არ ვიცი რატომ, მაგრამ მემართება ხოლმე.. მოულოდნელად საგნებს აღმოვაჩენ , რომლებიც წლებია ჩემ ირგვლი უძრავი მდუმარებით მოძრაობს და მგონია პირველად ვხედავ, თითქოს არც არასდროს მინახავს, არც არასდროს შემიმჩნევია.
ადამიანებზეც მემართება..
შენამდეც სხვაზე და შენს მერე სხვაზეც ალბათ, მაგრამ დღეს შენზე მხოლოდ და მხოლოდ. ორი წელია ჩემს ირგვლივ ტრიალებ, ორი წელია გიყურებ და პირველად მხოლოდ მაშინ გხედავ, როცა მოულოდნელად თავად იჭრები ჩემს პირად სივრცეში.
მაშინ მე ბიჭი მყავს, რომელთანაც ფლირტი მაქვს და რომელთანაც ყველაფრი მინდა დაიწყოს, ბიჭი თავშეკავებულია და უცეცხლო, მაგრამ ჩემთვის ეგ დეტალი უმნიშნელოა, რადგან აკვიატებული მყავს. როგორ იქნა ვპოულობ თემას, ერთნაირად კომფორტულს ორივესთვის და მისკენ ვიხრები, რომ უსაშველო ხმაურში ხმა მივაწვდინო და ამ დროს პირველად ვეჯახები შენს თავს. შენ მის გვერდით. შენ რომელიც ორი თითით ეხები ჩემს მკლავს, და მსუბუქად იზიდავ შენკენ, სულელურად მიღიმი. მაშინ ყველაზე მეტად ვბრაზდები შენზე, ყველაზე მეტად ვერ გიტან და გიყურებ ისეთი ბრაზით, როგორც ორივემ ვიცით, არასოდეს შემომიხედავს. გიცნობ.. საკმარისად გიცნობ. გიცნობ და ვხდები იეჭვიანე, მივხვდი რომ მოგწონს როცა ცხარედ ვკამათობთ, მოგწონს ქოლერიკი ჩემში, მოგწონს ძალა და სისუსტე რომელსაც ვფლობ და ვამჟღავნებ და ეს გაგიჟებს.
ჰოდაა..
მიყვარდები..
მინდები..
მომწონს შენი სიახლოვე, შემთხვევები, როცა ვითომ შემთხვევევით მეხები, ჩამოჯდომები ჩემს გვერდით ან ჩემივე სკამზე და ამ დროს ფეხი, რომელსაც სპეციალურად ამჯენ ჩემსას და არ წევ, რადგან მოგწონს ჩემი სითბოს ნაწილაკების შენსასთან შერწყმა. მე უარესად მომწონს.
სინამდვილეში შენ ზუსტად ის ხარ, მე რომ მაგიჟებს, მაგრამ ჩემთვის რომ არ შეიძლება. ნარკოტიკივით ძლიერმოქმედი, გემრიელი, მომაკვდინებელი .
გამჩნევდი, თუ არა აქამდე?
გაჩნევდი.
გამჩნევდი ლამაზს, სექსუალურს, ქარიზმით სავსეს, ბავშვური ღიმილით, ახირებულობით, მაგრამ გისხლეტდი ალბათ, რადგან ვიცოდი შენს ცხოვრებაში ჩემი ადგილი არ იყო და არც ჩემთან იყო შენი ადგილი. არც დღეს არის, არც მინდა რომ ოდესმე იყოს, ყოველშემთხვევაში გონებით მაინც.
შენი სამყარო ჩემი სამყაროსგან იმდენად შორსაა, ვიცი, თუ გამოგყვები მოვკვდები, თუ გამოგყვები დავიკარგები, თუ გამოგყვები გადავსხვაფერდები, მაგრამ მაინც მინდა გამოგყვე. სულელი გიჟი. წყეული გიჟი