დიდხანს მინდოდა მეწერა შენზე,
როგორ აღმზარდე აქამდე დედა,
ვერ ვპოულობდი საჭირო სიტყვებს
რაც კი მინდოდა რომ შენზე მეთქვა.
ახლა ვეცდები მოკლედ აღვწერო,
ყოველი სიტყვა, შენი ნათქვამი,
ყოველთვის ვხვდები რომ შენი სიტყვა,
იყო ყველაზე სუფთა, მართალი.
მე შენ მანახე ცხოვრების ხედი,
შენ დამანახე სწორედაც ეს გზა,
ამიტომაც ვარ ასეთი მშვიდი,
ეს ნათელია, მე რომც არ მეთქვა.
დიდხანს მინდოდა მეწერა შენზე,
როგორ აღმზარდე აქამდე დედა,
ვერცერთი სიტყვა ვერ იტყვის იმას,
როგორ მიყვარხარ შენ, ჩემო დედა.