-სესილია ... სად ხარ - მოსე ეძახდა. იმაზე მალე მივიდა ვიდრე ელოდა. მაქსიმალური სიჩქარით ფარავდა მანძილს სანამ ქალი არ დაინახა მანამ ვერც ამოისუნთქა. ტიროდა, ასეთ სუსტს და დაუცველს პირველად ხედავდა და მის მდგომარეობას სანამ შეაფასებდა მანამ ვერაფერს აღიქვამდა ,მხოლოდ სესილიას ცრემლიან თვალებს, მთრთოლვარე სხეულს და გულწრფელ , ნამდვილ ემოციებს
_ღრმად ისუნთქე , წყალი დალიე და მითხარი ზუსტად რა დაკარგე- არ შეხებია ისე გავიდა ოთახიდან. ტირილის საშუალება მისცა, ქვემოთ ჩავიდა, ყველაფერს გადახედა და უკან წყლით სავსე ჭიქით დაბრუნდა . სახეზე ჩამოყრილი თმა გადაუწია, მის წინ ჩაიმუხლა და ჭიქა მიაწოდა
_დავკარგე რას ნიშნავს ? ქურდობა როდის გახდა დაუდევრობა... მე რა ქუჩაში დამივარდა სამკაულები ?
_რატომ არასდროს მისმენ ... კონკრეტულ კითხვას გისვამ მითხარი რა დაკარგე. ბეჭედი , საყურე , სამაჯური , ყელსაბამი თუ რა
_ყველაფერი ... ზუსტად არ მახსოვს აქ რა მქონდა და როგორ გითხრა. მთავარი ისაა რომ ბებიას გულსაბნევი არ არის . პოლიციაში წავალ და განცხადებას დავწერ ... იქნებ იპოვნონ სადმე ... რომელიმე ლომბარდში წაიღებს . ფოტო უნდა ვიპოვო ,სადღაც მქონდა _ხელები უკანკალებდა,ჯერ კიდევ ჰქონდა სახეზე ცრემლების კვალი,მაგრამ გონს მოსვლას იწყებდა_ თორნიკეს მეგობრებს დავურეკავ და იპოვნიან. ამათთან უბრალოდ განცხადებას დავწერ
_არაფერი გააკეთო... მე დაგიბრუნებ ყველაფერს . ახლა დამშვიდდი , როგორ კანკალებ _ ტელეფონი ხელიდან აართვა და მისი მტევნები თითებსშორის მოიქცია _რომ მოხვედი აქ იყვნენ?
-კი არ იყვნენ , ერთი იყო ... ფანჯრიდან გადახტა. ეტყობა არ ელოდა დღეს თუ დავბრუნდებოდი. ფანჯარა გაუტეხავს,ასეთები არც ვიცი იყიდება კიდევ სადმე? როგორ მიყვარდა _ ისე მოექუფრა სახე, ისე საყვარლად წუწუნებდა სულ სხვანაირი იყო . თვალები დახუჭა და ღრმად სუნთქავდა, თან ითვლიდა როგორმე რომ დამშვიდებულიყო ამ დროს კი გონება გაუნათდდა- ის ქურთუკი ... ის ბიჭი იყო . აქამდე როგორ ვერ მივხვდი. საზიზღარი, ბავშვები რომ სცემა არ ეყო ?
_ვინ ბიჭი
_სანდრო ჯანაშია
_გმორიცხულია!
_რატომ , არ იკადრებდა?
_რადგან ერთხელ იჯდა ყველა დანაშაული მისი ჩადენილია?- გაბრაზებულმა გაუსწორა მზერა , ყველა ემოცია შეეცვალა
_სხვაზე ვერაფერს ვიტყვი, მე რაც დავინახე მხოლოდ ის ვიცი
_ჯანაშია არ იქნებოდა და მორჩა ! სამკაულები კი დაგიბრუნდება დღესვე
_პოლიციაში წავალ და დამიბრუნებენ მე სამკაულებს და ჯანაშიას ციხეს-გაცოფებული იყო და სულ აღარ ეტყობოდა წუთის წინ რომ ტიროდა
_მაგას არ გააკეთებ !
_უკაცრავად ?- მაჯაზე მოჭერილ თითებს დახედა და მერე მაღლა ახედა
_ჯანაშიას თუ უჩივლებ მივალ და ვიტყვი, რომ მე მოვიპარე ყველაფერი
_ასე როგორ იცავ ყაჩაღ , არაკაც ბიჭს ... მაინც რა წრე გყავს ასეთი. შენც ხომ არ ერთობოდი ხოლმე ასე -ხელი გამოგლიჯა და დაუფიქრებლად უთხრა ყველა სიტყვა
_მასწავლებელო ახლა აღელვებული ხარ და არ იცი რას ამბობ-ერთიანად ჩაქრა, უკან გადადგა ნაბიჯი
_მაჩვენე შენი მეგობარი და გეტყვი ვინ ხარ შენო
_რა სამწუხაროა ჩემზე ასეთი წარმოდგენა რომ გაქვს. შენგან მეტს ველოდი , სამწუხაროა
_როგორ შეგიძლია ამ ყველაფრის შემდეგ მე დამადანაშაულო
_საღამომდე დაგიბრუნებთ ნივთებს,მასწავლებელო
_თითქოს მართლა შენ გქონდეს
_ჩავთვალოთ რომ მათხოვეთ და გიბრუნებთ
_სხვის სახლშიც შეძვრება და ვინ იცის რას დაუშავებს
_სანდრო არავის სახლში შეძვრება !
_ტყუილად დააპატიმრეს ? აჰ,თუ სხვა საქმეებზე მუშაობს, შეიცვალა ალბათ სფერო
_მე მეტს ვერაფერს ვიტყვი , თავად გადაწყვიტეთ როგორ მოიქცევით
_წახვალ და სცემ თუ როგორ დაიბრუნებ
_მე არავის ვცემ საქმის მოსაგვარებლად ... თქვენ ისევ შეცდომა დაუშვით ,მასწავლებელო
-თითქოს ჯერ არ გაგიკეთებია
-ხო, აქამდე ასე არავისში შევმცდარვარ,თქვენ პირველი ხართ ... თუ კიდევ აღმოაჩენთ რაიმეს რაც არ არის ,მომწერეთ . სახლიდან არ გახვიდეთ, მალე დავბრუნდები .

თავდახრილმა , ნელი ნაბიჯებით მიმავალმა გადაიარა ეზო და სესილიამაც ახლა აღიქვა ჯერ კიდევ რომ არ ჰქონდა ხელიდან სახვევი მოხსნილი. ქალი უყურებდა როგორ ჩაჯდა ძვირადღირებულ ახალთახალ მანქანაში და რა სიჩქარით დატოვა ქუჩა . ყველაფერი ერთმანეთს დაეწყო, გონებამ ყველა განვლილი ამბავი ამოუგდო რაზეც თვალი დახუჭა და როცა საკუთარ პრინციპებზე უარი თქვა . იმდენად იყო სავსე ამდენი არასწორი უკანონო ქმედებით ამჯერად დანაშაულის დაფარვას არ აპირებდა.
პოლიციის განყოფილებაში შესვლამდე ცდილობდა თორნიკესთან დაკავშირებას,მაგრამ არ გამოუვიდა მისი მეგობრების შეწუხება ჯერ არ სურდა. განცხადება დაწერა, ერთ-ერთ პოლიციელს ესაუბრა ,ყველაფერი დეტალურად უამბო მხოლოდ ჯანაშია არ უხსენებია ,თავი რატომ შეიკავა თავადაც არ იცოდა.
ღობესთან უცხო მანქანა დახვდა, არც დაუშვია, რომ მოსეს თან ექნებოდა მოპარული ნივთები ის კი აივანზე დახვდებოდა . შესასვლელში იდგა უმეტყველო სახით , ხელში ზარდახშითა და მზერით,რომელიც რენტგენივით აღიქვა სესილიამ. უახლოვდებოდა და ძალა ერთმეოდა
-ვინ იყო
-მე !
-მოსე
- ნახე ხომ ყველაფერია - სახლში შეჰყვა, ზარდახშა გახსნა და მაგიდაზე გადმოაპირქვავა
-უნდა მითხრა ვინ იყო ... მე პოლიციის განყოფილებაში ვიყავი , მაინც იპოვნიან
-მასწავლებელო , ნახეთ ხომ ყველაფერია და წავალ . დანარჩენს თავად გაარკვევთ
-ეს ქურთუკი , რატომ გაცვია ... -ახლაღა შეამჩნია მისი სამოსი
-ხომ აღუწერეთ ზუსტად, ქურთუკზე რა გამოსახულებაცაა ... დაველოდები ,როდის მომაკითხავენ
-შეიშალე? -ისედაც ხომ წუხდა,მაგრამ ახლა საერთოდ დაკარგა კონტროლი
-მე თქვენ გითხარით რისი თქმაც მსურდა, მაგრამ არ დაიჯერეთ. მე ტყუილად არაფერს ვამბობ ! თუ ვინმეს დაიჭერენ ეს ვინმე მე ვიქნები - ისე უყურებდა როგორც არასდროს
-ასე გინდა განცხადება უკან წავიღო? შენი მანიპულატორი ბუნება ჩემზე არ გავრცელდება- ცდილობდა თავი დაეცვა, მაგრამ თავადაც არ სჯეროდა იმის რასაც ამბობდა
-ვხედავ, როგორი დამოუკიდებელი გადაწყვეტილებებით ხართ ... ძლიერი და პრინციპული ქალი -ჩაიცინა და მზერა გაუსწორა
-რამდენი დანაშაული უნდა დავფარო , ჩხუბი, ხულიგნობა, ქურდობაც? უკვე მგონია,რომ კაციც რომ მოკლან ჩემს წინ რაღაც არგუმენტი გექნება ჩემს შესაჩერებლად... ეს რა ადგილია საერთოდ
-ვნახოთ როგორ მალე იმოქმედებს პოლიცია, დაელოდეთ ...არ მგონია აქ სხვისი ნივთები იყოს ამიტომ წავალ. ეს უკანასკნელია, სხვა დროს აქ არავინ შემოვა. ფანჯარას რაც შეეხება, მოვლენ და გააკეთებენ
-ქურთუკი გაიხადე ამით არ გაგიშვებ ! - ამჯერად თავად გადაეღობა წინ, კარი მიხურა და მიეყრდნო - გელოდები
-მასწავლებელო , საკუთარ ჩარჩოებს ხომ არ გასცდით ? მოსწავლეს გახდას სთხოვთ?
-მოსე , გაიხადე . ჭკუიდან ნუ გადამიყვან არ ვარ ადეკვატური
-ფოტოს გადავიღებ და ავტვირთავ , გაწყობს ?
-გინდა გამაგიჟო, ხომ? -ისტერიკა ეწყებოდა . სესილიას კი ერთი უკიდურესობიდან მეორეში გადავარდნა მარტივად შეეძლო
-ნუ ყვირით, თავი გეტკინებათ
-უკვე მტკივა ,თანაც ძალიან და საერთოდ რატომ გელაპარაკები?- უცებ მიუახლოვდა, ქურთუკს თითები ჩაავლო, ერთი ხელი შიგნით შეაცურა და ბიჭის სხეულიდან მოშორება ნახევრად მოახერხა კიდეც - შენ რა ნეკნებიც გტკივა? - მისი რეაქცია რომ დაინახა ლამის ტირილიც დაიწყო. გული ყელში რომ ებჯინებოდა თითქოს საკმარისი არ იყო, ვერ აზროვნებდა თორემ საკუთარ თავს შორიდან თუ დაინახავდა იქ ვიღაც უცნობი ქალ იქნებოდა
-გაბზარული მქონდა და თუ ნელა არ იმოქმედებ კიდევ უფრო მეტად მატკენ -ზემოდან უყურებდა, ახლოს მყოფს მთლიანად გრძნობდა და მაინც ბრაზს ვერაფერს უხერხებდა
-როდის გამოჯანმრთელდები - წარბები შეჭმუხნა - მაისურით როგორ წამოხვედი, გარეთ ისე ცივა
-ქურთუკს მაშორებთ,რა გავაკეთო- თითებზე თითები შეახო და მთლიანად მოშორების ნება არ მისცა
-რომ მოხვედი მანტო გეცვა , მანქანაში გაქვს ალბათ და ჩაიცვამ . ხელი გამიშვი
-რას იფიქრებენ ასე რომ დაგინახონ, მოსწავლეს აშიშვლებსო- საუბრობდა ქალს სუნთქვა შეუკრა. უკვე მზერას არიდებდა და სიწითლე სულ უფრო მეტად ემატებოდა - გონს მოდით და განაგრძეთ თქვენი საქმე, სწორი გზა
-სხვისი დანაშაულის გამო პრობლემებში არ გაეხვევი!
-მეც ამას გეუბნებოდით, სხვის გამო სანდრო არ დაისჯება !
-კიდევ მას იცავ? მაშინ მითხარი ვინ იყო და რატომ ეცვა მაინცადამაინც ეს ქურთუკი - მოშორდა და თავზე მოიჭირა თითები- გავგიჟდები!
-მარტო დაგტოვებთ. აქაურობა დაალაგეთ და თქვენც დამშვიდდებით- უცებ აჩქარდა, ქალმა თავიდან მიზეზი ვერ გაიგო ასე სწრაფად რატომ მიდიოდა, როცა აშკარად ტკივილები ჰქონდა. შემდეგ დაინახა ეზოში შესული ორი ფიგურა, მოსეს ხმაც გაიგო, რაღაცას უყვიროდა ერთ-ერთს, მესამე ამ დროს გაქცევას ცდილობდა, როცა ახალმისულმა ხელი ჩაავლო და ამაღლობელის წინააღმდეგობის მიუხედავად სახლისკენ წაათრია
-მასწავლებელო... მასწავლებელო აქ ხართ? გამოდით
-რა ჯანდაბას აკეთებ... შენ ხომ არ გაგიჟდი. აქედან მოშორდი დროზე და ესეც წაათრიე-მოსე ცდილობდა გაეჩერებინა,მაგრამ სუსტად იყო ჯანაშია კი არც ძალის ნაკლებობას განიცდიდა და არც ბრაზის
-შენ ეგ გაიხადე , აქ დააგდე და წადი !
-სანდრო , იცოდე დაგკარგავ
-ამისთვის? ამ ნაბ.ზარი ბიჭის გამო ახლა შენ უნდა დაისაჯო? მოვკვდები და ამის გამო შენ არ გაგსვრი
-ხო დავუბრუნეთ ყველაფერი, გამიშვი შენი ძმა არ ვარ? მეტჯერ აღარ ვიზამ, გეფიცები
-მოკეტე თორემ ენას ამოგთხრი შე არაკაცო! - ხელი ისე ჰკრა ზურგზე რამდენიმე ნაბიჯი ინერციით გადადგა და გაშეშებული სესილიას წინ აღმოჩნდა სრულიად უცნობი ახალგაზრდა ბიჭი, რომელიც საოცრად ჰგავდა სანდროს - ფეხი არ მოიცვალო მანდედან და ბოდიში მოუხადე ახლავე , დროზეე ! - ისე უღრიალა ქალიც კი შეკრთა, ბიჭი კი მაშინვე მუხლებზე დადგა, თავი ლამის იატაკზე ჰქონდა დატანილი
-სანდრო , ოოხ სანდროო შენი სიჯიუტე- მოსეს ხმა ესმოდა, მაგრამ წინ დამხობილ ბიჭს უყურებდა , მასაც ისეთივე აღნაგობა ჰქონდა როგორც სანდროს . ტყუპებივით იყვნენ ,მხოლოდ სიმაღლით იქნებოდა მცირედით ნაკლები და წონით მეტი ისიც უმნიშნელოდ
-მაპატიე , მე ვიყავი სახლში ... ბოდიში რა , ხომ დაგიბრუნეთ ყველაფერი . არ გამიშვათ რა ციხეში , მოვკვდები იქ არ შემიძლია. რასაც გინდა იმას გავაკეთებ ,რაც გინდათ ის დამავალეთ ოღონდ ციხეში არ გამიშვათ - ის იყო ფეხებზე უნდა შემოხვეოდა სანდრო რომ წვდა და უკან დაქაჩა
-არ შეეხო ! მისი გადასაწყვეტი არაფერია, აქ უბრალოდ მოხვედი ახლა თვითონ წაგათრევ განყოფილებაში და თუ არ აღიარებ გეფიცები იქვე გადაგიმტვრევ მუხლზე და მერე ნაღდად დავბრუნდები უკან, იმენა ჩემი დანაშაულისთვის ჩავჯდები . იქ სჯობდა თქვენთან დაბრუნებას
-გეყოფაა არ მინდოდა-თქო ხომ გითხარი ... იმან ფული წააგო და ისე ურტყეს ვერც ჭამს, ვერ ნახე როგორ მ.ენრძრა სახლში სანამ წავიდოდნენ?შენ რა იცი მეორედ რომ მოდიან რას აკეთებენ...იცი? არ იცი ! სულ ძმაკაცებთან ერთად იყავი და მერე ციხეში წახვედი. ვითომ მაგარი საქმე გააკეთე ჩვენს მაგივრად ჩაჯექი. აჰაა წამიყვანე , მოვშორდე მაგათ,მოვკვდე იქნებ და დავისვენო თქვენგან ,ყველასგან
-პატარა მანიპულატორო...გგონია ახლა იტირებ და დამაბოლებ? ვჭამე ეგ მე უკვე ერთხელ იმ ნაბიჭვარ კაცთან ერთად რომ მოიპარე და მევედრებოდი მამა არ დააჭერინოო
-სანდრო , გეყოფა... აქედან წავიდეთ
-ბოდიშს გიხდით , კიდევ ერთხელ მაპატიეთ ამ ყველაფრის ნახვა რომ მოგიხდათ დამატებით - ღრმად ჩაისუნთქა, წამით თვალები დახუჭა თავი რომ გაეკონტროლებინა და შემდეგ მაქსიმალურად ადამიანური ტონით მიმართა ქალს.
-მოსე - აღარ იცოდა რა ეფიქრა, რა გაეკეთებინა ... ბიჭს უყურებდა და პასუხს ელოდა
-მანქანაში დამელოდეთ სანდრო, გთხოვ .უბრალოდ მანქანაში დაჯექით , კიტა - მეორე ძმასაც გადახედა და რომ გავიდნენ მერე მიუახლოვდა ქალს - ახლა კარგად გრძნობ თავს? როდესაც ყველაფერს არკვევ და სწორად აკეთებ , მშვიდად ხარ? წავიყვანო ეს ორი განყოფილებაში და დაველოდოთ რა მოხდება?
-მოიპარა
-დაგიბრუნე ის რაც მოიპარა ... შენ აქაურობას ვერასდროს გაიცნობ, მე კი ვიცი და მხოლოდ სულ ცოტა დრო გთხოვე . ასეთი რთული იყო?
-საჩივარი გამოვიტანო?
-მე შენ არასდროს გთხოვ მაგას ... შენ ჩემი უმარტივესი თხოვნა არ შეასრულე, ვერ შეასრულე და ახლა აღარაფერია შენზე. პოლიციელები დაგიკავშირდებიან და მათთან ითანამშრომლე , მე შენი საქმიდან გასული ვარ
-გასაგებია სანდროს რატომაც იცავდი,მაგრამ კიტას რატომ არ აჭერინებდი
-ბავშვია,რომელსაც ციხის გარდა ყველაფერი სჭირდება ,მასწავლებელო ... იქ ნამდვილად არ გავაშვებინებ. ამჯერად არა. სანდროს რომ სვამდნენ არავინ ვიყავი და არაფერი შემეძლო. არაადამიანების შვილი რომ ხარ ეგ უკვე სასჯელია, მთელი ცხოვრება მიგყვება
-მე მოვაგვარებ... არ წაიყვანოთ განყოფილებაში. სანდროს დაელაპარაკე
-დაგაგვიანდა - უმეტყველო სახე ჰქონდა, მისი მზერაც აღარაფერს ამბობდა. შებრუნდა და წავიდა. სესილია უყურებდა და იმ რამდენიმე წუთში იღებდა გადაწყვეტილებას სანამ მანქანა ადგილიდან დაიძვრებოდა. თავი უსკდებოდა, აირია და ამ ქაოსიდან გამოსავალს ვერ ხედავდა მერე უბრალოდ ინსტიქტს მიჰყვა და გაკეთა ის რაც არასდროს უნანია.
_მოიცადე... _სირბილის გამო გულისცემა აჩქარებული ჰქონდა , მანქანის წინ გაჩერდა და მერე კარი გააღო
_მასწავლებელო _მოსე ნამდვილად ვერ ხვდებოდა რა აზრები ტრიალებდა ქალის თავში
_ასე ვერ წახვალთ ... კიტას უნდა ველაპარაკო . მოლაპარაკებას ვითხოვ !_სანდროს შეხედა და მერე თავდახრილ ბიჭს
_რა მოლაპარაკება , ვერ ვხვდები ... ზარდახშა დაგიბრუნეთ, ყველაფერი იქ არის ... ხომ ყველაფერია ბიჭო _ უცებ წამოიწია და წელში მოხრილს თავიც ააწევინა _ შემომხედე , ამოღერღე
_გეფიცები ... ყველაფერია
_ეგ ცრემლები პოლიციისთვის შეინახე_თქო ,ტყუილად ზლუქუნებ
_პოლიციის განყოფილებაში არ წავა...თავად მოვუფიქრებ სასჯელს . იმედია მაძლევთ უფლებას , თვითონ გადავწყვიტო
_რა სასჯელი , მასწავლებელო
-შენთან არ ვსაუბრობ , მოსე და გთხოვ დამაცადე ! მოკლედ სანდრო , მე არ მაინტერესებს თქვენ ორს რა ანგარიშები გაქვთ , დაზარალებული აქ მხოლოდ მე ვარ შესაბამისად მე გადავწყვეტ მის ბედს ! შენ აირჩიე ციხეში გირჩევნია თუ განუსაზღვრელი დროით ჩემი სასჯელის მიღება და შესრულება _ ბიჭს მზერა გაუსწორა და პასუხს დაელოდა- ბევრი დრო არ მაქვს , ხუთამდე ვითვლი
_სულ მთლად შეიშალა _მოსეს ხმა გაიგო, მაგრამ ისევ დააიგნორა
_მე მასზე პასუხს აღარ ვაგებ ... თუ რამე ისე არ წავა მე
_საერთოდ ყველა ჩვენ დანაშაულზე რომ ვაგებდეთ პასუხს ეს სამყარო უკეთესი იქნებოდა . კიტა , გისმენ
_თქვენი სასჯელი რა იქნება
_თანახმა ხარ თუ არა
_ მე რა ვიცი შენ რას მოითხოვ ... იქნებ უარესს მიკეთებ რამეს
_კიტა! _ მოსემ ისე გახედა ბიჭი წამსვე გაჩუმდა
_ კარგი ... კარგი თანახმა ვარ
_ხვალ დილის 8 _ზე გელოდები
_მოიცა ასე მიჯერებ და მორჩა ?
_ხო, ასე გიჯერებ და კი არ მორჩა ხვალიდან ვიწყებთ _ კარი მიხურა , მოსეს შეკრული წარბებო დააიგნორა და უკან დაიხია _შეგიძლიათ წახვიდეთ _არ წასულა, მანქანიდან გადავიდა და წინ აესვეტა _რა?
_შეიშალე?
_როგორ მელაპარაკები ?
_მე როგორ გელაპარაკები თუ შენ რას აკეთებ ... ტიპმა გაგქურდა, ისტერიკა გქონდა, მე არ მენდე , არ დამიჯერე გავარდი და უჩივლე . ახლა კიდე რაღაც გამოსასწორებელ თამაშს იგონებ? იცი ვაფშე ვინ არის და რა შეუძლია გააკეთოს?ქურდიაო არ გაიძახდი?
_ვიცი,რომ მისი ციხეში გაშვება არ გინდოდა ... მის დასაცავად აქ ამით დამადექი და მაშანტაჟებდი -ქურთუკზე მიუთითა და თვალებანთებულმა გაუსწორა მზერა- შესაბამისად არის მასში რაღაც ნათელი
_არ ჩავერევი ხომ იაზრებ ამას
_ისე ამბობ თითქოს ჩვენს შორის ბავშვი მე ვარ
_კარგი იქნებოდა მართლაც ბავშვი ვიყო ...ვიცოდე მაინც რა ჯანდაბას ნიშნავს ეგ_ ჩუმად თქვა და ისე წავიდა ზედაც აღარ შეუხედავს. სწრაფად მიდიოდა, მანქანა ჩიხიდან რომ გავიდა ხმა შემდეგაც ისმოდა სესილიას კი შინაგანი კმაყოფილების შეგრძნება დარჩა,მაგრამ ტვინში სრული ქაოსი იყო.
................
ჯერ კიდევ არ იყო რვა საათი ჭიშკარი ,რომ გაიღო და ეზოში კიტა გამოჩნდა. ბნელოდა, მაგრამ სოფელს ეღვიძა , რამდენიმე მეზობელი პირუტყვს ტყისკენ მიერეკებოდა და მასწავლებლის სტუმარიც შენიშნეს.
_შემოდი _სახლის კარი გააღო და დაელოდა როდის შევიდოდა
_იყოს ... აქ ვიქნები
_მე მცივა და გარეთ ლაპარაკი არ მინდა _უყურებდა და ვერ ხვდებოდა რატომ ითრევდა ფეხს _შენ რა ჩემი გეშინია?
_მე? რისი უნდა მეშინოდეს ... რადგან არ იშლით შემოვალ _ მაშინვე დაიძრა ზღურბლი გადაკვეთა , მაგრამ იქვე გაჩერდა _ აქ ვიქნები
_რა თამაშია... სახლში შემოიჭერი ყველაფერი გადაქექე და ახლა რომ გპატიჟებ არ შემოდიხარ? არ მითხრა იატაკის დასვრას ვერიდებიო
_ხო ,ეგეც არის
_ხოდა გაიხადე და ისე შემოდი
_რა ვქნა?
_ღმერთო მიშველე ... შვილო , გაიხადე ფეხსაცმელი და შემოდი_თქო. გაყინული ხარ, ფეხით გამოიარე ალბათ ამხელა გზა_სავარძელში ჩაჯდა და ჩაის დიდი ფინჯანი აიღო
_რა უნდა გავაკეთო... რას მიპირებთ მაინც ვერ ვხვდები
_შენ რისი გაკეთება შეგიძლია
_მეე?
_დიახ , შენ ... კიტა ჯანაშიას . რამდენი წლის ხარ?
_17
_ხო აი 17 წლის ბიჭი რას აკეთებ ... სკოლიდან გასული ხარ, ცხრა კლასის ატესტატი გაქვს მხოლოდ. რა გეგმა გაქვს არ იცი? რა გინდა გააკეთო
_არ ვიცი ...
_რისი გაკეთება შეგიძლია... როგორ ცხოვრობ. რამეს ხომ აკეთებ , არა?
_ვმუშაობ ხოლმე, მუშად.
_და ასე გინდა გაატარო დარჩენილი ცხოვრება? როცა ფული დაგჭირდება ვიღაცის სახლში შეძვრები თან ასე უნიჭოდ იქურდებ და მერე ციხეში იქნები? არ გინდა მშვიდი ცხოვრება, ოჯახი , ცოლი, შვილები ...თუმცა მამაშენიც არაფერს აკეთებს , მაგრამ აი რამდენი შვილი ჰყავს . ალბათ იგივეს გეგმავ
_არა ! -წამსვე იუარა ,თანაც მტკიცედ სესილია კი მიხვდა,რომ სწორ გზას ადგა
_აბა? რას ფიქრობ
_არაფერს! ამაზე უნდა ვილაპარაკოთ ?
_კითხვას რომ გისვამ მიპასუხე... რა შეგიძლია რომ გააკეთო , რა გინდა რომ გააკეთო . აი საშუალება რომ გქონდეს რას გააკეთებდი თუ მხოლოდ ფული გინდა გქონდეს
_ფსიქოლოგთან ვარ თუ მასწავლებელთან სასჯელის მისაღებად
_ამბობდი მუშა ვარო ... შესაბამისად მიწის დამუშავებას და ნივთების გადაზიდვასაც შეძლებ ხომ?
_თავისთავად ... მიწების გამოყენებას აპირებთ ? მარტოს დრო დამჭირდება და თან უნდა მითხრათ რის დარგვას აპირებთ მიწა შესაბამისად რომ მოვამზადო
_მე არ ვიცი ეგ შენ უნდა მოიფიქრო რისი გაკეთება გაწყობს საკუთარი შემოსავლისთვის ... პირადად შენ რასთან მუშაობა შეგიძლია
_ვერაფერი გავიგე , მე რა უნდა გავაკეთო მაგის ფული რომ მქონდეს სათბურები გავაკეთო რაღაცები დავრგო და ბიზნესი მქონდეს ჩემ და ძმებს ასე ვაცხოვრებდი? ჩემ სახლში ყოფილხართ, ტასომ მომიყვა ... იქ რაც ნახეთ
_ყველაფერს მიალაგებ , მეორედ რომ მოვალ ბავშვებს მოწესრიგებული , სუფთა გარემო ექნებათ. ეზოში სათამაშო სივრცე , სახლში წესრიგი და ამ ყველაფერს მაქსიმუმ 2 დღეში გააკეთებ და მერეც შეინარჩუნებ
_ეგ რომ შემძლებოდა
_სცადე ოდესმე? მეეჭვება იქაურობის დალაგება ვინმეს ეცადა და მერე ამის შენარჩუნება. შენი პირველი დავალება ეგაა !
_რა, დალაგება?
_ბავშვებისთვის ადამიანური გარემოს შექმნა და იმ ყველაფრის ადეკვატურად გამოყენება რაც გაგაჩნიათ ... ისწავლი და ასწავლი როგორ დაალაგო არეული
_შეიძლება გავგიჟდე _ ძირს დაჯდა და კედელს მიეყრდნო _ რომ მოვდიოდი მეგონა აქ , თქვენთან გამაკეთებინებდით რამეს და თქვენ მეუბნებით სახლი დაალაგეო
_არა მხოლოდ ... ჩემი აქ ყოფნის განმავლობაში სულ გავაკონტროლებ რამდენად შეინარჩუნებ მაგ წესრიგს
_დედაჩემი ვერ აკეთებს მაგას და მე ამდენი ბავშვი როგორ გადავიყვანო სხვა რელსებზე
_ეგ ჩემი პრობლემა არ არის... თავად უნდა მოიფიქრო. შენი მასწავლებლები ამბობდნენ საუკეთესო იყო კლასში თუ მოგვისმენდაო , აზროვნების ნაკლებობას არ უნდა განიცდიდე .
_ ორი დღე ცოტაა... იმდენი რამეა ეზოში ისინი სად უნდა წავიღო რა ვიცი. ან ამდენი ჭუჭყიანი ნივთი სად გადავიტანო
_სუფთა ტანსაცმელი გაცვია ... ტანსაცმლის სარეცხი მანქანა თუ არ გაქვს ასე როგორ გამოიყურები
_ძმაკაცთან ვრეცხავ და რაღაცებს თვითონ... რეებს მალაპარაკებ , ე
_ტონი შეარჩიე, როგორმე
_ბოდიში ...
_ შენი მშობლები სინამდვილეში სად არიან
_წასულები არიან ქალაქიდან... ფერმაში მუშაობენ ახლა და ბავშვები ჩემს დასთან არიან
_ანასტასია როგორ დაიწვა
_წყალს აცხელებდა პატარა ძმა რომ დაებანა და გადაესხა . სახლში მარტო იყვნენ
_სანდრომ შენ გცემა თუ სხვებსაც სცემს
_მამა , დედას ურტყამდა რომ მოვიდა იმ დღეს და ის სცემა. სასტიკია, ველური , საშიშიც , მაგრამ ბავშვებს არასდროს შეხებია და საერთოდ სწორ ხალხს არ სცემს. გიჟი არაა , უბრალოდ ყელში აქვს ყველაფერი ამოსული და აღარავისთან ლაპარაკით არ აგვარებს , როგორც ადრე აკეთებდა . მიხვდა ზოგთან აზრი რომ არ აქვს _ ჩაიცინა ბოლოს და არეული მზერა იატაკს გაუსწორა _ კიდევ რას გავაკეთებ?
_საქმე მოიფიქრე რისი სწავლაც გინდა რაც შეიძლება მალე და უშუალოდ საქმის გეგმასაც თუ მომიტან დროულად კარგი იქნება
_ხომ გითხარით , მაგ ყველაფერს ბევრი ფული სჭირდება
_როგორმე ვიცი , რადგან გლეხი არ ვარ იმას არ ნიშნავს , რომ ციდან ჩამოვვარდი ! გააკეთე რასაც გეუბნები , ჩათვალე ბიზნეს წინადადებით მოდიხარ და მოგაქვს არგუმენტები , რომ ნამდვილად შეძლებ იმ პროდუქტის ამ ნიადაგზე მოვლას და ფულის გამომუშავებას ან რა ვიცი რაღაც ობიექტის გახსნას და ამუშავებას.
_პრეზენტაციაც ხო არ გავჩითო
_როგორც გინდა
_მეღადავები?
_სულაც არა... მობილური ხომ გაქვს . მომიტანე ზუსტი ინფორმაცია ,ყველაფერი დაწერე და ისე მოდი
_უკვე წავიდე ?
_ხო, საკმარისი არ გგონია ?
_ორ დღეში კიდე ახალ დავალებას მომცემთ?
_ჩვენ ხომ დროზე არ შევთანხმებულვართ, არც სასჯელის რაოდენობაზე
_კარგი , ჯანდაბაა ... შენგან ყველაფერს უნდა ველოდე
_მე არ მომიცია უფლება და ასე ნუ მესაუბრები, თქვენობითი ფორმა გამოიყენე. თანატოლები არ ვართ მე და შენ ,არც მეგობრები
_ახლა რომ გავიდე , ჯერ 15 წუთი გავიდა სანდრო იქვე გამგლეჯს და სახე ჯერაც დასიებული მაქ ხომ ხედავთ
_სანდრო აქაა?
_აბა გეგონათ მარტო გამომიშვებდა? ჩუმად მომყვებოდა თავისი ჭკუით. მამოწმებს, აინტერესებდა მოვიდოდი თუ არა . არ დამიჯერებს ესენი რომ მოვუყვე რაც დამავალეთ
_ისე მოიქეცი რომ დაგიჯეროს და აღარასდროს შეეპაროს შენში ეჭვი
_ეგ მარტივი გგონიათ?
_მარტივია იყო ცუდი , რთულია იყო ნორმალური და კიდევ უფრო რთულია იყო კარგი ადამიანი
_თქვენ ეტყობა ცუდი არასდროს არაფერი გაგიკეთებიათ , თორემ არ იტყოდით მარტივიაო . მაგაზე მძიმე და დამპალი არაფერია
_მე საქმეებზე როდის ვსაუბრობ... მე სულს ვგულისხმობდი , შენ არც ისეთი ცუდი ხარ როგორც გგონია და როგორც აჩვენებ ადამიანებს შენი ქმედებებით . ამიტომ უნდა იპოვნო ცხოვრების ის გზა რომელის გავლისას გააკეთებ ისეთ საქმეს რომელიც შენს სულთან იქნება ჰარმონიაში
_ასეთ რთულ რამეებს ნუ მეტყვით , მხოლოდ 9 კლასის განათლება მაქვს
_ვითომ ვერ გაიგე რა გითხარი?
_სანდროს ვერ დავაჯერებ!
_სიტყვა "ვერ "აკრძალული გაქვს დღეიდან !
_დროა წავიდე სანამ კიდევ რამე ისეთს მთხოვთ ტვინი რომ ამიდუღდეს _უცებ წამოდგა და კარი გააღო _ მადლობა . ორ დღეში ვეცდები ყველაფერი მოვაწესრიგო
_თვითონ დაგიკავშირდები

იჯდა და თავადაც არ იცოდა რას აკეთებდა, მაგრამ უცნაურად კმაყოფილი კი იყო. შინაგანი ხმა კარნახობდა, რომ სწორი მიმართულება აირჩია , შედეგის მოლოდინიც ჰქონდა , მაგრამ არგუმენტები არ გააჩნდა . დრო სჭირდებოდა ყველაფრის გასარკვევად და დასალაგებლად მანამდე კი აივანზე გავიდა , მთელ ქუჩას უყურებდა მათ შორის ძმებ ჯანაშიებსაც. სანდრო მართლაც მთელი ეს დრო იქვე ახლოს მდგარა , ახლა ბიჭს უყურებდა ,ის კი სწრაფად უხსნიდა რაღაცას. მერე სანდრომ ვიღაცას დაურეკა, ბიჭი წინ გაუშვა თავად კი ნელა გაუყვა ატალახებულ გზას. თითქოს არც კი სციოდა, წვიმასაც ვერ გრძნობდა ისე ზანტად მიაბიჯებდა. ვინ იცის,იქნებ მონატრებულიც ჰქონდა ბუნებასთან კონტაქტი და ყველაფერს თავიდან აღიქვამდა.

მოსე სკოლაში დაბრუნდა. კლასში შესვლამდე მიაღწია სესილიამდე ამ ამბავმა , სალომემ დახვედრა მოუწყო. წინასწარ ჰქონდა ყველაფერი მომზადებული . ჟრიამული ისმოდა პირველი სართულიდან სამასწავლებლოში კი უკმაყოფილო ზუზუნით პასუხობდნენ ყოველგვარ მხიარულებას
_ისე დახვდნენ ეს სულელი ბავშვები თითქოს ხისთავიანი მოჩხუბარი კი არა ვინმე მნიშვნელოვანი ფიგურა ჩამოვიდა
_მანანა მასწავლებელო , ჟურნალისტებთან კარგად ისაუბრეთ . აქეთ და ადიდეთ , ისე ემზადებოდით _ სანამ თავად იტყოდა რამეს ქიმიის მასწაებელი მიუბრუნდა _ როგორ პოლიტიკური პარტიებივით ყველა და ყველაფერი ხან მოგწონს ხან არა , ხან ერთის მხარეს ხარ ხან მეორეს. გააჩნიაროცა გაწყობს ... შენი შვილიშვილი სიკვდილს რომ გადაარჩინა მაშინ კარგი ბიჭი იყო და ახლა გახდა ხისთავიანი? მასეთი ხისთავიანი ნეტავ ყველა სახლში იყოს. მასეთ კაცებს გაყვებოდნენ ჩემი გოგოები რომ გაიზრდებიან _ აშკარად ძალიან უყვარდა ამ უკანასკნელს მოსე ისე დაიცვა და გააჩუმა მანანა სესილიას სათქმელი აღარ დაუტოვა.
_საით ლელა მას?
_მეც ვნახავ ჩვენს ბიჭს, ვერ მივულოცე გამარჯვება
_მოსე თქვენი მეზობელია ხომ?
_მე ქუჩის ბოლოს ვცხოვრობ, მაგრამ მეზობლად ითვლება დიახ. ბოლო ათი წელია რაც ვუყურებ და ვინმეს სალაპარაკო ნამდვილად არ არის, მითუმეტეს მანანასი , თავის გატუტუცებულ შვილიშვილებს მიხედოს. ყველაფერი რომ აქვთ და მაინც მოსეს ფრჩხილად არ ღირს არცერთი, კაცების გარდა ყველაფერი არიან . არაკაცი ბიძამისი ხომ მოსაკლავი კაცია , ბიცოლამისი ხომ საერთოდ ქალი არაა . უპატრონო ბავშვს თავისი ნაშრომ _ნაწვალები წაართვეს და მიითვისეს , მაგრამ ბიძაშვილებს ამ მდგომარეობაშიც აქცევს ყუეადღებას. სხვა სკოლაში ჰყავდათ და იმდენი მოახერხა აქ გადმოიყვანა.
_ახალ მოსწავლეებზე რომ ამბობდა დირექტორი ისინი არიან?
_დიახ, იმ სკოლაში ისეთები ხდება კი გამიკვირდა თავიდანვე როგორ მისცა უფლება_თქო . ეტყობა შვილო ისე იყო გადაღლილი მაგაზე ვეღარ იფიქრა და აი ახლა , დალეწილია მთლად , მაგრამ გოგოებზე ზრუნავს. იქ კარგს არაფერს უზამდნენ, დედამისის შვილები მაინცადამაინც დიდი ღირსებით არ გამოირჩევიან , მაგრამ რას იზამ . მიხედავს მოსე მაგათ _ქალი ისე იყო ბიჭზე შეყვარებული ბავშვები მიმოფანტა და გულში ჩაიკრა ბიჭი, ისიც აშკარა პატივისცემას გრძნობდა , ხელზე აკოცა ქალს , კარგახანს ესაუბრებოდა მერე კი უკან მდგომი ბიძაშვილები გადააბარა. ლალის იყო მათი კლასის დამრიგებელი .

სალომე ფოტოებს იღებდა ის კი აშკარად მის გამო პოზიორობდა. შემდეგ ანიშნა დავასრულეთო და გოგონაც შეეშვა. სესილია მალევე მიხვდა, რომ სკოლაში მხოლოდ ბიძაშვილების გამო მივიდა. ყველას გააცნო, გააგებინა მათ შესახებ , შეუქმნა ფარი , რომელიც ყველასგან და ყველაფრისგან დაიცავდათ და შემდეგ ისე წავიდა სესილიას არც მისალმებია. მომღიმარი სახით ისედაც არ დადიოდა, მაგრამ ამჯერად სულ სხვაგვარი გამომეტყველება ჰქონდა. წარბზე შრამი დარჩა, ხელის მოძრაობა ისევ შეზღუდული ჰქონდა , მაგრამ სულის იარები გამოიყურებოდნენ ყველაზე მძიმედ.
იმ დღის შემდეგ სკოლაში დადიოდა, არა ყოველ დღე,მაგრამ ხშირად. გაკვეთილებს ძირითადად არ ესწრებოდა, დარბაზში იყო და ვინ იცის რას აკეთებდა მაშინ როცა თავად ვერ თამაშობდა. ინგლისურში წერა ისე დაიწყო და დაასდულა ზედმეტი სიტყვაც არ უთქვამს. სესილიას აშკარად აიგნორებდა, ისე ექცეოდა როგორც სხვა , რიგით პედაგოგს რაც ქალს დიდ დანაკლისს უჩედა, მაგრამ დიდხანს არ აღიარებდა.
……………………
გიგაურმა თამაშის დროს ფეხი მოიტეხაო ხმა გავარდა და დეასთანაც მიაღწია ამბავმა, რომლის დეტალები არავინ იცოდა . ყველა სხვადასხვა დიაგნოზს ამბობდა მყესის გაწყვეტიდან მოტეხილობამდე საბოლოოდ კი მხოლოდ ის იცოდა ზუსტად, რომ მოედნიდან საკაცით გაიყვანეს და ეს უკვე მდგომარეობის სიმძიმეზე მიუთითებდა
-იცი რა სჭირს? -სხვას ვერავის ჰკითხავდა მოსეს გარდა
_მოტეხილი აქვს ... გაგიჟებულია. თამაშს დიდხანს ვერ გააგრძელებს , რეპეტიტორებთანაც ვერ ივლის
_დიდხანს დატოვებენ კლინიკაში?
_ზუსტად არ ვიცი , მაგრამ არამგონია
_ძალიან ეტკინება?
_გამაყუჩებლებს მისცემენ
-რა გავაკეთო -ტირილი მოუნდა, ისე ძალიან რომ მოსეს ჩაეხუტა სახის დასამალად
_ბავშვები წავალთ , მოვინახულებთ და შენც ჩვენთან ერთად წამოხვალ
_ვერა... ვერ ვნახავ . ცუდად როცაა ხომ იცი რა მემართება
_მე კი ვიცი, მაგრამ მან რომ იცოდეს იდეალური იქნებოდა _თავზე ეფერებოდა , ნაზად აკოცა და ზემოდან დახდა _როდის გათავისუფლდები ჩემო ჩიტო გალიიდან
_არასდროს... ჩემი ცხოვრება ჩემი არ არის . მალე წადი გთხოვ, ნახე და მითხარი როგორაა
_არც დაურეკავ ?
_არა და არც მივწერ !

გადაწყვეტილი ჰქონდა, მაგრამ ვერ გაუძლო. მას მერე რაც მოსემ მდგომარეობა დაამძიმა სულ აირია. ნესტანთან მეცადინეობაზდ მისულმა ზღვარი დაკარგა , დასასრულს ოთახში დარჩა და ქალს მორიდებით ჰკითხა ბიჭის შესახებ
_საავადმყოფოდან როდის გამოწერენ?
_უკვე სახლშია ...
_და როგორაა ?
_ოპერაცია არ სჭირდება, მადლობა ღმერთს , თუმცა მეეჭვება თამაში განაგრძოს. ძალიანაა დათრგუნული, ჩაიკეტა და დიდხანს ოთახშიც არ გვიშვებს . შენ თუ მოინახულებდი ცუდი არ იქნებოდა
_მე ...იცით მე სხვა დროს _ უკვე სახლის წინ იდგნენ , საშინელი ამინდი იყო წარმოიდგინა როგკრ იქნებოდა და წამში შეცვალა გეგმები _ შემიძლია ვნახო?
_წამომყევი, ოთახს გაჩვენებ _ სახეზე ეტყობოდა კმაყოფილება სხვა კი არაფერი უთქვამს. ოთახამდე მიაცილა და კართან დატოვა .
გაუბედავად დააკაკუნა და სახელურიც ჩამოსწია _შეიძლება ? _ოთახში ბნელოდა , მაგრამ ვაჩეს სახის პოვნა არ გასჭირვებია. საწოლის თავს იყო მიყრდნობილი ხელში რაღაც წიგნი ეჭირა და კითხულობდა
_დეა ... რა თქმა უნდა . შემოდი , იქ დაჯექი _მაგიდასთან მდგომ სავარძელზე მიუთითა
_არა მე უბრალოდ შემოვიარე, მაინტერესებდა როგორ ხარ
_სკოლის დამთავრებამდე ყველა და ყველაფერი დაისვენებს ჩემგან ... ჰობს შევეწირე თან ისე , რომ თამაშსაც ვეღარ შევძლებ და სწავლაც სახლში მომიხდება . შეგიძლია მშვიდად იყო , ახლა უკვე ნამდვილად არსად გადაიკვეთება ჩვენი გზები _ ჩაიცინა და ფერმკრთალ სახეზე ხელები ჩამოისვა .
_იმედია მართლა არ ფიქრობ, რომ შენი ჯანმრთელობის შერყევა მე ოდესმე გამახარებს... მალე გამოჯანმრთელებას გისურვებ _გული უსკდებოდა, ნანობდა კიდეც მის ნახვას, ცუდად იყო , იქედან გაქცევის და ტირილის გარდა არაფერი უნდოდა. აგიჟებდა ვაჩეს ფიქრები მისი ჩამქრალი მზერა და სიცივე რომელიც სულს უყინავდა .
_ჩვენების რესტორნიდან მოგიტანე ყველაფერი ... ამასაც თუ არ შეჭამ დედაშენი გადამერევა და ჩემი ქალი რომ ცუდადაა იცი მერე რაც მემართება თუ ღმერთი გწამს ორი წლის ბავშვივით ნუ იქცევი _ კაცმა კარი ისე გააღო ოთახში მყოფუ სტუმარ არ ან ვერ შეამჩნიადა ბიჭის რეაქციაც დააიგნორა , თვალების ბრიალით რომ ანიშნებდა გაჩუმებულიყო
_დეა მიდის უკვე ... გააცილონ. გმადლობ მონახულებისთვის , საჭირო არ იყო და სხვებსაც გადაეცი თუ არ შემაწუხებენ მადლობელი ვიქნები . საავადმყოფო რომ აიკლეს ეგეც კმარა
_სტუმარი გყოლია, ისიც დაგეწვევა ... გამარჯობა
_გამარჯობა ... უკაცრავად მე მართლაც უნდა წავიდე უკვე _ ბიჭს თვალს არ აშორებდა კაცს წამით გახედა და მერე ისევ ვაჩეს გადახედა, წიგნის ფურცვლა რომ დაეწყო უკვე და აშკარად არ აპირებდა ვახშმობას.
ეგონა თუ ნახავდა დამშვიდდებოდა,მაგრამ პირიქით მოხდა ახლა კიდევ უფრო ღელავდა მის მდგომარეობაზე და არარაფერი აფიქრებდა გიგაურის ჯანმრთელობის გარდა.