გავცქერი ზღვას და უკიდეგანო
პეიზაჟები იშლება თვალწინ,
გავცქერი ზღვას და ფიქრებში წასულს
ეს სანუკვარი ნუგეში მაწვიმს!

გუშინ მესიზმრა: შეხვედრას მთხოვდი,
უცაბედობით ხარობდა გული...
მესიზმრა: თითქოს ტალღის რხევაში
გამოჩნდა შენი სათუთი სული!

თითქოს გამოჩნდა ნაცნობი ჩრდილი
და აედევნა ოცნებას ღიმი,
კვლავაც გადაჭრა გრძნობამ ნაპირი
და იქ აღმოჩნდა ობოლი ტივი!

გავცქერი ზღვას და უკიდეგანო
პეიზაჟებში ვპოულობ ნუგეშს,
გავცქერი ზღვას და ფიქრებში წასულს
უკუნი ღამე მავიწყებს სულეთს!

და თვალებს ხუჭავს სურვილი, გრძნობა,
გული მიკივის: ელოდე, მოვა!
სულში იღვრება ტკივილი, სევდა
და გამომიხმობს სიკვდილის ბედთან!

ოცნების კვალი ეტყობა თვალებს
და გახუნებულ სულის კელაპტრებს,
გული ყურს უგდებს ტკბილ მოგონებებს
და ფიქრი აწვიმს წმინდა სენაკებს!

გავცქერი ზღვას და უკიდეგანო
პეიზაჟები იშლება თვალწინ,
გავცქერი ზღვას და ფიქრებში წასულს
აუტანელი ტკივილი გამცრის!