__უკაცრავად, თამუნა ხართ?!
__ო, არა, მგონი შეგეშალეთ!
__ბოდიში!
__არაუშავს, ისეთი სიყვარულით მიცქერით, ალბათ თქვენთვის ბევრს ნიშნავს ეგ ვიღაც თამუნია...
__ჰო, სწორედ მიხვდით.
__ალბათ შორს არის და დიდი ხანია არ გინახავთ.
__ჰო, ძალიან შორს...
__მაინც სად?!_დავინტერესდი რატომღაც.
__საიქიოში წავიდა...
__სად?!
__საიქიოში! გაგიკვირდათ?! დარწმუნებული ვიყავი, რომ თქვენ არ იქნებოდით, მაგრამ მსურდა, წუთით წარმომედგინეთ მის ადგილას, მინდოდა თქვენი ხმა გამეგონა, რომ მას უფრო მიმსგავსებოდით, გულის სიღრმეში იმედი მაქვს, რომ ვინმეს მიწიერს წავაწყდები, ზუსტად მის მსგავსს, რაც ცხოვრების მოკლე ხანს გამიხანგრძლივებს. აი სწორედ ეს არის წუთი წუთისოფლისა, მაგრამ დღეს არ გამიმართლა, ვიმედოვნებ ხვალ ახალი მზე მაჩუქებს მის სახეს.
__ძალიან საინტერესოა, ვწუხვარ, რომ ვერ დაგეხმარეთ.
__თქვენ რა შუაში ხართ?!
__ბოდიში...
კარგად მეყოლეთ.
თამარ ჯიშკარიანი