,,მოდი გავფრინდეთ დედამიწიდან’’

მოდი წავიდეთ,ჰორიზონტს გავცდეთ
წამით ვუსმინოთ,მივყვეთ გულისხმას
მოდი ოცნების ღრუბლებზე დავსხდეთ,
სადამ სიკვდილმა ჩვენც გვიგულისხმა

მოდი წავიდეთ,გადავცდეთ საზღვრებს
ხელი ჩამკიდე გავიქცეთ, მენდე
დედამიწა,ხომ სიყვარულს არღვევს
მრუშობის ნიღაბს აფარებს დღემდე

მოდი წავიდეთ,მთებს შევეხიზნოთ
ვიხეტიალოთ,დავტოვოთ სახლი
ჭაღარა მთებზე ცას შევეხიდოთ,
სულს აგვიშფოთებს ძიება ახლის

მოდი ავფრინდეთ,ოცნების ფრთებით
სადაც სიყვარულს გალობენ წმინდად
ცისარტყელების ფერებით ვთვრებით
ტრფობის ღრუბლები ჩვენ,რომ გვაწვიმდა

მოდი წავიდეთ,დედამიწიდან
აქ სიყვარული მდიდრულად გლეხობს,
მოდი გავიქცეთ ცოდვილ მიწიდან,
სადაც სიკვდილი სუყველგან მეფობს.

გიორგი ქადაგიძე(ქუჩის მდაბიო პოეტი)