მარტო ცხოვრებას აზრი არა აქვს
როცა შენს გვერდით ვინმე არა გყავს
ირგვლივ სხვას ხედავ გიჩნდება შური
შენ სხვის ლაპარაკს მოჰკარი ყური
ვიღაცა ამბობს მე შემიყვარდა
იმას ამატებს ვერ ვძლებ მარტოო
როცა შევხედე ჰო შეიცვალა
მაგრამ ვერ ვხვდები თურმე რატომო
შენ დაიწყებ ამ სიტყვებზე ფიქრს
შენ გეცვლება სიყვარულზე აზრი
ნელ-ნელა კი ხვდები რომ ეს ღირს
ამ გრძნობისთვის ღირს გაწირო თავი
უკვე ცდილობ ნახო შეიყვარო
მაგრამ ამ დროს ძნელი არის პოვნა
ამის გამო გინდა შეიცვალო
სხვებისადმი შენ გიჩნდება თხოვნა
გინდა ვინმემ რომ გასწავლოს რამე
ელი ამ დროს სხვისგან დახმარებას
შენ კი ფიქრობ რომ გათენდეს ღამე
შენ მოელი გულში გატარებას
რამ გინდა რომ გაიაროს გულში?
შენ ხომ იცი გინდა სიყვარული
რა გჭირდება ამისათვის გულში?
მისი ძალა მისი სიხარული
დღითიდღე კი გივარდება თავში
რომ შენ უნდა შეგიყვარდეს ვიღაც
მაგრამ იცი რომ არ კმარა თავი
თანხმობას ხომ ამ დროს ელი სხვისგან
და როცა შენ გაერკვევი ამაში
უკვე მზად ხარ რომ ჩაება თამაშში
ეს თამაში მარტო არის ძნელი
ამ დროს უნდა სხვამ გიწოდოს ხელი
და როცა ის გამოგიწვდის ხელს
სწორედ ამ დროს დაიწყება ლტოლვა
სიყვარული შენთვის უკვე ჟღერს
დედამიწამ შეიცვალა ფორმა
სიყვარული გახდა შენთვის სამყარო
მასზე ფიქრობ შენ დილას და საღამოს
ის ხომ არის ნატვრა ყოველ დღის
სიცოცხლე ხომ სწორედ მისთვის ღირს