სექტემბრის'ეული თვეა, ღრუბლები უჩვეულოდ გადაადგილდებიან თითქოს უღრანი ტყიდან ლამობენო გაქცევას, მიჩუმებულ მზეს ხან გვერდს აუვლიან, ხან კი მკაცრად უკრძალავენ გამონათებას. ამ სანახაობას ხეები შრიალით ადევნებენ თვალყურს, მგონი ვერც კი გრძნობენ ისე ფერმკრთალდებიან მათი ხასხასა ოდესღაც მწვანე ფოთლები და მზეც სითბოს უკანასკნელ ნაპერწკლებს მათ უზიარებს. გარემოში კი მონატრებული წვიმის, შემოდგომის და ნოტიო მიწის სურნელია.