მაინც დაგიჭერ მთვარეო ,
მაინც დაგიწერ ლექსს ,
ამ სიძულვილის მორევში
კვლავ სიყვარული ძგერს.

იქნებ მომიყვე ამაღამ
რად მიატოვა ქალწულმა
ეს დასაწვავი ქვეყანა

რად განეშორნენ სხეულებს,
რად მიატოვეს ცა,
იქნებ ამიხსნა მთვარეო
სევდა უძირო ღამისა,
რად განეშორნენ ვარსკვლავნი
რად მიატოვა მზემ .

იქნებ ზღაპარი მომიყვე რომ
დავივიწყო წყეულმა ეს სატანჯველი
ქვეყანა , იქნებ მასწავლო ქალწულო
როგორ შევუნდო ცოდვები მათ ,
როგორ ვუშველო სიძულვილით შპყრობილ ხალხს .