კიდევ ერთხელ მინდა ყველას მადლობა გადაგიხადოთ ემოციებისთვის რომელსაც თქვენგან ვიღებ . ამჯერადაც ველი გმირების შეფასებებს, ცოტას ვღელავ მინდა სწორად მქონდეს გადმოცემული ახალი წყვილის მდგომარეობა და გრძნობები მინდა ეს ორიც დაინახოთ ისე როგორც მე ვხედავ და იმედია ისე დავწერე რომ გამომივიდა. მომდევნო თავს კვირა საღამოს დავდებ მაპატიეთ ერთი დღის დაგვიანებისთვის . მიყვარხართ !
სახლში შეაბიჯა თუ არა მაშინვე ვისკის ბოთლი იპოვნა. საძინებლისკენ ბარბაცით გაუყვა გზას. ფეხსაცმელი დერეფანში დატოვა , ბოთლიდან სვამდა და მიაბიჯებდა . ოთახში შესვლის შემდეგ საბანს წვდა და მთელი საწოლი იატაკზე გადმოიტანა. ბალიშები მოისროლა , ფეხებს ურტყავდა სანამ ბუმბულებით არ დაიფარა ყველაფერი. მერე სარკის წინ დალაგებულ ნივთებს მოუსვა ხელი და წამში გაისმა მსხვრევის ხმა. სკამიც ისროლა . გარდერობსაც მისწვდდა და მთელი ოთახი აურია. ფეხსაცმელები, კაბები, კაცის პიჯაკები , შარვლები ყველაფერი იატაკზე დაყარა
_ლიზა
_მოშორდი !
_გეყოფა !
_არ მეყოფა ... არ მეყოფააა არააა _დაუყვირა და მისი პერანგის დახევა დაიწყო_ვერ გიტან...ამათაც ვერ ვიტან ყოველ დილით რომ მხვდება აქ და ვერც ამათ _საათები ამოყარა და კედელს მიანარცხა _ შენი სუნია ყველგან და გული მერევა . სახლში რომ არ ხარ მაშინაც გულს მირევ ... რომ წაეთრევი მაშინაც მიფუჭებ განწყობას...ნეტავ იცოდე როგორ მეზიზღები, როგორ ვერ გიტან _ ისევ სვამდა წონასწორობა დაკარგული დგამდა ნაბიჯებს . წაბარბაცდა და კედელს მიეყრდნო _არარაობა ხარ და მეტი არაფერი ! მეზიზღები შენც და ისიც მეზიზღება . ვიღაც მათხოვარი შეირთო ცოლად ... ნამდვილი მათხოვარი , ბომჟი რომელიც ებრალება და მოუწყო ბედნიერი დღე . ისე ეფერებოდა და უღიმოდა თითქოს ძალიან უყვარს...საცოდავი ჰგონია რომ დამივიწყებს? ვერა , ვერ შეძლებს იმ მათხოვრით ვერ ჩამანაცვლებს . უფლებას არ მივცემ , კოშმარად ვექცევი ცხოვრებას გავუნადგურებ იმ საფრთხობელას
_გეყოფა_თქო ... გონს მოდი ! დაგივიწყა , ეზიზღები , ვერ გიტანს და უკვე ცოლიც ჰყავს . ის იქნება მის გვერდით , ისაა მისი ქალი
_ხელი გამიშვი...ნუ მეხები_მხრებიდან მოიშორა მისი ხელები და ხელი ჰკრა _ ყველაფერი შენი ბრალია... შენი ბრალია . ეშმაკმა დაგწყევლოს ...ყველაფერი შენ გამო ხდება , შენ მომიწყვე ეს ჯოჯოხეთი ახლა მისი ცოლი ვიქნებოდი მე ვიქნებიდი თარაშის ქალი...მე და სხვა არავინ . მე ვიქნებიდი მის გვერდით , სულ მის გვერდით ვიქნებიდი...ბედნიერი ვიქნებოდი სამ შვილს გავუჩენდი ან მეტს და ყველგან ის იქნებოდა . შენ, შენ რომ არ არსებობდე ბედნიერი ვიქნებოდი
_შეწყვიტე მასზე ოცნება ...შეწყვიტე ბოლოს და ბოლოს შეიგნე რომ აღარასდროს შემოგხედავს არც კი შეგაფურთხებს . ჰკიდიხარ, არ ადარდებ...ჩემ გარდა არავის უყვარხარ, ჩემსავით ვერავის ეყვარები
_არ მინდა...არ მინდა შენ სიყვარული. შენი ავადმყოფური სიყვარული . მეზიზღები , გულს მირევ _ მუშტები დაუშინა , ხელებს ურტყამდა ის კი უშედეგოდ ცდილობდა მის გაჩერებას
_ლიზა ... ლიზა გთხოვ გეყოფა
_მოკვდი გთხოვ...მოკვდი , მოკვდი ან მომეცი ნება რომ მოვკვდე და გავთავისუფლდე . რატომ მიშლი ხელს ...რატომ ხარ ასეთი ავადმყოფი ხომ იცი რომ არ მოგასვენებ ხომ იცი რომ ცხოვრებას ჯოჯოხეთად გიქცევ _ ჩაიკეცა, მუხლებზე იდგა და მოთქვამდა. ისეთი განადგურებული იყო და მაინც იმდენად ლამაზი იყო მისი ჭაობისფერი თვალები ცრემლით დანამულ წამწამებს შორის რომ ანათებდნენ _გემუდარები შემეშვი , გამათავისუფლე , გამიშვი გთხოვ _ პერანგის საყელოში წვდა და თითებს უჭერდა_ვერ ავიტან ... ვერ ვიცოცხლებ . არ მინდა სუნთქვა იქ სადაც თარაში სხვა ქალთანაა
_შენ ჩემი ცოლი ხარ ... თუ მოკვდები იქაც წამოგყვები . არ გაგიშვებ ხომ იცი რომ უფლებას არ მოგცემ . ჩემთან ერთად დაიტანჯები ან ჩემთან ერთად იცხოვრებ _ მკლავები მოხვია თავზე ეფერებოდა, ის კი ისევ ტიროდა , იმეორებდა მომკალიო და მკერდზე ხელებს ურტყამდა, ნელა , მაგრამ მაინც არ ჩერდებოდა _ მოვკვდები , მე მოვკვდები , მაგრამ მას მაინც აღარ ეყვარები . მარტო დარჩები , სულ მარტო
_მეზიზღები ...მეზიზღები
_და მე ისევ იმაზე მეტად მიყვარხარ ვიდრე შენ გეზიზღები _ იატაკზე იჯდა მასთან ერთად , მის არეულ თმაში ჰქონდა სახე ჩამალული და იმ რამდენიმე წუთს იყენებდა სანამ ქალი მოშორდებოდა ...

ძალა გამოეცალა , გაითიშა და ანდროს მკლავებში ჩავარდა. სახეზე უსვამდა თითებს მერე ტუჩებით ეხებოდა და თითებს არ უშვებდა
_მაპატიე ... მაპატიე ყველაფერი _ ხელში აიყვანა ბოლოს . მეორე საძინებელში დააწვინა , ცოტა ხნით უყურებდა შემდეგ ადგა და წავიდა . დატოვა სახლი სადაც ჩხუბის გარდა არასდროს არაფერი გაუკეთებიათ. იქ წესით მარტოს უნდა ეცხოვრათ და მხოლოდ მაშინ მიდიოდნენ ლიზასთან მორიგი კამათი რომ მოუვიდოდა.
სახლი დატოვა, მანქანაში ჩაჯდა და წავიდა. გზას არ უყურებდა, მიდიოდა და მხოლოდ მისი ხმა ესმოდა ყურებში, ხმა რომელიც სიკვდილს სთხოვდა. შემდეგ გაზის პედალს ფეხი მიაჭირა საჭეს ხელები აუშვა, ღვედი შეიხსნა , სავარძელს მიეყრდნო და თვალები დახუჭა. მალევე გაიგო შეჯახების ხმა რომელსაც სიბნელე მოჰყვა ...


დილით თავის ტკივილმა გააღვიძა. უცნაური შეგრძნება ჰქონდა, იქ ყოფნა არ უნდოდა და მეორე სახლში წავიდა. შესვლისთანავე გაიგო კივილის ხმა , ლალი იყო და ისე შეჰკივლა მთელს სახლში ისმოდა ხმა. თავი უსკდებოდა, ისევ გათიშული იყო და დედამთილის ნერვები ნამდვილად არ ჰქონდა. კიბისკენ წავიდა , რამდენიმე საფეხური ჰქონდა ავლილი ქალი რომ გამოჩნდა მოსამსახურეს მოჰყავდა ნახევრად გათიშული და ლიზა რომ დაინახა წამსვე გააფთრდა
_შენ ? შენ ცოცხალი ხარ? შენ სად იყავი ...შენი ბრალია ყველაფერი შენი ბრალია . შენ დაღუპე ჩემი შვილი ...შენ დაუნგრიე ცხოვრება შენ გამო გაუბედურდა , შენ გამო ყველაფერი დაკარგა და ახლა სიცოცხლეც გინდა წაართვა ხომ? მოგკლავ ...ჩემი ხელით მოგკლავ ანდროს რამე რომ მოუვიდეს. ერთ წუთს არ ისუნთქებ ჩემი ბიჭი სუნთქვას თუ შეწყვეტს გეფიცები
_ლალი შემოტევა გაქვს? ანდრო არ მოვიდა და დილიდან წიოკობ? სადმე იქნება და მოვა დალიე მწვანე ჩაი ან გვირილის ან რამე დამამშვიდებელი
_დამცინი ხომ ? ნამდვილად დამცინი ის საავადმყოფოში მთელი ღამე სიკვდილს ებრძოდა ძლივს ამოიცნეს და დამირეკეს. შენ არც კი უპასუხე მობილურს. შენთან ჰქონია ბოლოს დარეკილი შენ ... შენ ნამდვილი ეშმაკი ხარ , მაგრამ გეფიცები გაგანადგურებ ანდრომ რომ დამტოვოს
_ალბათ რამე მოიტეხა...როგორც ყოველთვის რა დრამებს დგამ _ უცებ ჩაირბინა კიბე ლაპარაკობდა და თან კარისკენ მიდიოდა. ძიძას ეკითხებოდა საავადმყოფოს სახელს და ბოლოს მანქანისკენ გარბოდა _ დავიჯერო მართლა კვდები? სისულელეა არასდროს არაფერს მიჯერებ და მაინცადამაინც ეს დაიჯერე ? _საჭესთან იჯდა და სწრაფად მიდიოდა. საცობში მოხვდა მაგრამ მაინც არ გაჩერდა . საჭეს ხელებს ურტყამდა და მერე საავადმყოფოს დერეფანში გარბოდა. უკან ლალიც მიჰყვებოდა , მძღოლსაც სწრაფად უვლია , მაგრამ მაინც მიასწრო პალატამდე. ექიმი იმ წამს გამოდიოდა კარი ღია იყო და დაინახა უამრავ მილში ახლართული უგონოდ მყოფი ანდრო ნაკანი. ლალის კივილის ხმა ექიმის სიტყვების შემდეგ შუა დერეფანში გაშხლართული დედის სხეული და ძიძა რომელიც ქალს იჭერდა , მოთქვამდა და თავადაც კარგავდა ძალას.
თავი ისევ უსკდებოდა, ისევ არაფერი ესმოდა, ბგერები ირეოდა, გამოსახულება ბუნდოვანი ხდებოდა აპარატის ხმა გაიგო რამდენიმე ნაბიჯი რომ გადადგა ,ექიმები დაინახა , ანდროსთან შეცვივდნენ და შემდეგ ინსტიქტურად შებრუნდა უკან. ექიმებს შორის გაიარა, ანდროს მივარდა და გულზე დასცხო მუშტები
_არ მოკვდე...არ მოკვდე გესმის? არ მოკვდე თორემ განანებ ... არ მოკვდეეეე არ გაბედო , არ გაბედო ჩემი ამ ჯოჯოხეთში დატოვება და გაქცევა შენც ჩემთან ერთად უნდა დაიტანჯო... უფლებას არ მოგცემ , გაქცევის უფლებას არ მოგცემ გესმიის? _ კიოდა და თან ცრემლები სცვიოდა გაყინული ჰქონდა მზერა. ექთნები ძლივს აჩერებდნენ , ექიმები ანდროს გულის ამუშავებას ცდილობდნენ, აპარატი ისევ ხმაურობდა თმაარეული, თვალებდაწითლებული, სახეშეშლილი ახალგაზრდა ქალი კი ისევ უყვიროდა , მანამ ემუქრებოდა სანამ გულმა ისევ არ დაიწყო მუშაობა და მერე კედელთან ჩაიკეცა
_არ გაქვს უფლება... შენ მხოლოდ ჩემი ხელით მოკვდები მაშინ როცა მე გადავწყვეტ ...მაშინ როცა მე გადავწყვეტ _ ოთახიდან გავიდა. კედელს მიყვებოდა, არავის უსმენდა , არ ჩერდებოდა სანამ ყველასგან შორს კიბის ბოლო საფეხურზე არ დაჯდა , თავი მუხლებზე არ დაადო და აქვითინდა. პირზე ხელს იფარებდა და ისე ტიროდა არ იცოდა რატომ ტიროდა, ვის ტიროდა ანდროს თუ საკუთარ თავს, უხაროდა ცოცხალი რომ იყო თუ უნდოდა მომკვდარიყო. არაფერი იცოდა , ვერაფერს ხვდებოდა და მაინც ტიროდა მანამ სანამ ძალა არ გამოეცალა
^*
ერთ_ერთი კურსელის სახლის წინ, კაფეში იჯდა ფინჯანი ყავით ხელში და ქორწილის ემოციებით სავსე გოგონებს უსმენდა
_ლიკუნამ მოგვიყვა კიდევ რაღაცები ... აი უბრალოდ როგორ არ დაგვირეკე ან არ მოგვწერე. ქორწილიო რო გავიგე შოკი მქონდა
_იქ მობილური არ იჭერს და თან იმდენი რამ მოხდა ამ ერთ თვეში რომ გადავიწვი ...
_აუ აქ ხო იცხოვრებთ ? თუ ისევ სოფლიდან უნდა იარო ხოლმე
_არ ვიცი ჯერ , არ გვისაუბრია ამ თემაზე ჩამოსვლის პრობლემა ნამდვილად არ მექნება
_აი უძალიანესად სიმპათიურია თარაში
_ხო ნუ მაგ საკითხზე ყველანი ვთანხმდებით მაგრამ მე მაინც არ მომწონს შენი უეცარი გათხოვების ამბავი...რომ ამბობდი ვიღაც გადამეკიდაო შემთხვევით ეგ ხომ არ არის. ისეთი არანორნალური ხალხი შევნიშნე ქორწილში რომ არ გამიკვირდება _ მართა გოგონებს შორის ყველაზე სერიოზული და უხეშიც კი იყო . ცოტა ზედმეტად ფემინისტური აზროვნებაც კი ჰქონდა იმ გარემოსთვის სადაც ცხოვრობდა და მუდამ განსხვავებულ აზრს აფიქსირებდა
_კარგი რა სად თარაში და სად ძალადობა. ვერ ნახე რა მხიარული და საყვარელი ბიჭია? ისე რამდენი წლის არის?
_24 წლისაა და ის ნამდვილად არ დამდევდა.
_ანუ უგონოდ შეგიყვარდა ბოლო ორ თვეში ,როცა ჩვენ ვერ ვხვდებოდით და გათხოვებაც გადაწყვიტე?
_ვაიმეე ნეტავ მეც მთხოვოს ვინმე ეგეთმა ცოლობა და გავთხოვდები ჯანდაბას
_ლიკუნ შენ ისედაც მთელი გულით გინდა გათხოვება და მოწადინებულიც კი ხარ ძვირფასო_მართამ გაუღიმა და მშვიდად გადაიდო ფეხი ფეხზე
_სულად არ ვარ მოწადინებული ... ის ფაქტი რომ მე ბიჭები მომწონს და არ ვმალავ გრძნობებს არ ნიშნავს რომ გათხოვება მინდა. შენ კი ალბათ ქორწილი გარიგებით ან არ ვიცი როგორ გექნება და იმ ღამეს დაკარგავ ქალიშვილობასაც ...ნუ ხარ ასეთი ძველმოდური
_გეყოთ რაა _ მესამე , ნიაკო მუდამ ნეიტრალური იყო ყველაფერში და ყოველთვის _ ანიკოო მოგვიყევი რამე შენც
_ჟორდანიები იმ რაიონში , სადაც მე ვცხოვრობ გავლენიანი ხალხი არიან . მე კი მათი უფლისწულის ცოლი გავხდი. ვცხოვრობ მთის წვერზე ერთ ჩვეულებრივ, დიდ სახლში ჟორდანიების დიდ ოჯახთან ერთად და ვცდილობ მივეჩვიო მდიდარი და მრავლისშემძლე ქალის ცხოვრებას. გავიაზრო რომ ვარ ცოლი და მყავს ქმარი რომლის გონს მოყვანა მომიხდება , მორჯულებასთან ერთად . მოკლედ არ გეგონოთ რომ პრობლემები მელევა და გისურვებთ რომ თქვენ ჩემზე ბევრად მეტად გიყვარდეთ ის ვისაც ცოლად გაჰყვებით
_არ გიყვარს ხომ? ასეც ვიცოდი
_მართლა არ გიყვარს?
_თუ გიყვარს , მაგრამ ძალიანაც არა _ სამივემ ერთად უთხრა და ანას გაეცინა
_მე მისი ცოლი ვარ უკვე და ალბათ მიყვარს კიდეც , ვღელავ მასზე. მინდა კარგად იყოს, ვზრუნავ კიდეც და იმ ოჯახის წევრი მგონია უკვე თავი
_და მაინც ისე არ გიყვარს ჩვენ რომ წარმოვიდგენდით
_აბა რატომ გაყევი
_და მას უყვარხარ?
_რაღაც რომანტიულს ეძებთ ვიცი , მაგრამ მგონი ჯერ არაფერია. უბრალოდ შედარებით მშვიდად ვარ და ჩემი ძმაც დაბრუნდა. რომლის ზარსაც ველოდები მთელი დღეა ...
_აქაა? ქალაქშია და ჩვენ არ გაგვაცნობ?
_მეც თუ ვნახავ აუცილებლად გაგაცნობთ...
_მანაც იცის რომ არ გიყვარს და მშვიდადაა?
_ხო ისე გიორგი ისეთი ტიპი წარმომიდგენია რომ ახლა უცებ შემეშინდა თარაში არ მიეხრჩო სადმე
_კარგი რა მართა ... რა უნდა მიეხრჩო
_მისნაირი თავზეხელაღებული და იმპულსური ადამიანებისგან ყველაფერი მოსალოდნელია, თანაც ხომ იცით ანას ამბებზე ეკეტება და რომ გაიგებდა გათხოვდა თან მთელი თვე იმათთან ცხოვრობდა ქორწილამდე. თვითონ არაფერ იცოდა და საერთოდაც ... ქორწილამდე ს*ქსი მაგისთვის ალბათ დიდი დანაშაულია და დარწმუნებული ხარ რომ თარაში კარგადაა და სანამ შენ ჩვენთან ხარ არაფერი დამართა იმ ბიჭს? _ მართამ სწრაფად თქვა , თანაც სერიოზული სახით ცოტა ირონიით და ის იყო ყავის ფინჯანი ტუჩთან მიიტანა ზურგს უკან ხმა გაიგო
_ქორწინებამდე ს*ქსის წინააღმდეგი არ ვარ ძვირფასო, თუ ვერ მოითმენ აუცილებლად მოვიფიქრებ რაიმე სასიამოვნოს ექსკლუზიურად შენთვის _ დაიხრჩო მართა, ხველა აუტყდა სულ გაწითლდა და გოგონების სიცილზე საერთოდ გაგიჟდა. ანა რომ წამოდგა და მის ზურგს უკან მდგომს მოეხვია მიხვდა ვინც იყო ეს თავხედი. ფინჯანი ხმაურით დადგა და ფეხზე წამოდგა
_რა სითავხედეა ... შენ მე ვინ გგონივარ
_შენ მართა უნდა იყო საკუთარ თავზე დიდი წარმოდგენით და ფიქრით რომ იმდენად ბრძენია უნახავად , გაცნობის გარეშე ხვდება ვინ როგორი ადამიანია . მართა, დაჯექი რატომ ადექი არ არის საჭირო ასეთი დახვედრა _ ირონიულად უღიმოდა, უცნაურად მკაცრი სახე ჰქონდა, წარბთან ახლოს პატარა შრამი , ოდნავ მოზრდილი წვერი , დაბალზე გადაპარსული თმა და მზერა , შავი თვალები რომელიც წყვდიადს მოგაგონებდათ.
მართას წელზე მიადო გაშლილი ხელისგული და გოგონებს მეორე ხელი გაუწოდა _ლიკუნა ხომ? ქორწილიდან მახსოვხართ
_დიახ ... გიორგი . მიხარია როგორც იქნა რომ გაგიცანი
_მეც მიხარია... და თქვენ
_მე ნია მქვია
_დიახ , მაპატიეთ დამავიწყდა კიდევ ქერა უნდა იყოს ერთი , მარიტა და ვიფიქრე არ ამერიოს_თქო
_მარიტა ქალაქიდან გავიდა და დღეს ვერ გაგაცნობ. რატომ არ მითხარი თუ მოხვიდოდი ... მე კიდევ შენს ზარს ველოდი _ ანამ მართა დაიხსნა და მზერით ანიშნა დამშვიდდიო
_ვიფიქრე სიურპრიზს გაგიკეთებდი პატარავ, ხელს თუ გიშლით წავალ. თანაც როდის გავიცნობდი შენს გოგონებს კიდევ ვინ იცის
_ეფექტური შემოსვლა კი გქონდა_მართამ მაინც არ მოისვენა
_ეფექტური დახვედრა უფრო იყო ...იმ თემას რაც შეეხება ნურაფერს დაელოდები, უბრალიდ ვიხუმრე . სწერვა ქალები არ მევასებიან , მითუმეტეს ჟღალები
_გული მატკინე , ალბათ დეპრესია დამეწყება მალე
_გიორგი , გთხოვ
_პატარავ , ზოგჯერ შენს მეგობრებსაც სთხოვე ნუ დამამცირებენ მაშინ როდესაც არ ვარ და პასუხს ვერ გავცემ
_უბრალოდ ვსაუბრობდით და ნუ აჭარბებ ... ქალაქში რჩები ხომ? ჩემთან რატომ არ მოხვედი
_სად შენთან , ჟორდანიების სახლში შენი ქორწილის პირველ ღამეს ? იმდენი ხანია წასული ვარ რომ დაგავიწყდი? აი შენი დაქალი უკეთ მიცნობს...ჰკითხე გეტყვის
_რა გამოცნობა უნდა ნამდვილი მამაკაცები სიძის, სიმამრის ან თავად ცოლის სახლშიც ვერ დარჩებით. მხოლოდ საკუთარი, ძმაკაცის ან მამის სახლში შეგიძლიათ მშვიდად ძილი არა?
_აი ხომ ვთქვი ... ანიკო ვინ გააბრაზა ასე შენი მართა .ვინ ჰყავს ჩემნაირი აზროვნებით მამა, ძმა , თუ ბიძაშვილი ჯანო
_ჯანოს იცნობ?
_აი ხედავ ? საერთო ნაცნობი გვყოლია ... წუხელ ისე შემოხვედი სახლში ვერავინ და ვერაფერი შეამჩნიე. თქვენც ასე ძალიან დათვერით გოგონებო?
_ჩვენ ... დავლიეთ კი, მაგრამ მოიცა რა გინდა თქვა რომ შენ იქ ... აი იმ სახლში იყავი წუხელ? ჯანელიძესთან და ის _ლიკუნა ამეტყველდა თან წამწამებს აფახუნებდა და ხელს სახესთან ინიავებდა
_მე წყალი მჭირდება და მიმტანი _ ნიამ სწრაფად თქვა და მიმტანი იხმო. მართა საერთოდ გაჩუმდა
_რა ხდება გიორგი? ჯანოს თუ იცნობდი რატომ არ ვიცოდი? კარგი რაა ერთი დღე მაინც მინდოდა მშვიდად გამეტარებინა და უბრალოდ მეჭორავა ჩვეულებრივი ახალგათხოვილი გოგოსავით
_კარგი რა პატარავ ... რაზე ბრაზდები? დამთხვევაა უბრალოდ. შენ ჩემს ყველა ძმაკაცს ვერ გაიცნობ ფიზიკურად . დიდხანს არც დავრჩები, გასასვლელი ვარ საქმე მაქვს . უბრალოდ დაგინახეთ და შემოვედი მერე მართას საუბარმა დამაინტერესა და ცოტა ხნით ჩამოვჯექი . ახლა კი დაგტოვებთ ... დაგირეკავ და მარტოს გნახავ მოგვიანებით_ ანას აკოცა. გოგონებსაც დაემშვიდობა და წავიდა. მართამ თვალები აატრიალა და სახეზე ხელები აიფარა
_რა მოხდა თქვით... რა ჩაიდინა . წავიდე მოვკლა? მითხარი რომ ჯანოსთან ერთად არ იკეთებდა და არ დაადექი
_უარესი
_რა უარესი გოგო
_წუხელ სახლში ხომ მივედი გამთენიისას. ჯერ ეზოში ვიყავი სახლში შესვლა დამეზარა. მერე სახლში შევედი შუქი არ ენთო და პირდაპირ წავედი საძინებლისკენ . გავიხადე დერეფანშივე , სიჩუმე იყო და ვიცოდი ყველას ეძინა . მერე ოთახიდან პიჟამა ავიღე და თმების დაშლა დავიწყე თან . სააბაზანოს კარი გავაღე და ვიღაც შიშველ კაცს ბანაობის დროს თუ რაც იყო შევუვარდი. სახე არ დამინახავს და ჯანოც არ იქნებოდა. ის სულ თავის აბაზანაში ნებივრობს ...ახლა მოვკვდები
_მე მოვკვდები იმდენი ხანია თავს ვიკავებ თუ არ გავიცინე აქვე მოვკვდები _ ლიკუნამ იხეთქა ჯერ მერე ნიაც აჰყვა . ანა კი თვალებამღვრეულ მართას უყურებდა და არ იციდა რა უნდა ეთქვა
_სახეზე რომ შეეხედა არც უფიქრია ...იდგა ყბაჩამოვარდნილი და მის საზარდულს არ აშორებდა თვალს . ხამი ნუუ
_ლიკუნა მოგკლავ !
_მე ? მე რა დავაშავე როგორც იყო ისე ვამბობ ... შთაბეჭდილებების ქვეშ იყო დილიდან . ტატუც კი ახსოვდა შენს ძმას რომელიც აქვს და სახე არა
_ჯანოს მოვკლავ ...რამდენჯერ ვუთხარი სახლში ვინმე რომ რჩება გამაფრთხილე_თქო მას შემდეგ ვეუბნები რაც ვიღაც გოგო დამხვდა ვიღაც სხვა ბიჭთან ერთად საძინებელში და მაინცადამაინც წუხელ არ მითხრა
_ასეთ ნერვიულობადაც არ ღირს მემგონი
_შენ გგონია დღევანდელის შემდეგ შენი ძმა ჭკუიდან არ შემშლის?
_ნუ წუხელ უსიტყვოდ, უმოძრაოდ შეგშალა და აწი რას იზამს წარმოდგენაც არ მინდა
_ნია შენც?
_კარგით რა გოგონებო, გეყოფათ . უბრალოდ დამთხვევა იყო ...უხერხული ,თანაც ორი , მაგრამ მე მოვაგვარებ გიორგისთან . თუ არაფერს ეტყვი ისიც არ გეტყვის და მორჩა
_ცუდად გამომივიდა , მართლა
_დაიკიდე ... გიორგი მართლა ეგეთი თავხედი არ არის. გოგონებთან რომლებიც ჩემთან მეგობრობენ მითუმეტეს. ყოველთვის მეგობრობდა ჩემს დაქალებთან
_არა ნუ მაინცადამაინც შენს ძმას რომ შეუვარდა რაღაც ნიშანი მგონია
_გეყოთ რაა...გამომიჭირეს და აღარ მომეშვებიან
_სად მიდიხარ... ფრთხილად იყავი აბაზანაში რომ შეხვიდე მაინც რა იცი რა ხდება
_ამათ მოვკლავ ზღვაზე ყოფნის დროს ჩავახრჩობ და გავუშვებ თურქეთისკენ
_ხო მართლა როდის მიდიხართ?
_ხვალ წავალთ სავარაუდოდ... სასტუმრო დავჯავშნეთ და გავეშურებით საყვარელ ზღვაში სანებივროდ...
_შენ როდის ბრუნდები სოფელში და დატოვებ ცივილიზაციას
_არ ვიცი... მეც ალბათ ხვალ ან ზეგ . ახლა წავალ, საღამოს მოგწერთ მისამართს და დაგელოდებით
_აუ ვინები იქნებიან იცი ?
_თარაშის მეგობრები ალბათ...ყველას იცნობთ თქვენ. თარაშმა ნორმალურად გავიცნობ გოგონებსო და თავად დაგპატიჟათ
_საყვარელიი ... ჩვენც დიდი სიამოვნებით შევისწავლით სიძეს როგორია
_საღამომდე

გოგონები დატოვა და ქუჩას ფეხით გაუყვა. გიორგის თავად დაურეკა და შემდეგ მის სანახავად წავიდა
_როგორ მოიქეცი გიორგი ? კარგად გაერთე?
_არ მიცნობს ტიპშა და ჩემზე ისე ლაპარაკობს რა პონტია?
_ჯანოს რომ იცნობ? სად გაიცანი
_აღარ მახსოვს...წლებია ვიცნობ და იმ სახლშიც ბევრჯერ დავრჩი ეგ გადმოცხოვრებულა ახლა თორემ მე გასაღებიც მაქ დაჟე
_მოკლედ სად გამოჩნდები არავინ იცის ღმერთის გარდა...
_მომენატრე პატარავ
_მეც და იმედია მეტყვი სად იყავი ან თარაშმა როგორ გიპოვნა
_მოსვენება დაკარგე ხომ? ცნობისმოყვარეობა გკლავს
_მაინტერესებს
_თარაში მაბნევს იცი? უცნაური ვინმეა ... ხან მგონია რომ უნდა წამოგიყვანო , ხანაც მგონია რომ უნდა დაგტოვო
_მე იქ ვარ, მასთან და შენ ტყუილად ფიქრობ ამდენს,დამიჯერე !
_რომ გაწყენინოს და გაუბეროს ხომ იცი რასაც ვუზამ
_არაფერს გააკეთებ , ჩემი ქმარია უკვე და მორჩა. შენ არ ამბობ ცოლ_ქმარს თუ ოჯახი აქვთ იქ თავად უნდა მოგვარდნენო?
_მერე თქვენ გაქვთ ოჯახი? პატივს გცემს და უყვარხარ ? იმ სიმაღლეზე გხედავს სადაც სინამდვილეში ხარ?
_სად იყავი
_ციხეში ...
_სად? რა ჩაიდინე
_გაუგებრობა იყო , ისედაც გამომიშვებდნენ ბიჭები ოთხ თვეში , მაგრამ თარაშის ადვოკატმა ყველაფერი დააჩქარა. მისი ვალიც მაქვს ახლა , საკმაოდ დიდი თანხა გადაიხადა ჩემს თავისუფლებაში . შეხვედრაზე რომ მოვიდა , ციხეში აზრზე ვერ მოვედი რა უნდოდა , ან ვინ იყო . ყველაფერი მითხრა და ლამის შემომაკვდა . მერე დამპირდა ანაზე ვიზრუნებთო და წავიდა. თუ გამომიყვანდა ვაფშე არ ველოდი
_ციხეში იყავი მთელი ეს დრო?
_არა ... მანამდე საქმეები მქონდა
_ხო აშკარაა როგორი საქმეებიც გქონდა!
_ნუ მიბრაზდები ...
_ისევ ისე უნდა გააგრძელო?
_აბა რა გავაკეთო , მითხარი და გავაკეთებ. რა ვიცი, რა შემიძლია
_შენი მოთხოვნები რომ დაგიკმაყოფილოს ისეთს ვერაფერს გააკეთებ ... არავინ მოკლა და არ მოკვდე . სხვას არაფერს გთხოვ, აზრი აღარ აქვს უკვე. თარაშის ვალზე კი ნუ იფიქრებ
_დედოფლად დაჯექი უკვე ?
_დამსვეს და ადგომას არ ვაპირებ, ჯერ_ჯერობით მაინც.
_იმედია იმათ არ დაემსგავსები
_არ არიან ისეთები როგორიც ჩანს შორიდან ...
_ყველას აქვს თავისი ცოდვა და ერთი დიდი საიდუმლო პატარავ და თუ შენ ეს საიდუმლო იცი სიტუაციის მართვას ყოველთვის შეძლებ
_შევეშვათ ჟორდანიებს , გთხოვ
_როგორც გინდა
_საღამოს მოხვალ ჩემთან?
_არა
_რატომ
_შენი დაქალები , მისი ძმაკაცები და მე? არ მინდა ახლა ნერვები არ მაქვს
_ქალაქში დიდხანს რჩები?
_ვაპირებ და ვნახოთ თუ რაიმე არ შეიცვლება
_დარჩი ჩემს სახლში
_ის სახლი შენი არ არის და ნუ დაივიწყებ მაგას . შენია ის რასაც შენი შრომით დაგროვებული ფულით ყიდულობ
_ყოველ შემთხვევაში იმის უფლება მაქვს რომ ჩემმა ერთადერთმა ნათესავმა გამოიყენოს
_სიმართლე იცი რა არის? შენ ერთი მარტოხელა გოგო ხარ რომელიც ყველაფერს თავად აკეთებდა მაშინაც კი როცა ყველა ხელს უშლიდა , მათი თარაშისგან განსხავებით შენ ბრძოლა იცი . იმათ შენ სჭირდები და იმიტომ დაიკიდეს შენი ოჯახი თორემ რა გგონია ჩვენნაირებს დაუნათესავდებოდნენ მაგათი უფლისწული ტ*აკ*სკენ რომ არ მიდიოდეს ? დედოფლად იმიტომ გაქციეს რომ იმ ბებერ ტურას ეშინია მისი გვარი ჰაერი არ დარჩეს . შენ კი მაგათთვის ინკუბატორი ხარ და პლიუს მაგათი ბიჭი ნათელ გზას უნდა დაუბრუნო ... ვაფშე გიღირს ასეთ გაურკვეველ , განუსაზღვრელ ქაოსში თავით ჩავარდნა?
_გეყოფა რა გიორგი...
_სიმართლეს რომ ვამბობ შენც ხომ იცი...სიმართლე კიდე იცი რა არის ? თარაში ნაღმივითაა როდის და რის გამო იფეთქებს ვერ გაიგებს და მეშინია შენ არ შეგიწიროს მისმა ნაგროვებმა ბრაზმა და ტკივილმა . ზოგჯერ ისე შორს გაქვს შეტოპილი უკან დაბრუნება შეუძლებელია
_შენთვის ყველაფერი შესაძლებელია თუ უბრალოდ მოინდომებ. ხომ იცი შენს გარდა არავინ და არაფერი მაინტერესებს.
_საითკენ მიგყავს ახლა ლაპარაკი
_იქაც გქონდა წამალი?
_აღარ ვკაიფობ , გეფიცები . ჩაჯდომამდე შევეშვი ... ხომ დაგპირდი არა? მოსაწევი და მორჩა , აღარ იფიქრო მაგაზე ხო?
_მართლა თუ ჩემს დასამშვიდებლად ამბობ
_რა ვქნა ვენები გაჩვენო? _გაიცინა და პერანგის მკლავი აიკეცა_მეორეც ავიწიო თუ გჯერა
_მარტომ როგორ შეძელი
_მე მარტო არასდროს ვარ პატარავ
_ის ბიჭი ვინაა ფული რომ მომიტანა
_არ ვიცი რომელმა მოგიტანა
_რატომ არ ვიცნობ მე მაგ შენს მეგობრებს
_ჟორდანიების რძალს როგორ გავაცნობ ჩემს ხულიგან მეგობრებს
_ნუ დამცინი
_ფრთხილად იყავი და თავი არავის დააჩაგვრინო ... მე შენთან ვარ იცოდე და სულ ს*რზე დავიკიდებ მაგათ
_მშვიდად მინდა ვიყო ცხოვრებაში ერთხელ, ცოტა ხნით მაინც . მუდმივი არაფერია მაგრამ სანამ შევძლებ შევინარჩუნებ სტაბილურობას . შემდეგ ვნახოთ
_მაინც ვერ ვხვდები რა არ მომწონს მაგ შენს თარაშში ... ალბათ ძალიან ზედაპირული აზროვნება რომ აქვს და ბავშვივით გაბრაზება ეცოდინება ეგ . ვერ ვიტან ეგეთ ხალხს პრობლემა რომ რაღაც სიშტერე ჰგონიათ და ცხოვრების აზრზე არ არიან
_მართას გაუბრაზდი და შენ ხომ ზურგს უკან ლაპარაკობ
_მე თარაშსაც ვუთხარი შენნაირები არ მევასებიან და ჩემს დას რომ დაუშავო დედას გიტირებ_თქო ... ეგ მართა კიდე ძაან სწერვა გყავს
_მასთან უნდა იცხოვრო?
_იმ სახლში დავიძინებ ხოლმე ... რა იყო შენ რა ხდება გეშინია რო შემომაკვდება?
_საერთოდ არ მეცინება...ის არ დაგითმობს და სისულელის გამო ნუ მოუშლი ნერვებს
_მართას ნერვებისთვის რომ მოვიცლი სხვა საქმე და სადარდებელი აღარ მექნება
_დამპირდი რომ არ გამოიწვევ ... კარგად გიცნობ
_მაინც როგორ მიცნობ
_ჭკუას კარგავ ჟღალებზე ... ბავშვობიდან ისე უყურებ წითურებს როგორც არამიწიერ ქმნილებებს
_სამაგიეროდ საშინელი ხასიათი აქვს და ამ ეტაპზე ქალებთან მხოლოდ ს*ქსი მინდა , რაც მეეჭვება მაგან იცოდეს საერთოდ რა არის
_მაგიჟებ ასე რომ ლაპარაკობ
_შენ საკუთარ თავზე იდარდე. კაცს რომელსაც არ უყვარს ქალი ,დალშე მხოლოდ ეგ უნდა. მითუმეტეს თუ ლამაზია ეს უკანასკნელი, ბონუსად თუ შენნაირი მზერა ექნება ძალიან მეეჭვება დიდხანს გააჩერო
_თვეზე მეტია მასთან მძინავს და რა იცი რომ გავაჩერე. რომანტიკოსი რომ არ ვყოფილვარ არასდროს ხომ იცი...არც ზედმეტად სენტიმენტალური
_გეყოფა ახლა თორემ ცუდად გავხდები ხომ იცი მაგ თემის გარდა ყველაფერზე შემიძლია შენთან ლაპარაკი ...
_საიდან დაასკვენი... სახეზე მეტყობა თუ სიარულის მანერაზე
_რომ გაკოცა ისე შეკრთი პირველი იყო ანა და გაიგე ის რასაც გეუბნები. ისე ეგ ამბავი რთული მისახვედრი არ არის მითუმეტეს შენ იმდენი თვალი გაკვირდება
_ახლა თავი ამტკივდება ხომ იცი და გვეყოს პრობლემატურ საკითხებზე საუბარი. რაღაც საქმეზე რომ ფიქრობდი არ გინდა დაიწყო?
_ფულს შენ მომცემ?
_ტყუილადაა ჩემს ანგარიშზე... კაბები იყიდეო და იმ ფულით ორ სახლს იყიდი
_რომ გაქვს გაწუხებს? რა იცი რაში დაგჭირდეს თანაც რომ მოხსნი ანგარიშიდან გგონია არ გკითხავენ?
_ჯერ არა და დიდხანს თუ გავაგრძელებ ფლანგვას მერე მკითხავენ. რაც არ მოხდება
_და რა იცი მე რამდენჯერ დამჭირდება ფული...არ მიცნობ?
_მე გიცნობ ეს შენ არ იცნობ საკუთარ თავს
_ვიფიქრებ ...ვნახავ თუ დამჭირდება გამოგართმევ _სიგარეტს მოუკიდა . მერე საკუთარ თითებს დახედა და ცოტა ხნით ჩუმად იყო _ისინი როგორ არიან იცი?
_ფული მისცა ამირანმა ... ჩუმად და მშვიდად იქნებიან სანამ არ გამოელევათ და მერე არ ვიცი
_ღორები _ გადააფურთხა და თავზე ხელი გადაისვა _ ის სახლშია ნეტავ თუ თავის საყვარელთან მოტყდა
_წავიდოდა
_მარტო ხო არ იგულავებდა ... გულს მირევს
_შეეშვი ... ორივეს
_თვითონ არ შემეშვებიან ფული რომ გამოელევათ და ამირანი მოიშორებს , შენთან ვერ მოვლენ და მიპოვნიან
_უარი უთხარი
_იმედია გამომივა , მაგრამ მოკვდება ის. მეორე წავა ვინმეს გადაუშლის და მერე კუჭს ამოივსებს ... მგონია რომ ერთ დღეს დამახრჩობს მაგათი არსებობა
_ჩვენ ვერაფერს შევცვლით მათ ცხოვრებაში ... ამიტომ საკუთარს უნდა მივხედოთ. ერთმანეთი გვყავს
_ მხოლოდ მაგიტომ ვარ მადლიერი შენი თავი რომ მაჩუქეს... სხვა არაფრის გამო