კლუბში წავიდა
მანქანა შენობის მოპირდაპირე მხარეს გააჩერა . გართობა სურდა, ვერა და ვერ მოახერხა დამშვიდება ამიტომ გადაწყვიტა რომ დალევა და ცეკვა უშველიდა.
მეექვსე დღე მიიწურა ზღვისპირა ქალაქში სტუმრობიდან. უკვე ექვსი დღე გავიდა მას შემდეგ რაც ბოლოს ანდროს დაეკონტაქტა და ეს სრული რეკორდი იყო. ბოლოს რომ იჩხუბეს და გაიქცა მეხუთე დღეს მაინც იპოვნა ნაკანმა ახლა კი არსად ჩანდა და ვერც გამოჩნდებოდა. შეიძლება ისევ საავადმყოფოში იწვა , ცუდად იყო და სიარული საერთოდ არ შეეძლო. ახლა რომ მოენდომებინა ქვეყნიდანაც წავიდოდა, გაექცეოდა იქ სადაც დიდხანს ვერ მიაგნებდა , მაგრამ შანსს არ იყენებდა.
ბართან დაჯდა, სიტუაციას გადახედა და დალევა დაიწყო. ნელ_ნელა უმატებდა დოზასა და სიძლიერეს . შემდეგ სხეულის სიმსუბუქე რომ იგრძნო და მუსიკამაც მიიზიდა ცეკვა დაიწყო. არავინ და არაფერი ადარდებდა, თვალები დახუჭა და მოძრაობა დაიწყო. წესით იქ სადღაც ანდრო უნდა ყოფილიყო, შორიდან უნდა ეყურებინა და სიტუაცია გაეკონტროლებინა ის კი გამომწვევად მოქცეულიყო, ისე თითქოდ არ ადარდებდა მისი იქ ყოფნა , შემდეგ ეჩხუბებოდა ეტყოდა რომ ნამდვილი ფინია იყო და არ შეეძლო დამოუკიდებლად ცხოვრება. ახლა სულ მარტო იყო , ვიღაცის მზერას გრძნობდა, ვიღაც მასთან ისე ახლოს ცეკვავდა თითქოს მას ეცეკვებოდა. უსიამოვნო შეგრძნებებმა შეაწუხეს. უცნაური სიმარტოვე განიცადა, თითქოს სრულიად მარტო იყო და ვერავინ დაიცავდა, ვერავინ დადგებოდა მის ზურგს უკან და მოაშორებდა ნებისმიერ თავისტკივილს, არავინ ზრუნავდა მის სიმშვიდეზე.
ბართან დაბრუნდა , ისევ დალია ერთი ჭიქა და შემდეგ მეორე მოითხოვა. ხვდებოდა რომ ზედმეტი მოსდიოდა და ჩვეულ დოზას აჭარბებდა, მაგრამ არ გაჩერებულა. ისევ ცეკვავდა, წონასწორობაც კი ერღვეოდა , მაგრამ ცეკვავდა. მერე ვიღაც უკნიდან მოეხვია მისი სუნთქვა ყელთან იგრძნო , თავიდან ეგონა რომ ანდრო იყო და იქედან წაიყვანდა მერე მიხვდა რომ სულ სხვა იყო
_ხელები მომაშორე
_მარტო ცეკვა გირჩევნია?
_მარტო ვცეკვავდი ხომ ? _შებრუნდა და წინ მარჯვენა ხელი აუფრიალა _ ქმარი მყავს , შემეშვი
_სად არის ეგ შენი ქმარი _სიმპათიური იყო უცნობი , თითქოს ნაცნობი სახეც ჰქონდა რომ გაიცინა და თვალები დააწვრილა ბავშვობის მეგობარიც კი გაახსენდა
_ჩემი ქმარი? ჩემი ქმარი სადღაც აქ უნდა იყოს მალე მოვა და თითებს დაგამტვრევს
_სანამ მოვა ვიცეკვოთ სხვამ რომ არ შეგაწუხოს _ ხელი ჩაკიდა თავისკენ მიიზიდა და მელოდიას ააყოლა სხეული
_გამიშვი_მეთქი ...არ მინდა შენთან ცეკვა
_ლიზა დამშვიდდი
_გიცნობ ?
_მიცნობ !
_შენთან ცეკვა მაინც არ მინდა...უნდა წავიდე , მეძინება
მოშორდა , რამდენიმე ნაბიჯი გადადგა და შემდეგ ჩაიკეცა.

დილით თვალები რომ გაახილა უცხო სახლში იყო . ფეხზე ვიღაცას გაეხადა , კაბით იწვა და პლედი ეხურა . თავი უსკდებოდა , ნელა წამოდგა და ფეხსაცმლის ჩაცმა დაიწყო
_დილამშვიდობისა ლიზიკო
_შენ ვინ ხარ?
_ყავას დალევ? შენთვისაა _ ფინჯანი მიაწოდა და კარადას მიეყრდნო _შენ საერთოდ არ იცვლები ხომ?
_არ მეტყვი ვინ ხარ? _ ყავა დალია და თვალები დახუჭა _კარგ ყავას ამზადებ
_მე ფსიქოლოგი ვარ
_საინტერესოა...კლუბში დადიხარ და პაციენტებს თავად პოულობ?
_მართლა არ გახსოვარ?
_ფსიქოლოგი არ ხარ?
_ვარ , მაგრამ შენი ძველი ნაცნობიც ვარ
_ალბათ შეიცვალე და თუ სახელს მეტყვი შეიძლება გამახსენდე
_არ გეტყვი , დაველოდები როდის გაგახსენდები და მერე დაგეხმარები როგორც ფსიქოლოგი
_არ მჭირდება
_ჩემი გახსენება თუ ფსიქოლოგი
_ორივე . გმადლობ ყავისთვის
გარეთ გავიდა , ეზოში რამდენიმე ნაბიჯი გადადგა მიხვდა სადაც იყო იცნო ქუჩა, ეზო, სახლი და სწრაფად შებრუნდა უკან. ბიჭი კართან იდგა და უყურებდა
_გუგა ... წარმოუდგენელია შენ და მართლა შენ ხარ ? როგორი ... რამხელა ხარ მაშინ როგორი გამხდარი იყავი და ვაიმეე გუგაა _ მისკენ წავიდა და ჩაეხუტა _ როგორ მიხარია შენი ნახვა ...რატომ არ მითხარი ვინც იყავი
_ლიზიკოო მეგონა ვეღარ გამიხსენებდი ... შენც შეცვლილხარ ქალბატონო , მაგრამ მაინც ლიზიკო ხარ _ თავზე აკოცა და მერე მზერა გაუსწორა_აბა? შემოხვალ მეორე ფინჯან ყავაზე ?
_აუცილებლად ... სახლში ყველაფერი შეგიცვლია . შენი მშობლები სად არიან...როგორ არიან
_დედაქალაქში გადაცხოვრდნენ მე კი უკან დავბრუნდი. ხომ იცი აქაური ზღვის ჰაერი მორჩევნია მთელს დანარჩენ დედამიწას
სამზარეულოში იყვნენ , ლიზა პატარა დახლთან ჩამოჯდა და იქედან უყურებდა გუგას. ყავასთან ერთად საუზმეც მიიღო და დესერტად ტკბილეულიც. გუგას ამბებს ისმენდა, სხვა ძველ მეგობრებზე ეკითხებოდა და გამოფხიზლდა კიდეც. თითქოს ბავშვობაში დაბრუნდა და ისევ ქუჩაში დაჭერობანას თამაშობდა.
_შენი ქმარი ანდრო ნაკანია
_ხო
_მეგონა თარაშს გაჰყვებოდი. ბოლოს რომ გნახეთ ერთად იყავით
_შენ მგონი ორივეს იცნობ ხომ?
_შორიდან ...
_თარაშმა ცოტა ხნის წინ შეირთო ცოლი ... მე კი უკვე მეოთხე წელია გათხოვილი ვარ . ჯანდაბა როდის გადის დრო ვერც კი ვიგებ. სრულიად უაზროდ ვატარებ ყოველ დღეს
_და ასე გაგრძელებას რამდენხანს აპირებ
_ალბათ ცხოვრების ბოლომდე ასე იქნება ... დიდი ხანია დავკარგე ცხოვრების სიყვარული , წავიდა დრო როდესაც ყველა დღე მიყვარდა . რა კარგი იყო ბავშვობა , დილით უცებ ვდგებოდი საწოლიდან მხოლოდ იმისთვის რომ დიდხანს მეთამაშა . საღამოს სიცილისგან და სირბილისგან დაღლილი ვწვებოდი და წამსვე მეძინებოდა
_ბავშვობაში ბედნიერებისთვის ცოტაა საჭირო , სურვილებიც არ გვაქვს ისეთი შესრულება რომ ვერ შევძლოთ . დიდობა რთულია ყველასთვის
_შენ ? შენ სხვის ამბებს ისმენ და საკუთარ პირადში არაფერია?
_ჩემი ადამიანი ჯერ ვერ ვიპოვნე... ძიების პროცესში ვარ.
_ასე კლუბ_კლუბ დადიხარ?
_როდესაც თავისუფალი დრო მაქვს ხო ... კლუბში ათასნაირ ადამიანს იპოვნი. მახალისებს მათზე დაკვირვება ჭიქა ვისკი და მშვიდად ჯდომა სანამ უცნობ ლამაზმანს არ ვიპოვნი ღამის სასიამოვნო დასასრულისთვის
_ყოველთვის საინტერესო იყავი და ახლაც ჩვეულ ამპლუაში ხარ . ბავშვობაშიც პატარა ფსიქოლოგს ჰგავდი
_ნეტავ ისევ ის პრობლემები გვქონდეს ბავშვიბაში რომ გვქონდა . ისეთებს ვისმენ ხოლმე ადამიანთა მოდგმა მძულს რამდენიმე წუთის განმავლობაში სანამ არ მოვიკრიბავ ძალას და ჩემში არსებულ ულოგიკო ადამიანს არ გავაქრობ
_გუგა ახლა უნდა წავიდე და აუცილებლად გესტუმრები ისევ... შეგიძლია შენც შემომიარო
_დაგელოდები

სახლში რომ დაბრუნდა უკვე შუადღე იყო. ყველამ უცნაური მზერა გააყოლა , მაგრამ ყურადღება არ მიუქცევია. იბანავა და აივანზე დაჯდა . ეწეოდა პატარა ქალბატონი რომ მივიდა
_სად იყავი წუხელ?
_საცეკვაოდ შენ რა გინდა ხუჭუჭა?
_მთელი ღამე ცეკვავდი?
_ხო
_დილითაც?
_დილით მეძინა
_სად გეძინა
_სხვასთან სახლში
_ვინ სხვასთან
_ძველ ნაცნობთან
_შენ აქაურებს იცნობ?
_ვიცნობ
_გოგოა ის ნაცნობი?
_დაკითხვაზე ვარ ?
_ეგ რა არის
_რაო რა თქვეს ჩემზე ცუდი გოგოაო? ანდროს ღალატობსო? _ სიგარეტი საფერფლეში ჩააგდო და კვამლი გამოუშვა ტუჩებშორის . მერე ბავშვს ხელი მოხვია და წინ დასვა _შენს თმებს ოდესმე ვინმე ვარცხნის?
_არ ივარცხნება
_რაო რა თქვეს? _ თმები მაღლა აუწია და კოსად შეუკრა
_ნერვიულობდნენ ...მერე იფიქრეს რომ უკან წახვედი , მაგრამ ანდრომ თქვა არ დაბრუნებულაო და
_ანდრომ? ანდროს დაურეკეს?
_ხო ... გაბრაზდი?
_არა ...მერე რაო ჩამოვალო?
_მხოლოდ ის თქვა აქ არ არისო და მოვაო . მერე გათიშა, მე რომ დავურეკე ვიღაც გოგო ეძახდა
_რას ეძახდა
_სახელი დაუძახა და მერე გამითიშა ანდრომ სხვა დროს დაგირეკავო მითხრა და ვერ მოვუყევი აქ რომ ვცხოვრობთ
_არ მოუყვე ეგ ხო?
_კარგი არ მოვუყვები
_დარეკვას რომ გადაწყვეტ ჩემთან ამოდი და აქედან დაურეკე
_კარგი
_ასე გიხდება თმა ... ლამაზი ხარ _ ლოყაზე აკოცა და მერე თავზე გადაუსვა ხელი _მოიტან ლამარას ტელეფონს და დაურეკავ ანდროს?
_მოვიტან
მალევე დაბრუნდა და მის გვერდით დაჯდა . ლიზამ გააფრთხილა მე აქ არ ვარო და მანაც ყველაფერი გაიგო
_გისმენ ლამრო
_მე ვარ , ლამარა ბებოს ტელეფონი მოვპარე
_ლილე კიდევ ვერ მოიშალე ეგ ჩვევა?
_ხმაზე რა გჭირს?
_მგონი გავცივდი
_ახლა ? რა დროს გაციებაა
_ხმა დავკარგე ...ბევრი ნაყინი ვჭამე
_შენ რო ნაყინი არ გიყვარს?
_შემიყვარდა შარშან იმდენი მაყიდინე
_არაფერიც , ნუ მატყუებ თორემ გაგიბრაზდები და არაფერს გეტყვი ლიზიკოზე
_ლიზიკო არ დაუძახო თორემ გაგიბრაზდება
_არ გამიბრაზდება ...ლიზიკო კარგია . ბაბუასგან დაგვიცვა
_ბაბუა იყო მანდ? როდის მოვიდა ...აქამდე რატომ არ დამირეკე . რაო რა უნდოდა
_სახლიდან გამოგვაგდო...მე ვიყიდეო. კარგად ვერ გავიგე, დედას ეჩხუბა და მერე ...მერე ლამარა ბებომ წამოგვიყვანა . _ ლიზამ თვალები რომ დაუბრიალა გადააკეთა _ მანდ ცხოვრობთ ახლა?
_ხო ... აქ ვართ მთელი კვირაა
_ლილე ამდენ ხანს როგორ არ დამირეკე
_ლიზამ თქვა ზურგი ტკივაო და არ მინდოდა შემეწუხებინე
_ხვალ ჩემს მეგობარს გამოვგზავნი დედას ნახავს და ყველაფერს მოაგვარებს შენ არ ინერვიულო ხო?
_არ ვნერვიულობ ... აქ კარგად ვართ , მართლა
_ის მოვიდა თუ ისევ არ დაბრუნებულა
_მოვიდა
_მერე?
_მერე დაწვა და დაიძინა
_ლამარას უთხარი მაგარი ყავა მოუმზადოს დიდი ფინჯნით უშაქრო და აუტანოს რომ გაიღვიძებს . არ იხმაუროთ თორემ გაბრაზდება
_შენც გიბრაზდება ხოლმე?
_მე ხო...როცა ვაბრაზებ მეც მიბრაზდება _ ჩუმად თქვა . ხმაზეც ეტყობოდა რომ რაღაც აწუხებდა . ცუდად იყო და კარგად იცოდა ლიზამაც.
ბავშვი დიდხანს ელაპარაკებოდა , ათასი რამე მოუყვა და ისიც ბოლომდე უსმენდა. ერთვებოდა და ბევრს აცინებდა
_ანდრიკოო
_ჰო
_გინდა შენს მაგივრად ვაკოცო ლიზიკოს?
_აკოცე ხო , ოღონდ არ უთხრა რომ ჩემგანაა
_შენ არ ჩამოხვალ ?
_მე არა
_ლიზიკო უშენოდ ვერ ისვენებს
_მე კი მგონია რომ პირველად ისვენებს ... ახლა უნდა გავთიშო ლილე მე ექიმი მეუბნება რომ უნდა დავისვენო
_ექიმი? _ლიზას წამოსცდა და ანდრომაც მაშინვე გაიგო _ ლილე ვინმეა მანდ?
_მე ვარ ... ქალბატონი სხვისი მობილურით სარგებლობს და თურმე ჩემზე გელაპარაკება . საავადმყოფოში ხარ შენ ისევ?
_არა ... სახლში მოიყვანა ექიმი ლალიმ . როგორ ხარ
_შესანიშნავად ... რომ ვიცი უცებ არ დამადგები და არ მომიშხამავ ხასიათს თავისუფლებას ვგრძნობ. როცა მინდა სადაც მინდა და რამდენ ხანსაც მინდა იქ მივდივარ , ვისაც მინდა იმას ვხვდები და არაჩვეულებრივად ვარ . იმედია დიდხანს იქნები კიდევ უძლური
_ჩემი უძლურება აღარაფერს შეცვლის , რომ გამოვჯანმრთელდები მერეც ისე იქნება როგორც გინდა
_მაშინ უნდა მოკვდე
_მოვკვდი უკვე ... ისიამოვნე ცხოვრებით და ნახე როგორია როდესაც მე არ ვარ _ გაუთიშა და დატოვა ლიზა ტელეფონით ხელში. აივნის კიდესთან იდგა და ტელეფონს უყურებდა
_ღმერთმა დაგწყევლოს ახლა რაღა მოიგონე...უშენოდ თორემ შენს გარეშე სუნთქვა არ შემიძლია...იდიოტი !_ ბავშვისკენ წავიდა და ტელეფონი მიაჩეჩა _ დაუბრუნე ლამარას და მეტჯერ აღარ მოხვიდე ჩემთან . ხომ გყავს ანდრო ხოდა დაჯექი და ელაპარაკე , ანდაც შენი ასაკის ბავშვები ნახე დამიჯერე სჯობს პატარა დარჩე
_შენ ცუდი ხარ !
_ვითომ რატომ ... _ გაბრაზებულ ბავშვს ზემოდან დახედა და წარბები შეკრა
_ანდროს ცუდად ელააპრაკე...არ უთხარი რომ გიყვარს. არც ის უთხარი მომენატრეო, არც ის გითქვამს მალე ჩამოვალო ...შენ გამოა ანდრო ცუდად . შენ ბორიტი ხარ და ანდროს არ უნდა უყვარდე . აღარასდროს დაგელაპარაკები _ შეუბღვირა და სწრაფად გაიქცა
_პატარა მეტიჩარა... დიდი რომ ჰგონია თავი ნეტავ შენ რა იცი რომ მენატრება ან მიყვარს . სულელი ...ყველანი ნერვებს მიშლით დასვებებასაც არ მაცლით _ ხმამაღლა ლააპრაკობდა მერე ჩანთა აიღო და სახლი დატოვა.
კიდევ გავიდა ორი კვირა ლიზას კი სიმშვიდის არაფერი ეტყობოდა. ლილეც აღარ ელაპარაკებოდა , მას როგორც კი დაინახავდა მაშინვე ზურგს აქცევდა და იმალებოდა ან გარბოდა.
ანდრომ დაპირებისამებრ გაგზავნა ვიღაც , ადვოკატი დაუქირავა და სასამართლოს მოლოდინში იყვნენ ყველანი.
მის შესახებ ვეღარაფერს იგებდა, ისე კი არსად ჩანდა . სულ ელოდა რომ გამოჩნდებოდა, მაგრამ უშედეგოდ
_ბედნიერი არ ხარ მარტოობით
_ბედნიერი როგორ უნდა ვიყო გუგა ის ადამიანი დავკარგე ვინც მიყვარდა
_გიყვარდა ...
_მიყვარს და სულ მეყვარება
_ან იქნებ გიყვარდა ... ძლიერ გიყვარდა, მაგრამ აღარ გიყვარს
_აბა ვინ მიყვარს ის არაკაცი?
_აუცილებელია რომ ვინმე გიყვარდეს? მოდი უბრალოდ თარაშზე ვისაუბროთ არ გინდა?
_ფსიქოლოგი ნუ ხდები ...ჩვეულებრივი ადამიანივით მელაპარაკე
_მე მგონია რომ თარაში აღარ გიყვარს...არ ვამბობ რომ არ გიყვარდა. ის შენი პირველი სიყვარული იყო, ლამაზი, მამაცი , ჭკვიანი ბიჭი რომელიც მარტივად შეიყვარე და თავს დააჯერე რომ ის იყო ერთადერთი
_ერთადერთია და მისი მსგავსი არავინაა ...ის არასდროს გააკეთებდა ისეთ რამეს რაც მე მატკენდა
_მან შენზე უარი თქვა ლიზა
_მე ვუთხარი რომ ანდრო მიყვარდა , გული მოვუკალი. გავანადგურე
_გიფიქრია იმაზე ანდრო რას გააკეთებდა მის ადგილას? მისი რომ ყოფილიყავი და ერთ დღეს გეთქვა ის კაცი მიყვარს რომელსაც ზედაც არ ვუყურებდიო
_მაგით რა გინდა მითხრა
_მე არაფერი ...უბრალოდ როლები გაცვალე და წარმოიდგინე რას გააკეთებდა ანდრო
_არ გამიშვებდა...თარაშს მოკლავდა და მეტყოდა რომ ფეხებზე ეკიდა ყველაფერი რომ მე მისი ვარ და კიდევ არ ვიცი რა , მაგრამ არ გამიშვებდა იმიტომ რომ ველურია, ეგოისტია
_თარაშმა მაშინვე დაგთმო არა? ისაუბრეთ მას შემდეგ ? ოდესმე უკუთხავს რატომ ან როდის შეგიყვარდა ჩემი მამიდაშვილიო?
_არა...იმ დღის შემდეგ რომ დამინახავს მგონია რომ ჩემი მოკვლა უნდება და სისხლში საწამლავი ერევა ... ის მე არასდროს მომისმენს და ვერც ვეტყვი სიმართლეს
_რატომ ვერ ეტყვი ...შენ ხომ მსხვერპლი ხარ
_ანდროს მოკლავს ... აუცილებლად მოკლავს . თარაში არაა მკვლელი, მაგრამ რომ გაიგოს ყველაფერი ანდროს არ აცოცხლებს
_და შენ ? შენ დაგიბრუნდება ანდრო რომ მოკვდეს? აი ერთ დღეს ანდროს რამე რომ დაემართოს და აღარ იყოს თარაშს რომ უთხრა სულ მიყვარდი და მეყვარებიო ანდროსთვის ცოლობა არ გამიწევია, დაგიბრუნდება?
_მას ცოლი ჰყავს უკვე
_დაივიწყე მისი ცოლი...არ ამბობდი ვიღაც მათხოვარიაო?
_რა მნიშვნელობა აქვს ვინ არის... ლამაზია , თან ძალიან ლამაზია , ამაყი და რაღაცნაირი თითქოს უგვირგვინო დედოფალია . როგორიც არ უნდა იყოს თარაში მას არ დაამცირებს
_ლიზა არ მპასუხობ მაინც ... თარაში ხომ მარტო იყო აქამდე . შენ რომ გეთქვა სიმართლე თარაში მიგიღებდა და ბედნიერი იქნებოდი?
_არ ვიცი ... ალბათ ვერ შეძლებდა ყველაფრის დავიწყებას . მაშინ ოჯახზე უარის თქმა მოუხდებოდა. ყველაფრის დატოვება და იმ წლების დავიწყებაც
_მერე რა ... შეყვარებული კაცი ამაზე წავიდოდა. ხელს ჩაგკიდებდა და წავიდოდა ყველასგან შორს. ამაყად იტყოდა ის ჩემი ცოლია და არავინ შეეხოთო . თარაშსაც გაეკეთებინა იქნებ ეს ...
_არ ვიცი ... მე არასდროს ვეტყვი სიმართლეს
_ანდროს როგორი ურთიერთობა აქვს ოჯახთან ...ისიც ხომ მათი შვილიშვილია თუ თავიდანვე შორს იყო ოჯახიდან
_არა , ანდრო სულ მათთან იყო . ერთად იზრდებოდნენ. მეტიც თარაში ამბობდა ბაბუას ჩემზე მეტად უყვარსო , მაგრამ ახლა არავის ხვდება . მას შემდეგ რაც თქვა ლიზა მიყვარსო ყველა დაკარგა. დედამისსაც არ ელაპარაკებოდნენ თავიდან. სრული კოშმარი იყო , ლალიც ეჩხუბა . სულ ცუდად იყო , ყველა დავკარგეო ეუბნებოდა და ახლაც ეუბნება
_მერე რა გააკეთა ანდრომ
_ლალის უთხრა ლიზა ჩემი ცოლია , მის გარდა არავინ და არაფერი მაინტერესებს და შენ თუ იქნები მისი ცუდად ყოფნის მიზეზი შენს სახლში აღარასდროს მოვალო. ლალის არ მოვწონვარ , მაგრამ მას შემდეგ სულ თავს იკავებს
_სხვები როგორ გხვდებიან ერთად რომ ჩნდებით
_ყველა ჩურჩულებდა, ყველა ჭორაობდა. ძირითადად მე მაბრალებდნენ ყველაფერს ორივეს ერთად ხვდებოდა და ახლა ანდროს შეეტენაო არ უნდოდა ამდენი უფროსი ჰყოლოდა ნაკანს კი ყველაფერი თავისი აქვს და პირდაპირ დედოფლად დაჯდაო ...კიდევ ათას სისულელეს ამბობდნენ. მე არ მადარდებდა მათი სიტყვები , ის კი სულ ჩხუბობდა. მეგობრებიც კი დაკარგა , ერთ_ერთი ისე სცემა თვალებიდან არ ამომდის მისი სახე. ამ წლების განმავლობაში იცი რამდენჯერ იჩხუბა? მერე მკიდებს სისხლიან ხელებს და მივყავარ . თუმცა ახლა აღარავინ არაფერს ამბობს ეშინიათ ...მგონი აღარ დარჩა კაცი ვინც არ სცემა . ავადმყოფია ხომ გეუბნები
_ლიზა ...ნუთუ ვერ ხედავ
_რას ვერ ვხედავ ცხოველი რომაა?
_სულ ასე ჩხუბობდა? სულ ეჩხუბებოდა მეგობრებს, დედას, ოჯახის წევრებს ? სულ ასეთი უხეში იყო ? უხასიათო და ველური ?
_არა ...არ იყო. ადრე სხვანაირი იყო . თარაშს ძალიან უყვარდა, თარაშზე ერთი წლით დიდია და მაინც უფროს ძმას ეძახდა. სანამ გამაცნობდა მითხრა ერთადერთია ვისაც თვალდახუჭული ვენდობიო მან კი ...მან რა გააკეთა . მეც გამანადგურა, თარაშიც და საკუთარი თავიც_ სახე ხელებში ჩამალა და დიდხანს იჯდა ჩუმად _მეზიზღება და ამას ვერაფერი შეცვლის
_მას კი სიგიჟემდე უყვარხარ, იმდენად უყვარხარ რომ ყველაფერზე უარი თქვა, საკუთარ თავზეც კი . ყველაფერი დაკარგა იმ ერთი თავშეუკავებელი ქცევის გამო. იმ ერთ საღამოს , ერთი სისულელით დაკარგა ყველაფერი რაც ცხოვრებაში გააჩნდა და რა მიიღო სანაცვლოდ . წამება და მეტი არაფერი . საყვარელი ქალი რომელსაც ეზიზღება, დედა რომელიც გააუბედურა , ძმა რომელსაც მისი მოკვლა უნდა , ოჯახი რომელიც არაკაცად თვლის, რომელიც ნანობს ყველაფერს რაც მისთვის გაუკეთებია. მეგობრები რომელსაც სულელი ჰგონიათ. სხვა რა მიიღო მეტყვი ლიზა? იჩხუბა ყველასთან ვინც კი შენზე ცუდს ამბობდა . მოიშორა ყველა და ყველაფერი რაც შენ გაბრაზებდა . თავსაც კი იკლავდაო ხომ თქვი ლიზა ... მეტი რა უნდა გააკეთოს კაცმა , მე ვერცერთს გავაკეთებდი ალბათ. არ ვიცი იცი? რომ გისმენ წარმოვიდგენ მის ადგილას თავს და ვერ ვხვდები როგორ უძლებს ამ სიმძიმით
_გუგა ... შენ მას ამართლებ?
_მეცოდება ლიზა ... ძალიან მებრალება . იმაზე მეტადაც კი ვიდრე შენ...საერთოდაც შენ შესაცოდებელი არაფერი გაქვს იცი? ახლა რომ წახვიდე უთხრა გეყრებიო , მგონია რომ გაგეყრება იმიტომ რომ დაღლილია , მგონია რომ უკვე დანებდა იცი? ყველა რესურსი ამოწურა და ალბათ ახლა ფიქრობს რომ მოკვდეს ლალის რა უნდა მოუხერხოს თორემ ის ახლა ისე მძიმედაა რომ იცოდეს გულიდან ჭრილობას მოგაშორებს მოკვდება
_არ მინდა შენი მოსმენა...შენც კაცი ხარ და ალბათ ყველა კაცში ცხოვრობს მისნაირი ცხოველი ოღონდ გაღვიძება სჭირდება. სიტუაცია და ბიძგი სხვა არაფერი
_შენ ვერასდროს გათავისუფლდები ლიზ... თარაშმა რომ გაპატიოს მაინც ვერ გათავისუფლდები . საკუთარი თავის გარდა ვერავინ და ვერაფერი იმოქმედებს შენს ბედზე . ახლა მგონია რომ დაბრმავდი ბრაზს, ტკივილს და სიძულვილს ყვები . ეს ყველაფერი იკავებს შენს სულსა და ხორცს ... შენ ასეთი არ იყავი ლიზ
_მე უნდა წავიდე ... კიდევ თუ ვილაპარაკებ ძალიან ცუდად გავხდები
_წახვალ ანდროს სახლში, დაისვენებ ანდროს ფულით , ჩაიცვამ ანდროს ფულით. ისიამოვნებ ანდროს უბედურებით და მოიქცევი ცისფერსისხლიანივით იმ ადამიანებთან ვისაც შენი მოსამსახურის სტატუსი აქვს . ივლი თავაწეული , წარბებშეკრული და მერე რა იქნება ლიზ
_გუგა ნუ მელაპრაკები ასე
_რომ გელაპარაკო რა ... მე შენი დაქირავებული პირი არ ვარ. უბრალოდ როგორც ფსიქოლოგი აქ ნათქვამს ყველაფერს ამ კედლებში დავტოვებ რასაც მინდა იმას გეტყვი . დროა გონს მოხვიდე, გაარკვიო ყველაფერი და შეეშვა სიძულვილით საკუთარი სულის დამახინჯებას
ფეხით დადიოდა სანაპიროზე, უკვე ღამე იყო და ბევრი ხალხიც არ ირეოდა. ყველაფერი თანმიმდევრობით დაალაგა ტვინში , გუგას სიტყვებიც ისე ესმოდა თითქოს გონებაში ჰქონდა ჩაბეჭდილი . არავინ არასდროს არ მოქცევია ისე როგორც ანდრო , ახლა მის გარდა არავინ ჰყავდა . არავინ არასდროს ისე არ უფრთხილდებოდა როგორც ანდრო, მაგრამ ყველაზე მეტად თავად უშავებდა .
სახლში გვიან შევიდა. ლამარა ეზოში იჯდა და რაღაცას ქარგავდა
_ქალბატონო
_იჯექი ... არაფერი მინდა
_კარგად ხართ?
_შენ ? შენ როგორ ხარ გავიგე ფეხი გტკიოდა. იყავი ექიმთან?
_წავალ როცა შევძლებ აუცილებლად
_ფული თუ არ გაქვს მოგცემ არ მოგერიდოს ... ჩემს წასვლას ნუ დაელოდები ერთი დღე არაფერს შეცვლის ხვალ მიდი . თუ აქ არ არიან კარგი ექიმები თბილისში წამომყევი რომ წავალ
_არა ქალბატონო თქვენ როგორ შეგაწუხებთ ისედაც რამდენს აკეთებთ ჩემთვის...
_არ მოგერიდოს , მართლა მე არ შევწუხდები _ სახლში შევიდა . ბოთლით ღვინო და ჭიქები გაიტანა _ შენ დალევ?
_არა ... მე არ ვსვამ
_ხშირად ქარგავ ხოლმე?
_ახლა ხედვა მიჭირს თორემ ადრე დღეში რამდენიმეს ვაკეთებდი
_ეგ ბალიშისპირია?
_დიახ
_ვისთვის აკეთებ
_ბავშვებისთვის...ანდროსაც უყვარდა ჩემი მოქარგული ბალიშები. რაღაც მანქანა ჰქონდა ბავშვობაში და მთხოვა ბალიშზე ამომიქარგეო და სულ იმაზე ედო თავი
_კიდევ რა უყვარდა ანდროს
_უცბაური ბავშვი იყო რომ შეიყვარებდა მერე გულიც რომ ტკენოდა მაინც დაიცავდა. ძაღლი გვყავდა ეზოში , სულ ეფერებოდა, უვლიდა და ერთხელ უკბინა . ძალიან ტკიოდა ლალი გაგიჟდა მან კი მაშინვე ტირილი შეწყვიტა და ძაღლს გადაეფარა . იპარებოდა და აჭმევდა, ეშინოდა, მაგრამ მაინც მიდიოდა. რომ გაბრაზდებოდა სულ მარტო ყოფნა უყვარდა, თარაშსაც კი ტოვებდა და შორს გარბოდა. ერთხელ სხვენზე ვიპოვნე შემთხვევით თურმე ფანჯარაზე იჯდა და ზემოდან უყურებდა ყველას როგორ დაეძებდნენ. ყოველთვის ემოციური იყო ლალი ძალიან უყვარდა და მას რომ რამე აწუხებდა სულ ცდილობდა გაემხიარულებინა .
_არ ჩხუბობდა ხოლმე?
_ცოტა რომ წამოიზარდა მერე, მაგრამ სულ ვიღაც სხვის გამო ეხვეოდა შარში. რა ვიცი მშვიდად იჯდა რამეს კითხულობდა ან ბურთით თამაშობდა და მერე უცებ გავარდებოდნენ ორივენი . ან თარაში მიდიოდა და მერე ისიც მიჰყვებოდა . მახსოვს ერთხელ ცხვირი გაუტეხეს თარაშს და თვითონაც მაგრად მოხვდა . ლალი რომ დასჯიდა მთელი კვირა ხმას არ იღებდა. თითქოს ენა ჩაყლაპაო . ერთხელ ისე წავიდა არაფერი თქვა და დამიწერა მომენატრები ლამროო .
_ძალიან გიყვარს ხომ?
_ მე საერთოდ ბავშვებზე ვგიჟდები და ჩემს თვალწინ ვინც იზრდება შვილებივით მყავს
_შენ არ გყავს შვილები? _პირველი ჭიქა დაცალა და მეორედ გაავსო
_ერთი ვაჟი მყავს , მაგრამ წლებია უკვე საბერძნეთშია ცოლ_შვილთან ერთად. ბავშვებს ტელეფონიდან ვიცნობ
_რატომ შენც არ წახვალ ... გადაფრინდი ცოტა ხნით და მერე დაბრუნდი
_არ ვიცი , რძალს ნორმალურად არც ვიცნობ იქნებ არც გაუხარდეთ მოხუცის დანახვა თორემ ბილეთის ფული კი მაქვს
_სჯობს წახვიდე , გაიცნო და თუ ნახავ რომ სწერვა რძალი გყავს ცოტა მალე დაბრუნდი და არ მოაშლევინო ნერვები...ბოლოს და ბოლოს მე მიძლებს ლალი და შენი რძალი ვინ იქნება ასეთი _ გაიცინა და ისევ მოსვა ღვინო _ იცი ძალიან , ძალიან რთულია როცა ცუდი ხარ. ბევრად მარტივია ცხოვრება როდესაც კარგი ხარ ... სულიც მშვიდად გაქვს
_თქვენ ცუდი არ ხართ ქალბატონო
_როგორ არ ვარ... პროტესტის ნიშნად ისეთად ვიქეცი რომ ვერ ვიტანდი ვერასდროს. არა მე სულ რთული ხასიათი მქონდა, მაგრამ ახლა საკუთარ თავსაც ვაჭარბებ
_თუ ხედავთ საკუთარ პრობლემას მაშ მოაგვარეთ
_არ მინდა, არ მინდა მოვაგვარო. რომ ვიტანჯები , რომ ვერ ვისვენებ მომწონს
_რას ამბობთ
_უცნაურია ხომ? ლამარა დეიდა თქვენ გახსოვთ ადროს პირველი სიყვარული?
_მახსოვს
_მართლა? ანუ ბავშვობაშიც უყვარდა ვინმე და დათმო?
_ათი ან თორმეტი წლის იქნებოდა სახლში ხვეულთმიანი თოჯინით რომ დაბრუნდა. გამიკვირდა და ვკითხე ეგ თოჯინა საიდან მოიტანე_თქო და მითხრა ჩემი არ არის , მისი პატრონი უნდა ვიპოვნო და დავუბრუნოო. მთელი კვირა იპარებოდა სახლიდან და იმ ბავშვს დაეძებდა. მაშინ მარტო იყო აქ და ლალისაც ეგონა ბავშვებთან სათამაშოდ დადისო ის კი ვიღაც უცნობ გოგონას დაეძებდა . სანაპიროზე უნახავს , ნაყინს ჭამდა და ხელით თოჯინა მიჰყავდაო . მე შორიდან ვუყურებდი ყველას და დავინახე ბავშვებს რომ ჩამორჩაო. ვერავინ დაინახა , ტირილი დაიწყო და თოჯინა ძირს დააგდოო. სწრაფად გაიქცა და დაწევა ვერ მოვახერხეო. გამიკვირდა შორიდან დანახული გოგო როგორ მოგეწონა_თქო და მითხრა მანამდეც ხშირად ვხედავდიო , გრძელი ნაწნავები აქვს და ხმამაღლა იცინისო. სულ ნაყინს ჭამს და ტუჩები ყოველთვის ესვრებაო ...
_იპოვნა ის გოგონა?
_ვერა ...მერე ლალიმ წაიყვანა. თოჯინა კი აქ დატოვა. დღემდე სხვენზეა მგონი ის ხუჭუჭა ნაჭრის კუკლა...
_საერთოდ აღარ უნახავს ის გოგო?
_არ ვიცი... მერე რომ ჩამოდიოდნენ თარაშაც უთხრა რაღაც დიდები იყვნენ უფრო , მაგრამ მე არ მინახავს ის გოგო. მხოლოდ ის ვიცი რომ ეუბნებოდა ვიპოვნეო. რომ ვერ გაიცნო ვიცი, ერთად არ ყოფილან თორემ მეც ვნახავდი აუცილებლად
_სხვა არაფერი გახსენდება ? მარტო ბავშვობაში ჰყავდა ვიღაც უცნობი გოგონა? შეყვარებული არ ჰყოლია?
_ანდრო სულ მოსწონდა ვიღაცას...14_15 წლისები იყვნენ რომ ჩამოვიდოდნენ და ყირაზე იდგა ყველა, მაგრამ ანდროს რომ ეფიქრა ისეთი არავინ იყო . თქვენ ვინმეზე ხომ არ ეჭვინობთ
_არა ... ეჭვიანობა ჩემი საქმე არ არის. სამწუხაროდ თუ საბედნიეროდ ზუსტად ვიცი ჩემზე მეტად არავის შეიყვარებს... წავალ ახლა მე , დავწვები შენ კი დიდხანს ნუ დარჩები, ცუდი განათებაა აქ და თვალები გეტკინება
ბოთლიც აიღო და წავიდა.
საძინებელს გვერდი აუარა სხვენისკენ დაიძრა. ხის კარი გააღო და მტვრიან ოთახში შევიდა. ყველაფერი გადაქექა და ბოლის სკივრში ანდროს ნივთებთან ერთად იპოვნა თოჯინა, საყვარელი ხვეულთმიანი თოჯინა რომელსაც წლების განმავლობაში მისტიროდა. რომელიც ბევრ ფოტოზე იყო მასთან ერთად და რომელიც სულ ახსოვდა.
იატაკზე დაჯდა თოჯინას უყურებდა და ცრემლებით ენამებოდა ლოყები . დიდხანს ტიროდა , მერე ქვემოთ ჩავიდა, თოჯინასთან ერთად დაწვა და მობილურზე ნაცნობი ნომერი აკრიფა. მთვრალი იყო და ისევ სვამდა სანამ ხმა არ გაიგო
_ანდრო
_ჰო
_როგორ უძლებ?
_სიბოროტეს რომელიც ჩემშია?
_არა ... არა ანდრო შენ , ტკივილს როგორ უძლებ
_აღარ მტკივა ... გამოვჯანმრთელდი
_და მაინც
_გიყურებ, გისმენ ან გგრძნობ როგორმე და მერე შვებას განვიცდი . დაიძინე ელიზაბეტ , მთვრალი ხარ და უკვე ძალიან გვიანია.
_დავაგვიანე?
_შენ არა, მე კი
გაუთიშა ისევ, მერე როგორ ჩაეძინა ვერ გაიგო. დილით თოჯინასთან ჩახუტებულს გაეღვიძა და მიხვდა რომ იქ დარჩენა აღარ სურდა.
გუგასთან ისევ მივიდა, მძინარეს დაადგა თავზე , საწოლზე დაჯდა და ლაპარაკი დაიწყო
_ამოჩემებული ვყავარ ან მართლა სიგიჟემდე ვუყვარვარ, ბავშვობიდან . წლების წინ გამიცნო, ჯერ კიდევ მაშინ საყვარელი ნაწნავებიანი გოგონა რომ ვიყავი და ამ ნაწნავებზე დიდი ბანტები მქონდა დამაგრებული . უბრალოდ ვერასდროს დამეწია. ვერ დამიჭირა,ვერ მოვიდა ჩემამდე . თარაშმა როგორც კი დამინახა მაშინვე შებმა დამიწყო და მეც იმ დღესვე დავიკერე იმიტომ რომ გავგიჟდი მასზე. მერე თარაშმა ჩემი თავი გააცნო და იცი მე გამახსენდა მისი დიდი ყავისფერი თვალები იმ წამს როგორი გაფართოებული იყო , დაიბნა და სულ რამდენიმე წუთს დარჩა ჩვენთან. ბრმები ვიყავით მეც და თარაშიც. თარაში დასანიშნად რომ მოდიოდა მან შეარჩევინა ბეჭედი...ის არ აპირებდა ქორწილის ჩაშლას, არც ჩემი და თარაშის დაშორება უნდოდა. ის მიემგზავრებოდა... ლალიმ მითხრა ერთხელ ის ღამე რომ არა ჩემი შვილი მეორე დღეს გაფრინდებოდა და მეც მასთან წავიდიდიო . იმ ღამეს უბრალოდ დამშვიდობება უნდოდა , მაგრამ ვერ მოახერხა . სუსტია და იმიტომ ! ღმერთმა დასწყევლოს მაგ სისუსტისთვის , მხოლოდ ჩემთან რომ იჩენს და ყველა სხვასთან ასმაგად ძლიერია
_დილის რვა საათია , ახლა რომ ხედავდეს ანდრო ნაკანი როგორ ზიხარ შიშველი კაცის საწოლში და უყვები ამ ამბავს მეც აქვე მომკლავდა და შენც
_არ გესმის? ანდროს ბავშვობაშიც მე ვუყვარდი...თარაში სანამ გამიცნობდა მანამ მიცნობდა . მოუყვა კიდეც ჩემზე თარაშს უბრალოდ ვერ გამაცნო ... სხვაგან სულ სხვა დროს გადავეყარეთ ერთმანეთს . ჩემი საყვარელი თოჯინა გახსოვს?
_შენი აზრით ?
_მას ჰქონდა...10 წელზე მეტია ინახავს და სულ ახსოვს
_ახლა რა ... გებრალება?
_არ ვიცი, უბრალოდ ვხვდები რომ ყველაფერი მის წინააღმდეგ აეწყო . ეშმაკმა მისთვის მოიცალა და მისი ცხოვრება ჯოჯოხეთად აქცია
_შენც გინდა რომ ბოლომდე ასე იყოს?
_მე მისი ანგელოზი ვერ გავხდები
_აშკარად უფრო ალქაჯი ხარ ... ვიდრე ანგელოზი
_გუგა !
_იქნებ მიხვდე და წახვიდე
_მართლა შიშველს გძინავს?
_მაგას არ ვამბობ... საერთოდ ქალაქიდან წასვლაზე გეუბნები ადამიანო
_უკვე კარგადაა...რამდენიმე დღეში დავბრუნდები და მისი წამებით გართობას განვაგრძობ
_მან ხომ შენი ცხოვრებიდან გაქრობა გადაწყვიტა
_ჩემგან შორს ვერ იქნება ...ბოლოს მაინც იფეთქებს და შემახსენებს რომ ჩემი ქმარია
_იმედია დამირეკავ ხოლმე
_აუცილებლად... ახლა კი წავედი. მადლობა რომ მისმენდი და მელაპარაკებოდი_ ლოყაზე აკოცა და მისი სახლი დატოვა .
..............
რამდენიმე კვირა ისე გავიდა რომ ანას ფაქტობრივად ვერც ხვდებოდა. ქალბატონი ჟორდანია თავისუფლად დადიოდა ყველგან და ისე ცხოვრობდა თითქოს თარაში საერთოდ არ არსებობდა. ისიც მისგან შორს იყო , ბიჭებთან ერთად ატარებდა დროს , მაგრამ მაინც ვერ მშვიდდებოდა.
_რა დაგმართა იმ ჯადოქარმა ტო
_რა გინდა მიშო ? როდის იყო შენსავით ყველასთან წვებოდა...ვიღაც ისეთს ელოდება ძალიან რომ დააინტერესებს
_არ მოგწყინდათ?
_ვაფშე არა...აი თითქოს ჩვენთანაა და ის მაინც არ არის ვინც გავუშვით
_ისეთი ვერ დავბრუნდები ვერასდრის და გეყოთ ჩემზე ლაპარაკი ... _სავარძელში იყო კომფორტულად მოკალათებული და კოქტეილს წრუპავდა. თან მოცეკვავე წყვილებს აკვირდებოდა და ბიჭებს აბრაზებდა შიგადაშიგ
_ჯანაშიას უმცროსი ძმა უნიშია ხო ?
_ანასთან სწავლობს...
_იცნობს ეგ ანას?
_მე რა ვიცი შე ჩემა... შენ არ გინახავს ეგ ბავშვი საუკუნეა. იცი რა მაგრად თამაშობს კალათბურთს? რამხელა გაიზარდა ტო ჯანაშიას სიმაღლეც მაგან წაიღო მგონი
_რაში გაინტერესებს შენ ...ანას თვალთვალი გადაწყვიტე?_სანდრო მიუხვდა და გაიცინა
_თვალთვალი რა შუაშია უბრალოდ ხო უნდა იყოს ვინმე ვინც ...
_ანას დაცვა სჭირდება თუ კრიშა ... რეებს იგონებ
_არაფერს ვიგონებ და თქვენ დამშვიდდით
_ჩვენ კი დავმშვიდდებით, მაგრამ იცი ის გოგო ძალიან ჰყავს ანას _ლევიკომ სერიოზული სახე მიიღო და თარაშიც წამსვე წამოგო
_სად ...
_აიი იქ ვიღაც ბიჭი კოცნის _ უფრო მეტად შეშფოთებული სახე მიიღო და ხელითაც ანიშნა . თარაში უკვე ფეხზე იდგა სიცილი რომ დაიწყო
_არ აინტერესებს ... აი საერთოდ არ ადარდებს ხო აშკარაა
_სხვა სახუმარო თემა ვერ იპოვნე ბიჭო? _ ხელი მიარტყა მხარზე და მერე მობილური აიღო _წავედი მე
_მიბრძანდი ... სახლში გელოდება ანიკო?
_არა გოგოებთან ერთად არის სადღაც დაბადებისდღეზე
_შენ რა იცი
_ეს იმიტომ ზის ასე დაძაბული მთელი საღამოა _ ბიჭებისთვის ყურადღება აღარ მიუქცევია. ჯერ ფიქრობდა რომ სახლში წავიდოდა შემდეგ ანას დაურეკა და რომ არ უპასუხა შეეშვა. ეჭვიანი ქმარივით გამოსდიოდა, მაგრამ ვერ მოისვენა მაინც მივიდა ანიკოს კურსელის სახლში. იქ იმაზე მეტი ხალხი დახვდა ვიდრე ვარაუდობდა. სრული ქაოსი იყო , ანა ვერსად დაინახა და სულ აერია ტვინი. შემდეგ ლიკუნას მოჰკრა თვალი
_თარაშ? არ ვიცოდი მოსვლას თუ აპირებდი
_ანა სად არის ლიკუნ?
_მგონი აივანზე გავიდა ...ხო ყველაფერი რიგზეა
_კი , კი _ გაუღიმა და პირდაპირ აივნისკენ დაიძრა. მაგრამ ასე მალე ვერ იპოვნა ძლივს დაინახა კარი შემდეგ ანაც შენიშნა და გაეღიმა , მაგრამ მზერა შეეცვალა რომ მიხვდა წინ მჯდომ ბიჭს ესაუბრებოდა
_არადა ვაფშე არ გავხარ ახალგათხოვილ გოგოს
_რატომ დაკმაყოფილებული სახე არ მაქვს? _ გაიცინა და ფორთოხლის წვენი დააგემოვნა. როგორც ყოველთვის არ ადარდებდა არაფერი აშკარად ეს ბიჭიც ვერ იწვევდა მასში ემოციებს
_ისევ ისე ხარ როგორც ადრე...არსად ჩანს ის შენი ქმარი , არც კი გირეკავს
_არ მითხრა რომ მითვალთვალებ
_ანა , ნუ მექცევი ასე
_მაინც როგორ
_ისე თითქოს
_რა თითქოს , მე მყავს ქმარი რომელიც სრულიად აკმაყოფილებს ჩემს სურვილებსა და მოთხოვნებს , რომც არ მეხატებოდეს გულზე ან საერთოდ რომ არ მყავდეს შენთან ხომ იცი რომ ურთიერთობის დაწყებაზეც არ ვიფიქრებდი და ცოტა ძალიან გულისამრევია კაცი სხვის ქალს რომ ეჩალიჩება და რაღაც დაკვირვებებს აწარმოებს _ მოაჯირს მოშორდა , გასწორდა . ჭიქა ხელში მიაჩეჩა მერე გაუღიმა და ხელი ლოყაზე მოუთათუნა _ იპოვე ვინმე შენ რომ გაუძლო , ჩემნაირებს შეეშვი თორემ ვინმე რამეს დაგიშავებს
_ანა ნუ მექცევი ისე როგორც პატარა ბავშვს
_ ნუ იქცევი როგორც პატარა ბავშვი . ხომ იცი არ მიყვარს რადიკალური ჩარევები და ისე ნუ გააკეთებ ჩემი დანახვისას თვალებს რომ ხუჭავდე და ისე გადადიოდე სხვა მხარეს . იქნებ მიხვდე და მარტო დამტოვო , მშვიდად ვაპირებდი ცოტა ხანს ყოფნას დამახრჩო კვამლმა და არ დამაცადე, როგორ უნდა მომეწონო მითხარი მშვიდად ყოფნასაც არ მაცლი
_ანნა
_ნუ მეძახი ანნას მე ვარ უბრალოდ ანა დამდე პატივი და გამითავისუფლე სივრცე . ნახვამდის _ ხელი დაუქნია და ზურგი აქცია. ბიჭმა ერთი ამოიხვნეშა და იქაურობას გაეცალა. თარაშს ისე ჩაუქროლა არც კი შეუმჩნევია. ის კი დიდხანს იდგა კედელზე მიყრდნობილი და უყურებდა თავის ქალს. გვიან მიუახლოვდა და მის გვერდით დადგა
_მე მგონია რომ სადღაც მაგრად ერთობი და შენ აივანზე დგახარ... ჩვენი სახლიდან უკეთესი ხედია იცი?
_შენ მგონი უჩემოდ მართლა ვერ იძინებ...რა გინდა აქ
_გზად ვიყავი და შემოგიარე. არ წამოხვალ სახლში?
_ხო როგორ არა, გარეუბნებში ხარ ყოველთვის _გაიცინა და ზურგი აქცია _ხომ შეიძლება თქვა რომ ვერ მოისვენე, ეჭვები გაგიჟებს და მომაკითხე . უეცრად დამადექი რომ გაგეგო როგორ ვატარებდი დროს ... რაო რა დაასკვენი კარგი გოგო ვარ თუ კიდევ დაკვირვების ქვეშ უნდა დავრჩე. ნახე როგორ ვესაუბრებოდი უცხო ბიჭს?
_იცოდი იქ რომ ვიყავი ხომ? _მაჯაში წვდა და თავისკენ შეაბრუნა_მიპასუხე! იცოდი და იმიტომ უთხარი ის რაც უთხარ?
_შეიძლება ვიცოდი, შეიძლება არა _ მკლავები მოხვია და ტუჩებზე შეეხო _ ერთადერთი არ ხარ ვინც ჩემთვის სულერთია... შენზე მეტადაც სხვები .
სახლში მისვლამდე არ უსაუბრიათ გოგონები ლაპარაკობდნენ ძირითადად.
ანა პირველი წავიდა საძინებლისკენ თუმცა ისიც ფეხდაფეხ მიჰყვებოდა
_როდის შეეშვები ჩემზე დაკვირვებას _ ფეხსაცმელი მოისროლა და თარაშს მიუბრუნდა
_არ გაკვირდები და ნუ მიყვირი
_შენ მიყვირი...მე გეკითხები და მიპასუხე
_იცოდი იქ რომ ვიყავი და იმიტომ მოიშორე?
_ფუ რა იდიოტი ხარ...ხო მაგიტომ მოვიშორე რომ კარგად ვერ დაიმალე . არადა ვაპირებდი რომ მეკოცნა , მეთქვა შენი საყვარელი გავხდები და ქმარს დავიკიდებ_თქო . როგორ გამიფუჭე საღამო
_გეყოფა!
_რა მეყოფა ... აი რატომ გაჩერდი და პირდაპირ არ გამოხვედი. რატომ იქცევი ასე...რატომ ვერ თავისუფლდები. რატომ არ მენდობი რა ჯანდაბაა მე ხომ არაფერს ვაკეთებ ისეთს და მე ხომ არ ვარ ვიღაც სხვა, ჩვეულებრივი გოგოშკა უცებ რაღაც ეწყინოს და გაიქცეს
_ხელის შეშლა არ მინდოდა... მერე საინტერესო თემაზე საუბრობდით . შენ რას გააკეთებდი ჩემს ადგილას
_მე არ შევიწუხებ თავს შენი თვალთვალით , არც შენი და შენი თაყვანისმცემლების დიალოგს მოვუსმენ . თუ ვინმესთან ფლირტს გადაწყვეტ და მე იქ ვიქნები მერე ექსპრონტად ვიმოქმედებ და შენც ნახავ რა მოხდება , მეეჭვება შენც ჩემსავით მოიქცე . კიდევ კარგი შენი კახპები არ მხვდებიან სადმე თორემ ალბათ სირცხვილისგან და ბრაზისგან გავსკდებოდი ან შენ გაგიპობდი თავს _ თმები დაიშალა, მერე კაბის ელვა გაიხსნა და თან ლაპარაკობდა. გაბრაზებული იყო, ცოფებს ყრიდა
_მეეჭვება გაინტერესებდეს , მაგრამ მაინც არც მე გღალატობ და ტყუილად ბრაზობ... _ მიუახლოვდა და კაბის ელვა ბოლომდე გახსნა. მერე შიშველ ზურგზე შეახო თითები და ყელში აკოცა _ როგორ აგიჟებ კაცებს , ნამდვილი ალქაჯი ხარ _ თმა გვერდზე გადაუყარა და მხარზეც აკოცა
_გეყოფა !
_არ მეყოფა ... არ მყოფნი
_მე მყოფნის
ისევ ზურგი აქცია, მშვიდად დაიძინა და თარაში დააიგნორა.
თანდათან აგიჟებდა და მოთმინებას უკარგავდა ანას დამოკიდებულება.
............
ერთ დილას ყველფერი შეიცვალა . ანა წესით მის გაღვიძებამდე უნდა წასულიყო, მაგრამ ამჯერად მისი ხმა ესმოდა
_თარაშ...გაიღვიძე
_რა ხდება _ თვალები არ გაუხელია ისე უთხრა. ანასთვის ზედმეტად თბილი ჟესტი იყო საწოლზე იჯდა და მხარზე ეხებოდა
_თარაშ გთხოვ, გაიღვიძე
_ცუდად ხარ? _იდაყვებს დაეყრდნო და ქვემოდან ამოხედა _ რატომ არ ხარ უნივერსიტეტში ...პირველი საათია
_თარაშ
_რა...რა მოხდა პირდაპირ მითხარი
_სოფელში უნდა წავიდეთ... სასწრაფოდ
_ანა ნუ აჭიანურებ ...რა მოხდა. ვინაა ცუდად , ქორწილია , ვინმე დაიბადა და წვეულებაზე მივდივართ თუ რა ხდება _ გადაბრუნდა სახეზე ხელები ჩამოისვა და ისე შეხედა
_კოტე და ამირანი ავარიაში მოყვნენ...საავადმყოფოში არიან. სახლში სრული ქაოსია , მდგომარეობა მძიმე არ არისო , არ ინერვიულო თარაშ _საწოლიდან უცებ წამოვარდა ჟორდანია და ჩაცმა დაიწყო
_ცოცხალია? ხომ ცოცხალია ანა არ დამიმალო
_ორივე ცოცხალია, კოტეს შერყევა აქვსო , ხელი მოტეხილი და დაჟეჟილობები. ამირანი უკან იჯდა და შეჯახება მის მხარეს არ იყო უბრალოდ ნამსხვრევებისგან ნაკაწრები აქვს _მის წინ იდგა,მისი სახე ხელებში მოიქცია და თვალებში უყურებდა _ყველაფერი კარგადაა ...უბრალოდ უნდა წავიდეთ
_მანქანაში სხვა არავინ იყოო? ვინ დაგირეკა
_ნონამ დამირეკა
_წავედით ... ქალაქში არიან ალბათ ხომ?
_ხო
_ვისაც შეეჯახნენ ისინი როგორ არიან ნეტავ ... თუ ხეს დაეჯახა. საერთოდ სად მიდიოდა ავარიაში რომ მოყვა გადავირევი რა
მთელი გზა სწრაფად ატარებდა, გზაში რამდენჯერმე დაურეკა ლევანს და ყველაფერი დეტალურად გამოჰკითხა.
მხოლოდ მაშინ დამშვიდდა კლინიკაში რომ შევიდა და ორივე ნახა . ანა ვერ ცნობდა, შესვლისას ისეთი სერიოზული იყო, ისეთი მშვიდი თითქოს საერთოდ არ ღელავდა . კოტეს ეძინა მის გვერდით დაჯდა და მერე თავზე აკოცა. ამირანი კი გონზე იყო , ხელები ჰქონდა დაკაწრული და სახე.
_უკვდავების წყალი გაქვს დალეული ხომ ?
_კიდევ მაქვს და შენ არ მოგცემ
_კოტეს ცოტა მიეცი ? ალეწილია
_მჟავე წ....ბი არ უყვარს ხომ იცი
_როდის გაგწერენ იცი?
_ერთი კვირა მაინც დაგვჭირდება..არითმია გაქვსო , ექიმმა ათასი რამე მითხრა. არც ისეთი ჯანმრთელი ვყოფილვარ
_დაისვენებ , გილოცავ
_მე კი ვიზიარებ , მუშაობის დაწყება მოგიწევს
_ორი კვირა არაფერს ცვლის
_ცუდად ვარ რით ვერ შეიგნე
_მამაჩემი ყველაფერს გააკეთებს , არ ინერვიულო _დანაოჭებულ ხელზე ხელი დაადო და მოუჭირა _დაისვენე ...არ ინერვიულო
_ბატონისშვილო ბებერი პაპა გაიხსენა თქვენმა გულმა?
_ხომ იცი თინა უშენოდ ვერ იცოცხლებს მე კი ვგიჟდები მაგ ქალზე
_დიდი ხანია აქ არის , გადაიღალა , მაგრამ არ აღიარებს. მოიფიქრე რამე და სახლში დააბრუნე ყველა.
_იმათ წავიყვან... რამე ხომ არ გჭირდება
_იცი შენ მე რაც მჭირდება
_ახლა მემკვიდრის ჩასახვის განწყობა არ მაქვს ამირან_გაიცინა და მოხუციც გაამხიარულა
_ნეტავ ერთი შენნაირი მაინც გაგიჩინოს ანამ რომ მიხვდე რა რთული ხარ ლევანისთვის და ნონასთვის
_შენ არასდროს უშვებ შანსს ... წავედი , მალე დავბრუნდები არ მოიწყინო
პალატიდან გავიდა და დერეფანში მყოფებს დააკვირდა. ანა თინას წინ იყო ჩამუხლული , მისი ხელი ეჭირა და ქვემოდან ღიმილით უყურებდა . მერე დანაოჭებულ ლოყაზე აკოცა და სწრაფად წამოდგა , შემდეგ სკამზე დადებული წამლების პარკი აიღო. ერთი აბი ხელისგულზე დაუდო და წყლის ჭიქაც მიაწოდა.
_ჟორდანიების დანაყოფო გენერალი ამირანის ბრძანებითა და მისი მოვალეობის შემსრულებლის თხოვნით სახლს მივემგზავრებით _მაიას ხელი მოხვია და ლოყაზე აკოცა _ ბებო რა დაგმართნია , კოტესგან დაისვენებ და არ გიხარია?
_ძალიან შემეშინდა მეგონა დამტოვებდა
_აუ ბებიკო როგორ იცი ხოლმე , ჟორდანიების კაცები უკვდავები ვართ არ გითხრა შენ ამირანმა რომ მოგიტაცეს მაშინ?_ქალი გულში ჩაიკრა და სახე დაუკოცნა _ბე , გეყოფა რა აღარ იტირო ხომ იცი კოტე მაგრად გვეჩხუბება რომ გაიგოს
_სად შეუძლია , ძლივს ლაპარაკობს
_ წავიდეთ უკვე დროა
_მე არ მოვდივარ მაია და ნონა წაიყვანე... ათასი საქმეა
_თინიკოო გინდა ხელში აგიყვან და ისე მიგიყვან შენს ციხესიმაგრეში
_რომ გეუბნები
_რახან არ იშლიი მაშ ხელის გულით გატარებ თინიკო
მართლა ხელში აიყვანა და ისე წავიდა დერეფანში. ქალი ს
ხელებს ურტყავდა მხრებზე მერე რამდენჯერმე აკოცა და ბოლოს გაჩერდა. ანა ნონასთან და მაიასთან ერთად უკან მიჰყვებოდა.

სახლში ისეთი არეულობა იყო თითქოს თვეების განმავლობაში არ ყოფილან. იმაზე მეტი საქმე იყო ვიდრე წარმოიდგენდა. ნონა მაიას და თინას უვლიდა . ანა და თარაში დარჩნენ ყველაფრის პირისპირ. იმდენი ვინმე მიდიოდა , იმდენი საქმე იყო რომ უბრალოდ ვერ გაჩერდებოდნენ. მუშები, მოსამსახურეები , ზარები მაღაზიებიდან, ვაჭრებისგან , მძღოლებისგან რომლებსაც პროდუქტი გადაჰქონდათ.
საძინებელში შევიდა ანა და მალევე თარაშიც მიჰყვა კარი მიხურა და გასაღებით გადაკეტა
_რა იყო ეს?
_ყველამ რომ მიგვატოვა ქაოსია...ამ ამბების გასარკვევად დღეები დამჭირდება
_ჩშშ_ თარაშმა ხელი მოხვია და ტუჩებზე დაეკონა. დიდხანს კოცნიდა და ნელ_ნელა მშვიდდებოდა. შემდეგ მასთან ერთად დაწვა საწოლზე, თავი მხარზე დაადო და თვალები დახუჭა
_მე აქ უნდა დავრჩე ანიკო
_მეც დავრჩები ...
_მერე უნივერსიტეტი?
_ზოგჯერ წავალ და დავბრუნდები _ თმაში შეუცურა თითები და თავადაც დახუჭა თვალები_ ნონა მარტო ვერ გააკეთებს ყველაფერს
_ამირანს ოპერაცია დასჭირდეს შეიძლება, გული მძიმე მდგომაეობაში აქვსო ექიმმა და ეს დატვირთვა უნდა მოვაშორო
_მე შენთან ვარ ხომ იცი ... რამდენიმე დღეში გავარკვევ ყველაფერს, დავალაგებ და მერე შენც დაგეხმარები
_გგონია ვერ შევძლებ? _გაიცნა და ყელში აკოცა _შენ ჯერ კიდევ არ იცნობ ნამდვილ თარაშს
_საქმეს უბრუნდები?
_თუ არ გამაბრაზებენ ხო ... საიდუმლო გითხრა? მომბეზრდა უსაქმოდ ყოფნა და მინდა ბოსის სტატუსი მოვირგო
_არავის ვეტყვი _ გაიღიმა და მზერა გაუსწორა _როგორი ბოსი ხარ
_ზოგჯერ კეთილი ზოგჯერ ბოროტი... ამირანის მართვის სისტემის შეცვლა მინდოდა ერთ დროს, მაშინ პატარა ხარო მეუბნებოდა და ახლა შეიძლება ტახტზეც ავიდე
_რატომ მაინცადამაინც ახლა
_შენს გვერდით უსაქმოდ ყოფნა აუტანელი ხდება...
კარზეც დაუკაკუნეს და ისევ წასვლა მოუხდა . საავადმყოფოში ანასთან ერთად წავიდა დიდხანს მაინც არ გააჩერეს ექიმებმა ამიტომ ღამით ისევ სახლში დაბრუნდნენ.
ამირანი სახლში დაბრუნდა, მაგრამ მკურნალობის კურსს აგრძელებდა . კოტეს სახლში დაბრუნების შემდეგაც წოლითი რეჟიმი ჰქონდა და ვერაფერს აკეთებდა.
თარაში კი საქმეებს დაუბრუნდა და სულ რამდენიმე კვირაში ყველაფერი თავდაყირა დააყენა . ისეთი ცვლილებები დაიწყო სულ გააგიჟა ამირანი, მაგრამ ბოლოს დანებდა მოხუცი და როგორც გინდა ისე მოიქეციო უთხრა.
ანა უნივერსიტეტის გამო რამდენიმე დღით თბილისში დარჩა. თარაში სოფლიდან ვერ გადიოდა და გაყოლაზე არც უფიქრია
საღამოს შემთხვევით წააწყდა ანას მეგობრების სთორის სადაც ანაც იყო . აშკარად სადღაც მიდიოდნენ
_ანიკო
_თარაშ ანა გასულია მე ნინი ვარ
_სად არის ? რომ მოვა გადაეცი დამირეკოს
_ტელეფონი დარჩა ჩემთან ერთ საათში გაგნიძესთან მივდივართ დაბადებისდღე აქვს და დავუბრუნებ
_გაგნიძესთან ?
_ხოო რესტორანში მივდივართ ...
_კარგი ნინ რომ ნახავ არ უთხრა რომ დავურეკე ხო? სიურპრიზის გაკეთება მინდა
_რა პრობლემაა არაფერს ვეტყვი
_მადლობა ნინ
_არაფრიის
მობილური გადადო და შემდეგ ლეპტოპიც დახურა. სწრაფად გამოიცვალა და ისე წავიდა არავინ გაუფრთხილებია. პირდაპირ რესტორანში მივიდა . მაგიდასთან სადაც მისი კურსელები ისხდნენ ვერ დაინახა , მაგრამ მოცეკვავე წყვილებს შორის შენიშნა , იუბილართან ცეკვავდა. ტანზე გამოყვანილი
ბორდოსფერი კაბა ეცვა, შორიდანაც კი სექსუალური იყო . გაგნიძის მზერა მთელს მის სხეულს სწავლობდა და თარაშს სუნთქვა გაუჭირდა მათი წინა დიალოგი რომ გაიხსენა. ბიჭი მონუსხული უყურებდა ანას, მისი მთვრალი მზერა ბევრ რამეს ამბობდა ჟორდანიასთვის. ანა ახლოს მიიზიდა და ორივე ხელი წელზე მოხვია მერე ტუჩები ყელზე მიაწება და ანაც წამსვე მოშორდა, წავიდოდა ალბათ თარაშს რომ არ შესჯახებოდა. გაფართოებული თვალებით უყურებდა თარაშის ჩაწითლებულ სფეროებს
_აან ეს შენი ქმარი არ არის? მე რომ მარტო დაგპატიჟე? ნუთუ მაინცადამაინც ახლა ინებეთ გამოჩენა და ჩემი საღამოს ჩაშხამება
_გეყოფა , სჯობს გაჩუმდე . მივდივართ , თარაშ
_ჯერ ადრეა პატარავ_ ხელი წელზე მოხვია ტუჩებზე შეეხო და შემდეგ ბიჭს გახედა _მეც ხომ უნდა მივულოცო არა? თანაც გავეცნო თორემ ვერ ხვდება რომ ქმარი გყავს
_შენ ხარ მისი ქმარი ? რა უცნაურია არადა მეგონა კახი მოსწონდა...კახი იცი ვინ არის? გუშინ სწორედ მის გვერდით ვნახე და ვიფიქრე მის გამო მეუბნება უარს_თქო
_მე მივდივარ და კარგად დაფიქრდი რას გააკეთებ _ თარაშს უთხრა და მართლაც წავიდა
_ანნა მოიცადე რაა ,დღეს ხომ ჩემი დაბადების დღეაა შენ ხომ დამპირდი ... ანნა _ ქალბატონს უკან არც მიუხედავს , ჩანთა აიღო და გასასვლელისკენ წავიდა _ ხედავ? შენს გამო წავიდა ...საერთოდ ვინ ხარ . ვიღაც სოფლელი ს*რი და გგონია ანა ერთი საყვარელი წესიერი სოფლელი გოგოა? შენ ვერ გაქაჩავ მის ქმრობას ... წარმოდგენაც არ გაქვს როგორი ეშმაკია. შეხედე, ხედავ როგორ მიდის?
_საცოდავი ხარ, რა უიღბლობაა რამდენი წელია ჩემს ცოლზე ოცნებობ..._თარაშმა გაიცინა და ჩვეული ირონიული მზერით დააჯილდოვა _ ალბათ ძნელია სხვის ქალზე ფიქრი , ყველგან გეჩვენება , სული გეხუთება რომ უყურებ ხომ? _ მიუახლოვდა და საყელოზე ისე მოუჭირა თითები ვერავინ შეამჩნევდა მათ შორის არსებულ დაძაბულობას _ სუნთქვას ვეღარ შეძლებ კიდევ რომ მიუახლოვდე ანას! მნძ**ელი _ ლოყაზე ხელი მიარტყა ისე თითქოს პატარა ბავშვი იყო _ ახალი ობიექტი აირჩიე ან ჟურნალებს ჩაუჯექი.
მოშორებას აპირებდა სიცილი რომ დაიწყო ბიჭმა. ხმამაღლა იცინოდა მერე თარაშს ხელი ჰკრა , მართალია დიდი ვერაფერი მოახერხა ძალიან მთვრალი იყო უკვე, მაგრამ მისი ყურადღება დაიბრუნა
_ხოო ბოლო დროს უარს მეუბნება...ახალი გათხოვილი ქალის იმიჯს ირგებს და მიწევს მოგონებები გავიხსენო ... მისი საჯდომი ხომ ლამაზია არა? უკვე გაჟ*მე თუ არა ჯერ . ყოველ ჯერზე მესმის მისი კვნესის ხმა , ჭკუიდან გადადის მუხლებზე რომ დგება და მე _ შემდეგ ვეღარაფერი თქვა თარაშმა ხალხის არსებობაც დაივიწყა მუშტი მოუქნია და ყბაში გაარტყა. შემდეგ ყელში წვდა და ისე მოუჭირა ლამის დაახრჩო. ყველა მათ უყურებდა, გოგოების კივილის ხმა ისმოდა . ვიღაცები გასაშველებლად მიცვივდნენ , გაჩერებას სთხოვდნენ, პოლიციას გამოვიძახებთო იძახდნენ, მაგრამ არ ესმოდა. არც საკუთარი სიტყვები ესმოდა მერე უცებ მოშორდა და წავიდა.
ბრაზი ყელში უჭერდა, სუნთქვას უხშობდა და გონებას უბინდავდა.

უუჰ მგონი მძმე თავი გამოვიდა მაგრამ რას ვიზამთ
წინ ისე ვერ წავიდოდით
გელით
იმედია ემოციები დაგიგროვდებათ