილეულს.



ხიდის მოაჯირზე რომ გადაეკიდები და მდინარეს უყურებ.



მთელი ღამის გამოუძინებელი საწოლამდე რომ მიხვალ და დაეგდები ამ სიტყვის პირდაპირი გაგებით, მოგიდუნდება კუნთები და მაშივე იძინებ.




საქანელაზე რომ ქანაობ.



ჰამაკში რომ კითხულობ წიგნს.



გაზაფხულზე ქარს რომ აყვავებული ხეების სუნი მოაქვს.

ნეტავ ვისწავლოთ უბრალოებით ტკბობა...

გრაფინია