მზის სხივებით მოქარგული მთა-ბარი.
აღტაცებამ ჩოქვით შემომატარა,
სიცოცხლით და სიყვარულით გამთბარი
რა ტურფაა,რა ლამაზი აჭარა.

ჩვენს გულებში ზღაპრად შემონახული,
წინაპრების საარაკო გმირობა
ჯადოსნური ფუნჯით შემოხატული
საქართველო,აჭარიდან იწყება.


აჭარას დღესაც ამშვენებს
უძლეველობის ნიშანი,
ჩვენი გმირების აკვანი
პეტრა,გონიო,ხიხანი.

აქედან იწყება დედა საქართველო,
აჭარას დედასთან სიშორეც სტანჯავდა.
თუ გსურს შვილმა მშობელი ასახელო
მიბაძე იმას ვინც,ყვავილებს რგავდა.

აჭარა არის ერთობის სიმბოლო,
აჭარა მაღლდება მიწიდან ზეცამდე,
ღმერთო დაიფარე ჩემი საქართველო
ჯერ სიყვარული და მერე სიმრავლე.

---------მარიტა ცინცაძე---------