წავიდეთ!
მოვშორდეთ სამყაროს ღელვას, რომ
მშფოთვარე სივრცეში ტალღებმა არ გადაგვიაროს!
წავიდეთ,
ავუყვეთ გრძნობების ხეობებს!
გადავდგათ ნაბიჯი - განვუდგეთ უსისხლო მკვლელობებს!

წავიდეთ!
ვეძიოთ მშვიდობის ველები -
ჩემს წარმოსახვაში დანისლულ ხეობებს ვეხები!
წავიდეთ -
ვიხტუნოთ მზის ცისარტყელაზე,
ფრთაშესხმულ ბარტყებივით ვილოცოთ მის ნათებაზე!

წავიდეთ -
გველიან ტიტველი ვერხვები,
ჩვენ ავაყვავილოთ ტუჩების მხურვალე შეხებით!
წავიდეთ!
ღრუბლებზე ავიდეთ ფერებით!
ვამღეროთ ჩიტები მხურვალე, მაჟორულ ბგერებით!

წავიდეთ,
ვიპოვოთ ზღაპრული ქალდეა,
სადაც უკვდავი სიყვარული დაისის ზღვაზეა!
წავიდეთ!
ისმინე მშფოთვარე ბგერები
გაუხედნავი ტატოს მერანის... ვატყობ, მნებდები!

წავიდეთ,
მოვშორდეთ ამ ჩაკეტილ სივრცეს!
ვიპოვოთ სილაღე, მივცეთ სითამამე ჩვენს სიტყვებს!
წავიდეთ,
ვეძებოთ ახალი ცხოვრება -
ჩვენთვის საოცნებო და ვპოვოთ სულისთვის ცხონება!

წავიდეთ!
წავიდეთ... სულაც რომ გავფრინდეთ,
ჩვენი სიყვარულით უდაოდ ჰაერიც გავწმინდეთ!

წავიდეთ!