ემოციას აყოლილი რითმები,
სისხლისფერი მომზიდველი ტუჩები
ლტოლვისაგან დაბერილი ძარღვები
და ვნებისგან ანთებული თვალები.

გლუვი კანის მძაფრი სურნელება.
და განცდების შინაგანი ამბოხი
როიალის კლავიშების გუგუნი
ამბორისგან დაკარგული კონტროლი.

მთვარის შუქის მკრთალი ეიფორია,
არეული აზრების ნაზი სიმფონია,
სიყვარულით აღსავსე ერთიანი მელოდია
და დაღლილი გრძნობების მშვიდი ჰარმონია.


გარიჟრაჟზე ჩამცხრალი სიყვარულის ჰანგები,
დაცვარულ სხეულებზე მზის სხივების თარეში
განათებულ ოთახში მშვიდი სუნთქვის რითმები
სიყვარულით აღვსილი ბედნიერი თვალები.