შენ მალე მიხვდები,
რომ
შენი ყველაზე დიდი შეცდომა
ჩემი დაკარგვა იყო
და თავს იმით გაიმართლებ,
რომ
ჩემს გარდა სხვაც დაკარგე
და ამასაც აიტან.
მაგრამ,
ეგ ყველაზე
არაგულწრფელი აღიარება იქნება.

შენ
ყოველთვის ეცდები
გაექცე საკუთარ თავსა
და გრძნობებს,
რომლებიც
ყოველთვის ჩემთან მოგიყვანს,
მაგრამ
მე ვეღარ დაგხვდები ისეთი,
როგორმაც დაგტოვე.

გონზე რომ მოხვალ,
დაფიქრდები და მიხვდები,
რომ ჩემი დაკარგვით
საკუთარი თავი დაკარგე
და სასოწარკვეთას მიეცემი
ყოველი კაცის დანახვისას,
რომელიც რაღაცით მაინც
მემსგავსება.

შენ შეგძულდება
ყოველი გათენება,
რომელიც
ჩემს თავთან აღარ იქნება
დაკავშირებული.
გაგიკვირდება და,
ტირილსაც ვეღარ შეძლებ,
ისე მოგენატრება
ჩემი ხმაც
და მოფერებაც,
რომელსაც ასე აღმერთებდი.

შენ
ჩვენი ერთად ყოფნის
ყველა გზა გათელე, გარდა ერთისა,
და ის ერთიც,
მხოლოდ ჩემთან ჩანს..