შესვლა
რეგისტრაცია
რეკლამა

მოდი


21-03-2016, 14:02
ავტორი Kristy
ნანახია 1 897

მოდი, ისევ დავიბრუნოთ ხედვა,
როცა დგება საოცნებო ჟამი
და დღეს ისევ ავიკრძალოთ სევდა...
ძველმა გრძნობამ გაანათა წამი!

მოდი, ისევ მივეჩვიოთ ამ დროს,
არ დავკარგოთ საიმედო წელი
და კვლავ ნუღარ გავექცევით აწმყოს,
გავუწოდოთ ჩვენს სიყვარულს ხელი!

მოდი, გრძნობით შემომხედე წამით,
რადგან გული ძველებურად გიცდის
და უმალვე გამოვჩნდები წამლით...
დრო ხომ, კარგო, არასოდეს იცდის?!

მოდი, სულის უკვდავების გემით
ავაჟღეროთ მხიარული ხმები,
სიყვარულის და სიცოცხლის გენით
შევაერთოთ დაფანტული გზები!

მოდი, ისევ მიმაჩვიე წყურვილს,
კიდევ ერთხელ გადმომხედე დროში
და მიეცი უფლებები სურვილს...
აღარ მიღირს ეს ცხოვრება გროში!

მოდი, ისევ შევიყვაროთ წინსვლა,
რომ ამ გულმა მოიძულოს კითხვა
და გაიგე, რომ არ მინდა მისვლა...
დამიჯერე, აღარ მითხრა სიტყვა!

მოდი, უკვე შევაერთოთ ბედი,
მხოლოდ ერთი მოწერაა ხელის
და კვლავ ერთად ვაფერადოთ ხედი,
რადგან მხოლოდ ჩემი გული გელის!

მოდი, ისევ დამიყვავე ქარში,
კიდევ ერთხელ გაიმეტე კოცნა,
დამანახე საქორწილო მარში,
აღარ მიღირს, გამიგონე, მოცდა!

მოდი ნუღარ შეგვაშინებს მტერი,
რომ არ გახდეს მარტოობა სენი
და ნუ მეტყვი, რომ გედება მტვერი,
რადგან ბედი მეფიქრება შენი!

მოდი, ისევ შემიყვარე გულით
თუ ოცნებებში გაინაპირებ,
ჩემი სახელი აღვნიშნე ნულით
და შენს კარებთან სიკვდილს ვაპირებ!



№1 სტუმარი Magda

რა მაგარია. ყოჩაღ

 


№2  offline აქტიური მკითხველი ლაზარე 13

მოვედი და ავაფრინოთ მტრედი,
დე უღელიც გაგვეწიოს ერთად,
შეერთდება ბეჭდით ორთა ბედი,
და ცაც გადაიპენტება თეთრად.

მოვედი, არ დავუცადე ხვალეს,
ეგ სიწრფელე ხმაში ვიგრძნო მინდა,
ალუბლები აყვავდება მალე,
როგორც ჩვენი განაზრახი წმინდა.

ჰო მოვედი, გალოდინე დიდ ხანს,
რა ვუყოთ რომ გზები იყო შორი,
შენი ხელი გამოვთხოვე დიდ ხანს,
თან შვლის ნუკრიც მოგიყვანე ორი.

მოვედი და მომეგებე საყდრის,
მზის სხივისგან განათებულ კართან,
მოვფრენილვარ დასაწყისი ახლის,
მოვფრენილვარ ჩემს პატარა ქალთან.

მომეგებე ჩემო მარგალიტო,
გაფენილა ჩვენს ფეხებთან ბზები,
მხოლოდ მე მსურს მიგალობო გვრიტო,
თუნდ ჰადესსაც წაუსხია სხვები.

მე მოვედი, მთელ სხეულზე ათოვს,
სიხარული მოიისფრო სევდად,
სიწმინდით და სინატიფით ნათოვს,
დაგიბრუნდი ისევ ჩემო გერდა.

მე მოვედი, ჩაგაბნიო თმაში,
იასამნის ყვავილები უნდა,
დალალები რომ ცელქობდნენ ქარში,
ნუთუ მათაც ჩემთან ყოფნა სურდათ?!

ციდან მოველ ანგელოზი შენი,
მომაფრინდი, ვიცი გაგიხარდა,
სიკვდილო ეს ყვავილია ჩემი,
და მოწყვიტე... ყველა ამის გარდა.

მაგარი ლექსია. ბრავო love love

 


№3  offline აქტიური მკითხველი ლაზარე 13

ბერძნული მითოლოგიის დრო წავიდა, არ იდარდო, ჰადესი ვერავის ვეღარ წაიყვანს wink გენიალური შენ ხარ, მე მხოლოდ საკადრის ხარკს ვიხდი love

 


№4 სტუმარი Gio

ასეთი ლექსი ჯერ არ წამიკითხავს. პირველია რო ასე მაგრა მომეწონა ლექსი

 


№5 სტუმარი Firestorm

მოდი მოდი მოდი
როგორი სურვილები, როგორი სიტამამე , როგორი გულწრფელობა
ულამაზესი ლექსია

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent