გასწი ჩემო ლურჯა რაშო
საარაგვოს გავემართოთ
გავიტაცოთ მზეხათუნი
ძამის მთებში გადავმალოთ

გამაქროლე ისე სწრაფად
მდევარმა რომ არა გვნახოს
ძამის წყალი არ გეგონოს
არაგვს უნდა დავეტაკოთ

ავიტაცებ თვალგიშერას
ისეთია მზეც არ დათმობს
გამაქროლე ქარიშხალა
დღეს და ღამეს ვეარავცნობ

გადავმალავ ერთსა ქვაბში
მიუვალსა უსიერში
ქვაბის კართან ვუდარაჯებ
არ გაიქცეს სადმე ბნელში

შეველ ქვაბსა სანახავად
ქალა დამხვდა ნაბადზედა
წამში ჩქროლვით მასთან გავჩნდი
მდევარიც არ გამახსენდა

ერთი სიტყვა ძლივასღა ვთქვი
ქალავ რად მაწვალებ ამდენსა
მხოლოდ ერთი შემომხედა
ვერ იტევდა დარდსდა სევდას

გასწი ჩემო ლურჯა რაშო
ქალაი დედას მივუყვანოთ
მას რომ ვხედავ დარდიანსა
ჩემსა თავსა ვეღარა ვცნობ

დავაბრუნებ მას სახლშია
და მივიყვან რასმე განძსა
მას რომ რამე დაემართოს
არ ვახარებ ჩემსა თავსა