მხოლოდ გელოდები შენ
და არ მიღალატო გთხოვ,
ჩემს სულს მე მოგართმევ ძღვნად
ნაცვლად აღარაფერს გთხოვ!

მოდი,ნუ დამტოვებ აქ,
აქ ხომ უშენობა თოვს
თოვლის სითეთრეზე მეტს
მე მის ცივ შეხებებს ვგრძნობ!

მოდი,წამოგყვები იქ
სადაც შენი გული მთხოვს,
თუნდაც კიდე იყოს ცის
თუნდაც უსასრულოდ შორს!

შენი გულისათვის მე
ჩემს თავს გავწირავდი ხო
ხო ნუ გაგაკვირვებს ეს
ვიცი ამას შენც რომ გრძნობ!

ნეტავ შენ არ მეძებ მე?
როგორ დავიჯერო რომ
ჩემი გულის ფეთქვის ხმა
შენგან დარჩენილა შორს!

ნუთუ ვერ მიპოვნე კვლავ?
ვკვდები უშენობის დროს,
ერთხელ მიმიხუტე ზედ
მე ხომ მეტს არაფერს გთხოვ!!