იღვიძებ, იძინებ, შუალედს კი არც ისე სასიამოვნოდ ატარებ. ამაზე ხშირად არც კი ფიქრობ და არც გინდა, რომ იფიქრო.. ზედმეტი ანალიზი ხომ განწყობას აფუჭებს !
საკუთარ თავთან დარჩენისაც კი გეშინია ! რამდენად მხდალი ხარ !
შენი ყველა ურთიერთობა მეტ-ნაკლებად ნარცისიზმით იყო სავსე. უბრალოდ ეძებდი იმას, ვისაც ისე ძლიერ ეყვარებოდი, როგორც საკუთარი თავი გიყვარს..მარცხის შემდგომ კი , უფრო ძლიერად იწყებდი საკუთარი თავის შეყვარებას...
დროთა განმავლობაში დარწმუნდი, რომ მსგავსად ვერავინ გაგაღმერთებდა და ძიებაც შეწყვიტე...

***
ისევ ჩევეულებრივი საღამოა, ხვალ კი - ჩვეულებრივი დილა...
მოწყენილობა და ერთფეროვნებაა გარშემო... უკვე აღარც განაღვლებს...ირონიული სიცილის უნარიც კი გერთმევა..
იქნებ რამეს ელოდები ... მაგრამ არა ! უკვე ლოდინიც შეწყვიტე..
მალე გარეთ უკუნით სიბნელესთან ერთად სიჩუმე ჩამოწვება..
კომენდანტის საათი და ფილმების დროა...