შესვლა
რეგისტრაცია
რეკლამა

დამსხვრეული "ჩვენ"


3-08-2019, 11:02
ავტორი უნდა ვწერო
ნანახია 330

დამსხვრეული

გითხარი, როგორც დამსხვრეული ჭიქა, დამსხვრეული „ჩვენ“ ვერ აღდგება - მეთქი.. შენ კი უბრალოდ არ გესმოდა, ან არ გინდოდა რეალობისთვის თვალის გასწორება.
დამცინოდი, როცა გეუბნებოდი, ერთსა და იმავე მდინარეში მერამდენჯერ უნდა ვიცუროთ - მეთქი...
შენ არ გესმოდა ჩემი ირიბი გამონათქვამები, ისევ ბავშვურად აგრძელებდი ყველაფერში საკუთარი თავის დადანაშაულებას და დღითიდღე თავიდან მეფიცებოდი სიყვარულს...
იცი, მეც მჯეროდა...
ყველაფრის მიუხედავად მჯეროდა, რომ გავიდოდით ნაპირზე და ცხოვრების ძლიერი ტალღები არ წაგვლეკავდა.. მჯეროდა და ყველანაირად ვცდილობდი „ჩვენ“ გადამერჩინა...
ვცდილობდი... ვცდილობდი განუწყვეტლივ.. სანამ „ჩვენი“ სიმბოლო, გულთა შერწყმის სიმბოლო ბუნკერში არ მოვისროლე და წინ არ დავიწყე ყურება...
ყველაფერი იქ დასრულდა, სადაც დაიწყო..
თუმცა მთლად ასეც არაა...
ძირეული გრძნობები, თუნდაც გარდასულნი და სამყაროს მეორე კიდეში გადახვეწილნი, მარადიულ კვალს ტოვებენ; ჩვენ ხომ ის აღარ ვართ, რაც იმ 330 თუ 335 დღის წინ, როცა პირველად დავინახე როგორ გაგიცისკროვნდა თაფლისფერი თვალები და როგორ შეგიკრთა სახე...
მახსოვს, რა მითხარი უკანასკნელად, ყველაფერი მაპატიეო და მეც მინდა სწორედ იგივე გთხოვო;
რადგან უკვალოდ არარა ქრება,
რადგან ნაკვალევს ტოვებს ყოველი,
გთხოვ, მაპატიო გაცნობის დღება
და შემისრულო ერთი სურვილი,
რომ დამივიწყო სამარადჟამოდ
და გააგრძელო წუთისოფელი.



პ.ს ადრეც მედო, მაგრამ საიტს პრობლემები რომ ჰქონდა, წაიშალა.
ეს იმ ერთ-ერთ ჩანახატთაგანია, რომელიც დაიბეჭდა "ლიტერატურული გაზეთის" აგვისტოს ნომერში და თვით ვახტანგ ჯავახაძემ შეარჩია.скачать dle 11.3
სიახლეზე კომენტარის დამატების შემთხვევაში თქვენ მიიღებთ 6 ქულას.



№1  offline წევრი guroo

რატომ არ შეარჩევდა?!
ნაპირზე გასვლა და ცხოვრების ძლიერი ტალღები.
ძირეული გრძნობები და სამყაროს კიდეები.
მარადიული კვალი.
დიახ, მხატვრული დეტალებია ეს ყველაფერი, მაგრამ ბევრად მეტს მეტყველებს, ვიდრე ჩანახატის ჩარჩოებში მოქცეული შინაარსი.
ავტორის “სიფართოვე” იგრძნობა. თითქოს მისი გონება სამყაროს იმ ბოლო კიდეს მისწვდა და ნაპირიც ზუსტად იქ დახვდა, ოღონდ ვეღარ წალეკა ცხოვრების ძლიერმა ტალღებმა. სამყაროს იდუმალება და ძლევამოსილება დაიტია ავტორმა, თითქოს...
მარიამ, მარიამ...
მეტი მინდა, გესმის?!
ჩანახატები ძალიან ცოტაა. გულწრფელად გეტყვი: შენ ნაწერებს იმიტომ ვკითხულობ, რომ მათი მხატვრული ღირებულება საკმაოდ მაღალია. სიუჟეტი, თემა, შინაარსი დიდად არ მხიბლავს.
ამის გამოა, რომ, გთხოვ, მეტი დაწერო. კითხვით უნდა ვიასიამოვნო.
❤️

 


№2 სტუმარი gurasha

რამე ხოარ გაქვთ? ჩავყაროთ სასტავმა sunglasses

 


№3  offline ადმინი უნდა ვწერო

guroo
რატომ არ შეარჩევდა?!
ნაპირზე გასვლა და ცხოვრების ძლიერი ტალღები.
ძირეული გრძნობები და სამყაროს კიდეები.
მარადიული კვალი.
დიახ, მხატვრული დეტალებია ეს ყველაფერი, მაგრამ ბევრად მეტს მეტყველებს, ვიდრე ჩანახატის ჩარჩოებში მოქცეული შინაარსი.
ავტორის “სიფართოვე” იგრძნობა. თითქოს მისი გონება სამყაროს იმ ბოლო კიდეს მისწვდა და ნაპირიც ზუსტად იქ დახვდა, ოღონდ ვეღარ წალეკა ცხოვრების ძლიერმა ტალღებმა. სამყაროს იდუმალება და ძლევამოსილება დაიტია ავტორმა, თითქოს...
მარიამ, მარიამ...
მეტი მინდა, გესმის?!
ჩანახატები ძალიან ცოტაა. გულწრფელად გეტყვი: შენ ნაწერებს იმიტომ ვკითხულობ, რომ მათი მხატვრული ღირებულება საკმაოდ მაღალია. სიუჟეტი, თემა, შინაარსი დიდად არ მხიბლავს.
ამის გამოა, რომ, გთხოვ, მეტი დაწერო. კითხვით უნდა ვიასიამოვნო.
❤️


ჰო, ფანტაზიები გამექცა, მხოლოდ ჩანახატებს თუ ვწერ , მეც მეტი მინდა, რა ვქნააა
gurasha
რამე ხოარ გაქვთ? ჩავყაროთ სასტავმა sunglasses

ვერ მივხვდი

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent