რაში მჭირდება შენი
მიყვარხარ,
როდესაც ვიცი, რომ
ტკივილამდე მგრძნობ.

ცრემლებს დამიშრობს შენი ტუჩები
გამიადვილებს შენთვის შეხედვას,
მე თუ სიყვარულს ვერ გეფიცები,
შენი თავი ხომ დამეფიცება.

არ მიყვარს
როცა
გახურავს ქუდი
და
ვეღარ ვხედავ
შენს წაბლისფერ თმას,

მწვანე თვალები დამეფიცება,
შემოდგომისას რომ არ ყვითლდება!

გულს ამიჩქარებს შენი გრძნობები,
ჩემი შეხება რომ ებრალება,
ტირილის ჟამს რომ მომეფერები,
ბედნიერებით ამეტირება!
.........
ბანალურია
ეს ყველაფერი.
......
უ-შენოდ მე რომ არ შემიძლია.
ჩემი კი არა, შენი ბრალია.

.........

სიყვარულს თუ ვერ დაგეფიცები,
შენი თავი ხომ დამეფიცება,
მაგ გულში სისხლად მე ჩაგიდგები
და შენ სხეულში დავიწყებ რბენას.

.........
დამეფიცება შენი გრძნობების
ხილვა
და არც არასდროს დამავიწყდება,
სიყვარულს, რწმენას, რომ დავიფიცებ
შენი თვალები გამახსენდება.

....
და
მაინც
დამეფიცება, რომ მე მიყვარხარ.